ဗီယက်နမ်နိုင်ငံမှ ဆန်တင်ပို့သည့် ဈေးနှုန်းများသည် ယခုသီတင်းပတ်တွင် ၂ နှစ်အတွင်း အမြင့်ဆုံးသို့ ခုန်တက်ခဲ့ခြင်းက ရောင်းလိုအားကျဆင်းလာမှုအပေါ် ထိပ်တန်းဝယ်လက်များ၏စိုးရိမ်မှုကို ပိုမိုတိုးပွားလာစေကြောင်း သိရှိရသည်။
လွန်ခဲ့သည့် ရက်သတ္တပတ်တွင် ဗီယက်နမ်နိုင်ငံ၏ ဆန်ကွဲ ၅% ပါဝင်သော ဆန် ၁ တန်၏ဈေးနှုန်းမှာ အမေရိကန်ဒေါ်လာ ၄၆၅ မှ ၄၇၀ အကြားရှိရာမှ ဒေါ်လာ ၄၉၅ မှ ၅၀၀ အကြား ဈေးနှုန်းသို့ တိုးမြှင့် ကမ်းလှမ်းမှုများရှိရာ ၂၀၂၁ ခုနှစ် ဧပြီလတွင် နောက်ဆုံးတွေ့ရရှိခဲ့သည့် ဈေးနှုန်းအဆင့်နှင့် တူညီလျက်ရှိသည်။
ဗီယက်နမ်နိုင်ငံ၏ တစ်နှစ်တာအတွင်း အကြီးဆုံး စပါးရိတ်သိမ်းမှုကာလဖြစ်သော နွေစပါးရိတ်သိမ်းချိန်သည် ကုန်ဆုံးသွားပြီဖြစ်ကြောင်း၊ ပြည်တွင်း၌ ကုန်စည်ပေးသွင်းနိုင်မှု နည်းပါးနေချိန်၌ ဗီယက်နမ်ဆန်၏ ဝယ်လိုအားသည် ခိုင်မာအားကောင်းနေကြောင်း၊ ဆန်စျေးနှုန်းများ မြင့်မားနေခြင်းကြောင့် ဖိလစ်ပိုင်အပါအဝင် ဝယ်လက်များ၏ ဆန်ဝယ်ယူမှုများသည် နှေးကွေးသွားနိုင်သည်ဟု ယူဆရကြောင်း ဗီယက်နမ်ကုန်သည်များက ပြောကြားခဲ့သည်။
ယင်းသို့သောအခြေအနေတွင် အိမ်နီးချင်း အိန္ဒိယနိုင်ငံ၊ မီဂါလာယာပြည်နယ်၌ မိုးသည်းထန်စွာရွာသွန်းနိုင်ခြေရှိမှုက နိုင်ငံ၏အရှေ့မြောက်ပိုင်းဒေသတွင် လျှပ်တပြက် ရေကြီးမှုအန္တရာယ်နှင့် ကြုံတွေ့ရနိုင်သဖြင့် သီးနှံများဆုံးရမှုမရှိအောင် စပါးများကို အမြန်ရိတ်သိမ်းရန် လယ်သမားများသို့ ဘင်္ဂလားဒေ့ရှ်အစိုးရက အကြံပြုထားကြောင်း သိရှိရပါသည်။
Source: Economic Times, 22 Apr 2023 (လယ်ယာထွက်ကုန်များနှင့်အဓိကသွင်းကုန်များ၏ နိုင်ငံတကာဈေးကွက် စောင့်ကြည့်လေ့လာရေးအဖွဲ့)