ကယားပြည်နယ်တွင် ၂၀၂၃ခုနှစ် ၊ မတ်လ(တတိယပတ်)အတွင်း ဖြစ်ပေါ်နေသော ကြက်သွန်နီအလုံးကြီး တစ်ပိဿာဈေးနှုန်းမှာ ( ၁၅၀၀ )ကျပ်၊ အလုံးလတ် တစ်ပိဿာဈေးနှုန်းမှာ (၁၃၀၀)ကျပ်၊ ကြက်သွန်နီအလုံးသေး တစ်ပိဿာဈေးနှုန်းမှာ ( ၁၀၀၀ )ကျပ်ဖြင့် ရောင်းချလျက်ရှိပါကြောင်း၊ ယခင် ဖေဖော်ဝါရီလ(တတိယပတ်)တွင် ဖြစ်ပေါ်ခဲ့သော ကြက်သွန်နီဈေးနှုန်းမှာ အလုံးကြီး တစ်ပိဿာလျှင်(၃၅၀၀)ကျပ်နှင့် အလုံးလတ် တစ်ပိဿာလျှင် (၂၅၀၀)ကျပ်၊ အလုံးသေး တစ်ပိဿာလျှင် (၁၈၀၀)ကျပ်ဖြင့် ရောင်းချခဲ့ပါကြောင်း၊ ယခုမတ်လ(တတိယပတ်)နှင့် ယခင်ဖေဖော်ဝါရီလ(တတိယပတ်) နှိုင်းယှဉ်လျှင် ကြက်သွန်နီအလုံးကြီး တစ်ပိဿာ (၂၀၀၀)ကျပ်နှင့် အလုံးလတ် တစ်ပိဿာလျှင် (၁၂၀၀)ကျပ်၊ အလုံးသေး တစ်ပိဿာ(၈၀၀)ကျပ်ခန့် ကျဆင်းလာကြောင်း၊ ဈေးနှုန်းကျဆင်းလာရခြင်းမှာ ဈေးကွက်အတွင်း ကြက်သွန်နီအများအပြား ဝင်ရောက်လာသောကြောင့်ဖြစ်သည်ဟု နောင်ယားဈေးအတွင်းရှိ ကြက်သွန်နီရောင်းချသူများထံမှ သိရပါသည်။
DOCA(ကယား)