Economica.net ၏ အစီရင်ခံစာတွင် ပင်လယ်နက် (Black Sea) ဒေသတွင်း၌ နေကြာဆီ လက်ကားဈေးနှုန်းသည် (၂) လအတွင်း၌ ၁၅ % ကျဆင်းခဲ့ပါကြောင်း၊ နေကြာဆီ ၁ တန်လျှင် တူရကီဆိပ်ကမ်းများတွင် ဒေါ်လာ ၉၉၀၊ ဘူလ်ဂေးရီးယားနိုင်ငံ ဗာနာဆိပ်ကမ်း၌ ဒေါ်လာ ၉၈၀ နှင့် ယူကရိန်းဆိပ်ကမ်းများတွင် ဒေါ်လာ ၉၀၀ ခန့် အသီးသီး ဈေးနှုန်းများ ဖြစ်ပေါ်လျက် ရှိကြောင်း၊ နောက်ဆုံးအကြိမ် နေကြာဆီဈေးနှုန်း အနိမ့်ဆုံးဖြစ်ပေါ်ခဲ့မှုမှာ ၂၀၂၀ ခုနှစ်၊ အောက်တိုဘာလတွင်ဖြစ်ရာ ယခုအခါ ၂ နှစ်ခွဲတာကာလအတွင်း အနည်းပါးဆုံး ကျဆင်းခဲ့ခြင်းဖြစ်ကြောင်း သိရှိရပါသည်။
ဥရောပဈေးကွက်တွင် ရောင်းလိုအားများပြားခြင်း၊ ပဲပုပ်ဆီနှင့် မုံညင်းဆီတို့ ဈေးနှုန်းများ နိမ့်ကျလျက်ရှိပြီး ဈေးကွက်၌ အဆိုးမြင်မှုများရှိခြင်းတို့အရ နေကြာဆီဈေးနှုန်းများသည် ကာလ အတန်ကြာအထိ အနိမ့်ဈေး၌ တည်ရှိနေဦးမည်ဟု ကျွမ်းကျင်သူများက ခန့်မှန်းလျက်ရှိသည်။ တစ်ပြိုင်နက်တည်းပင် ယူကရိန်းနိုင်ငံ၌ စစ်ပွဲကြောင့် နေကြာရိတ်သိမ်းရရှိမှုသည် ယခင်နှစ်များ ထက် ပမာဏအားဖြင့် နည်းမည်ဖြစ်သောကြောင့် လအနည်းငယ်အတွင်း၌ပင် နေကြာဆီ ဈေးနှုန်း များ မြှင့်တက်လာမည်ဖြစ်ကြောင်းလည်း ၎င်းတို့က ခန့်မှန်းထားသည်။
သို့သော်လည်း ကမ္ဘာ့ဈေးကွက်အတွင်း ဈေးနှုန်းကျဆင်းမှုများသည် ပြည်တွင်းစားသုံးသူများ၏ ဈေးနှုန်းများအပေါ် သက်ရောက်နိုင်ခြင်းမရှိကြောင်း သိရှိရပေသည်။
Source: Hungary Posts English, 20 March, 2023