ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ် စားသုံးသူရေးရာဦးစီးဌာန မှ ဝန်ထမ်းများသည် စားသုံးသူများ ဘေးအန္တရာယ် ကင်းရှင်းစေရေး၊ ထုတ်ကုန်များလုံခြုံစိတ်ချရမှုရှိစေရေး၊ ဘေးအန္တရာယ်ရှိသောကုန်စည်များ ဈေးကွက်အတွင်းမှ ပပျောက်သွားစေရေးနှင့် စားသုံးသူကာကွယ်ရေး ဥပဒေပါပြဌာန်းချက်များနှင့် ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားပြည့်စုံစွာ ဖော်ပြထားရှိစေရေး အခြေအနေတို့နှင့် စပ်လျဉ်း၍ ဈေးကွက်စောင့်ကြည့် စစ်ဆေးခြင်းလုပ်ငန်းများအား ဆောင်ရွက်လျက်ရှိပါသည်။
ထိုသို့ဈေးကွက်စောင့်ကြည့်စစ်ဆေးရာတွင် ပြည်မြို့နယ်၊ စားသုံးသူရေးရာဦးစီးဌာနမှ တာဝန်ခံနှင့်ဝန်ထမ်းများဦးဆောင်၍ ပေါင်းတလည်ဈေးအတွင်းရှိ ဈေးတာဝန်ခံ၊ ပေါင်းတလည်မြို့ ပေါ်ရှိ အထွေထွေအုပ်ချုပ်ရေးဦးစီးဌာနမှ ဝန်ထမ်းများနှင့်အတူ (၁၅.၃.၂၀၂၃) ရက်နေ့တွင် ပေါင်းတလည်မြို့ပေါ်ရှိ စည်ပင်သာယာဈေး၊ မြို့ပေါ်ရပ်ကွက်အတွင်းရှိ အလှကုန်ပစ္စည်း ရောင်းဝယ်ရေး ဆိုင်များတွင် (၁၀)ဂရမ် အထက် အလှကုန်ပစ္စည်းများအားစစ်ဆေးရာတွင် ကုန်စည်၏ ထုတ်ပိုးမှု၊ ကုန်အညွှန်း အမှတ်အသား၊ အလေးချိန်မှန်ကန်မှုရှိ/မရှိ၊ ထားသိုသိမ်းဆည်းပုံ၊ မြန်မာဘာသာ(သို့မဟုတ်) မြန်မာဘာသာ နှင့်အခြားဘာသာတစ်ခု(သို့) တစ်ခုထက်ပို၍ တွဲလျက်ဖြစ်စေဖော်ပြရမည့် အချက်အလက်များကို ပြည့်စုံစွာဖော်ပြရန် ရှင်းလင်းပြောကြား ခဲ့ကြောင်း သိရှိရပါသည်။
DOCA(ပဲခူး)