စားဖိုဆောင်သီးနှံတစ်မျိုးဖြစ်သည့် ခရမ်းချဉ်သီးကို လွိုင်ကော်မြို့၊ မိုင်းလုံးရပ်ကွက် ၊ ရွာတန်းရှည်ရပ်ကွက်နှင့် လင်ဖုံလေးကျေးရွာတို့တွင် အများဆုံးစိုက်ပျိုးလျက်ရှိပါသည်။
ယခု ၂၀၂၃ ခုနှစ်၊မတ်လ(တတိယပတ်)တွင် ဈေးကွက်အတွင်းဖြစ်ပေါ်နေသော ခရမ်းချဉ်သီးဈေးနှုန်း မှာတစ်ပိဿာလျှင် (၁၀၀၀)ကျပ်ဈေးဖြင့် အရောင်းအဝယ်ဖြစ်လျက်ရှိပါကြောင်း၊ ယခင် ဖေဖော်ဝါရီလ တတိယပတ်တွင် ခရမ်းချဉ်သီးဈေးနှုန်းမှာ တစ်ပိဿာ(၂၅၀၀)ကျပ် ရရှိပါကြောင်း၊ ယခင် ဖေဖော်ဝါရီလတတိယပတ်နှင့် ယခုမတ်လတတိယပတ်ဈေးနှုန်းတို့အား နှိုင်းယှဉ်ကြည့်လျှင် ခရမ်းချဉ်သီး တစ်ပိဿာလျှင် (၁၅၀၀)ကျပ်ခန့် ကျဆင်းလာကြောင်း၊ ဈေးနှုန်းကျဆင်းလာရခြင်းမှာ ဒေသထွက် ခရမ်းချဉ်သီးများ ဈေးကွက်အတွင်း လှိုင်လှိုင်ဝင်ရောက်လာသောကြောင့် ဖြစ်သည်ဟု နောင်ယားဈေးရှိ ခရမ်းချဉ်သီးရောင်းချသော ဈေးသည်တစ်ဦးထံမှ သိရှိရပါသည်။
DOCA(ကယား)