ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မမြို့နယ်၊ တာဝန်ခံဦးအောင်မိုးသည် မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၁၂.၅.၂၀၂၃) ရက်နေ့၊ နံနက်(၁၃:၃၀)နာရီတွင် ဝါးခယ်မမြို့နယ်၊ မြို့မဈေးရှိ ဆေးဆိုင်များတွင် ခွင့်ပြုချက်မရှိသော ဆေးများရောင်းချခြင်းရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
ထိုသို့ကွင်းဆင်းဆောင်ရွက်ရာတွင် မြို့နယ်တာဝန်ခံက မြို့မဈေးအတွင်း/ပြင်ရှိ ရောင်းချ နေသော အိမ်သုံးဆေးဆိုင်များတွင် တရားမဝင်တင်သွင်းလာသော Aung Lay အမည်ဖြင့် မျက်စဉ်းဆေးများ၊ မျက်ကပ်မှန်များ ရောင်းချနေခြင်း ရှိ/မရှိစစ်ဆေးခဲ့ပြီး ရောင်းချခြင်းမပြုကြရန်ဖြစ်ကြောင်း၊ သက်တမ်းလွန်ဆေးဝါးများနှင့် လိုင်စင်မဲ့ဆေးဝါးများ ဈေးကွက်အတွင်း စစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေများအရ အရေးယူဆောင်ရွက်သွားမည်ဖြစ်ကြောင်း၊ သက်ဆိုင်ရာဌာနများ၏ ညွှန်ကြားချက်များ၊ ဥပဒေများလိုက်နာဆောင်ရွက်ကြရန်ဖြစ်ကြောင်း အသိပေးစစ်ဆေးခဲ့ကြောင်း သိရှိရပါသည်။
DOCA(ဧရာဝတီ)