မြန်မာသက္ကရာဇ် ၁၃၈၄၊ ခရစ်သက္ကရာဇ် ၂၀၂၃ခုနှစ်ဧပြီလ ရုံးပိတ်ရက်ရှည် သင်္ကြန်ကာလပြီးမြောက်ပြီးနောက် အစိုးရရုံးဌာနများကို (၁၈-၄-၂၀၂၃) ရက်နေ့မှစ၍ ပြန်လည်ဖွင့်လှစ်ခဲ့ရာ စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးတွင် ဝန်ထမ်းများ ပြန်လည်ဆုံဆည်းမှု အထိမ်းအမှတ် ဝန်ထမ်းမိတ်ဆုံစားပွဲ ကျင်းပပြုလုပ်ခဲ့ကြောင်း သိရသည်။
စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးတွင် လုပ်ငန်းတာဝန်များကို ထမ်းဆောင်နေကြသော နယ်အသီးသီးမှ ဝန်ထမ်းများသည် သင်္ကြန်ကာလရုံးပိတ်ရက်ရှည် အားလပ်ရက်အတွင်း အချို့မှာ မိဘနေရပ်ထံပြန်၍ မိသားစုများနှင့် အတူပြန်လည်ဆုံဆည်းခြင်း၊ ဘိုးဘွားမိဘများနှင့် သက်ကြီးဆွေမျိုးများအား ကန်တော့ခြင်း၊ အလှူဒါနပြုလုပ်ခြင်းများ ပြန်လည်ဆောင်ရွက်ကြပြီး ရုံးပိတ်ရက်ရှည် သင်္ကြန်ကာလ ပြီးမြောက်ပြီးနောက် အစိုးရရုံးဌာနများကိုပြန်လည် ဖွင့်လှစ်ခဲ့ရာ ရုံးဖွင့်ရက် ကနဦးရက်ဖြစ်သော (၁၈-၄-၂၀၂၃) ရက်နေ့တွင် ဝန်ထမ်းများ ပျော်ရွှင်ချမ်းမြေ့စွာဖြင့် ပြန်လည်ဆုံဆည်းခြင်းအတွက် အထိမ်းအမှတ်မိတ်ဆုံစားပွဲအား ကျင်းပခြင်းဖြစ်ပြီး မိတ်ဆုံစားပွဲတွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးမှ ကြာဇံကြော်၊ ကြာဇံချက်များ ချက်ပြုတ်၍ ဝန်ထမ်းများ၊ ဝန်ထမ်းမိသားစုများနှင့်အတူ လက်ရည်တပြင်တည်း ပျော်ရွင်စွာဖြင့် စုပေါင်းမိတ်ဆုံစားခဲ့ကြကြောင်း သိရသည်။
DOCA(ကရင်)