မွန်ပြည်နယ်၊ မော်လမြိုင်မြို့နယ်၊ လှိုင်ရပ်ကွက်၌ (၁၈.၅.၂၀၂၃) ရက်နေ့၊ နေ့လယ် (၁၄:၀၀) နာရီအချိန်တွင် မွန်ပြည်နယ်စားသုံးသူရေးရာဦးစီးဌာနမှ မော်လမြိုင်မြို့နယ်တာဝန်ခံ ဦးအောင်ကိုကိုနှင့် ဝန်ထမ်းများအဖွဲ့သည် မော်လမြိုင်မြို့အတွင်းရှိ မြေနီကုန်းရပ်ကွက်အုပ်ချုပ်ရေးမှူးတို့နှင့် ပူးပေါင်း၍ မြေနီကုန်းရပ်ကွက်ရှိနေ ပြည်သူများအား စားသုံးသူကာကွယ်ရေး အသိပညာပေးဟောပြောပွဲ ကျင်းပခဲ့ပါသည်။
အဆိုပါ စားသုံးသူကာကွယ်ရေးအသိပညာပေးရာတွင် စားသုံးသူရေးရာဦးစီးဌာန ပြည်နယ်ဦးစီးမှူးရုံးမှ ဒုတိယဦးစီးမှူး ဒေါ်ခင်ကြည်က စားသုံးသူပြည်သူများအား ဘေးအန္တရာယ် ကင်းရှင်းရေး၊ စားသုံးသူများ ရသင့်ရထိုက်သည့် အခွင့်အရေးများအပြည့်အဝရရှိစေရေး၊ စားသုံးသူများက ကုန်စည် နှင့်ဝန်ဆောင်မှုများ ရွေးချယ်ဝယ်ယူရာတွင် သိရှိရမည့်အကြောင်းအရာများနှင့် စီးပွားရေးလုပ်ငန်း ရှင်များကလည်း ကုန်စည်နှင့်ဝန်ဆောင်မှုများအပေါ် တာဝန်ယူရမည့် ကိစ္စရပ်များ၊ ကုန်စည်ပေါ်တွင် ကုန်အညွှန်းအမှတ်အသားဖော်ပြမှု ပြည့်စုံစေရေး၊ ကုန်စည်တွင် ကုန်အညွှန်းအမှတ်အသား မပြည့်စုံပါက စီးပွားရေးလုပ်ငန်းရှင်များကလည်း ပြည့်စုံစွာဖော်ပြနိုင်ရန် လိုအပ်ပါက ဌာနသို့ လာရောက်ဆောင်ရွက်သွားနိုင်ရေး၊ စားသုံးသူများ အခွင့်အရေး တစ်ရပ်ဖြစ်သော နစ်နာဆုံးရှုူံးမှုအပေါ် အရေးဆိုတင်ပြတိုင်ကြားနိုင်ရေးတို့အတွက် စားသုံးသူရေးရာဦးစီးဌာနတွင် တိုင်ကြားနိုင်ပါကြောင်း၊ ၎င်းတိုင်ကြားရာတွင် တိုင်ကြားနိုင်သည့်နည်းလမ်းများဖြစ်သော www.doca.gov.mm တွင်လည်းကောင်း၊ Consumer call Center (1535)အား ခေါ်ဆို၍လည်းကောင်း၊ CICC- Nay Pyi Taw Facebook Page တွင်လည်းကောင်း၊ Consumerwebsitedoca@gmail.com နှင့် ciccnpt@gmail.com တို့သို့လည်းကောင်း၊ Doca Myanmar Mobile Application ဖြစ်စေ၊ လူကိုယ်တိုင်ဖြစ်စေ (သို့မဟုတ်) စာဖြင့်ဖြစ်စေ၊ ဖုန်းဖြင့်ဖြစ်စေနှင့် စားသုံးသူကာကွယ်ရေးဆိုင်ရာအသင်းအဖွဲ့များမှတစ်ဆင့်ဖြစ်စေ တိုင်ကြားရန်ဆွေးနွေးဟောပြောခဲ့သည်။ ထို့နောက် တက်ရောက်လာသူများမှ သိရှိလိုသည်များကို မေးမြန်းဖြေကြား၍ တက်ရောက်သူ (၂၅)ဦးအား လက်ကမ်းစာစောင်ဖြန့်ဝေ ပေးခြင်းတို့ ဆောင်ရွက်ခဲ့ကြောင်း သိရှိရပါသည်။
ယခုကဲ့သို့ ရပ်ကွက်အတွင်းနေထိုင်သူများအား စားသုံးသူကာကွယ်ရေးအသိပညာပေးခြင်းသည် စားသုံးသူ၏ လက်ရှိအခြေအနေများ၊ အခက်အခဲကြုံတွေ့နေရမှုများ၊ ဒေသပတ်ဝန်းကျင်တွင် အလေ့အထများ ပြုမှုခြင်းတို့အား သိရှိရသဖြင် ရပ်ကွက်အတွင်း စားသုံးသူ(ပြည်သူများ)အတွက် ပိုမိုကောင်းမွန်သောလူနေမှုပုံစံအား အထောက်အပံ့ဖြစ်စေမည်မှာ ဖြစ်ပါကြောင်း သိရှိရသည်။
DOCA(မွန်)