၁၇.၅.၂၀၂၃ ရက်နေ့တွင် မွန်ပြည်နယ်စားသုံးသူရေးရာဦးစီးဌာနမှ ဦးစီးအရာရှိ ဒေါ်ဝါဝါမြိုင်၊ မော်လမြိုင်မြို့နယ်တာဝန်ခံ ဦးအောင်ကိုကိုနှင့် ဝန်ထမ်းများအဖွဲ့သည် မော်လမြိုင်မြို့၊ အမှတ် (၁) ဈေးဓမ္မာရုံတွင် ဈေးသူ/ဈေးသားများအား စားသုံးသူကာကွယ်ရေး အသိပညာပေးဟောပြောဆွေးနွေးပွဲကျင်းပပြုလုပ်ခဲ့ရာ လုပ်ငန်းရှင် (၃၀) ဦး တက်ရောက်ခဲ့ကြောင်း သိရှိရပါသည်။
အဆိုပါဟောပြောဆွေးနွေးပွဲတွင် မွန်ပြည်နယ်စားသုံးသူရေးရာဦးစီးဌာနမှ ဦးစီးအရာရှိ ဒေါ်ဝါဝါမြိုင်က စီးပွားရေးလုပ်ငန်းရှင်များအား ဌာနနှင့်ပတ်သက်သော အကြောင်းအရာများ၊ Consumer Call Center နှင့် ပတ်သက်သော အကြောင်းအရာများ၊ website နှင့် ပတ်သက်သော အကြောင်းအရာများအပြင် ကုန်စည်များတွင်ကုန်အညွှန်းအမှတ်အသား ပြည့်စုံစွာဖော်ပြပါရှိရမည်ဖြစ်ကြောင်း၊ ဦးစားပေးကုန်စည်သတ်မှတ်ထားသောကုန်စည် (၁၀) မျိုးအား စျေးကွက်အတွင်းစုံစမ်းစစ်ဆေးသွားမည်ဖြစ်သောကြောင့် ကုန်အညွှန်းအမှတ်အသား ပြည့်စုံစွာထည့်သွင်းဖော်ပြကြရန် ဆွေးနွေးဟောပြောခြင်း လက်ကမ်းစာစောင်များ ဖြန့်ဝေခြင်းများဆောင်ရွက်ခဲ့ကြောင်း သိရှိရပါသည်။
DOCA(မွန်)