ဧရာဝတီတိုင်းဒေသကြီး၊ စားသုံးသူရေးရာဦးစီးဌာန ဘိုကလေးမြို့နယ်တာဝန်ခံနှင့် ဝန်ထမ်းတို့သည် ၂၀၂၃ ခုနှစ်၊ မေလ(၁၂)ရက်နေ့၊ နံနက်(၀၉:၀၀)နာရီအချိန်တွင် မြို့မ (၄)ရပ်ကွက်၊ (၆)လမ်းရှိ မကြီးမိုးကုန်မျိုးစုံဆိုင်သို့ ဈေးကွက်ရောက်ကုန်စည် များတွင် ကုန်အညွှန်းအမှတ် အသားဖော်ပြချက်များ ပါဝင်မှု ရှိ/မရှိ ကွင်းဆင်းစိစစ်ခဲ့ပါသည်။
ထိုသို့ကွင်းဆင်းစိစစ်ရာတွင် ရောင်းချနေသော ကုန်စည်အမျိုးအစားများအနက်မှ အသင့်စားခေါက်ဆွဲခြောက်ထုပ်များဖြစ်သော WahLah (မလိုင်ချဉ်စပ်) ခေါက်ဆွဲခြောက်ထုပ်တွင် ကုန်အညွှန်းအမှတ်အသားများကို မြန်မာဘာသာဖြင့် ဖော်ပြထားရှိကြောင်း စစ်ဆေးတွေ့ရှိရပါသည်။ အခြားကုန်စည်အမျိုးအစားများထဲတွင်လည်း ကုန်အညွှန်းအမှတ်အသားဖော်ပြချက်များ ပါဝင်နေကြောင်း စိစစ်တွေ့ရှိရပါသည်။ တရားမဝင်ကုန်စည်များကိုလည်း ရောင်းချခြင်းမပြုရန်နှင့် ကုန်အညွှန်း အမှတ်အသားဖော်ပြချက်ပါရှိသော ကုန်ပစ္စည်းများကိုရောင်းချကြရန် အသိပညာပေးခြင်းများ ဆောင်ရွက်ခဲ့ကြောင်း သတင်းရရှိပါသည်။
DOCA (ဧရာဝတီ)