ကုန်ညွှန်းအမှတ်အသားများဖော်ပြခြင်းနှင့် စပ်လျဉ်း၍စီးပွားရေးလုပ်ငန်းရှင်များနှင့် တွေ့ဆုံရှင်းလင်းဆွေးနွေးပွဲကျင်းပပြုလုပ်
![](http://www.doca.gov.mm/sites/default/files/styles/consumer_inner_image__847x424_/public/002.jpg?itok=hWYYKdN1)
စားသုံးသူရေးရာဉီးစီးဌာန၊ ပဲခူးတိုင်းဒေသကြီး၊ သာယာဝတီခရိုင်ဉီးစီးမှူးရုံး၌ ၉.၁၂.၂၀၂၁ ရက်နေ့ နံနက် ၁၀:၀၀ အချိန်တွင် ကုန်စည်များပေါ်တွင် ကုန်ညွှန်းအမှတ်အသားဖော်ပြခြင်းနှင့် စပ်လျဉ်း၍ စီးပွားရေးလုပ်ငန်းရှင်များနှင့် တွေ့ဆုံရှင်းလင်းဆွေးနွေးပွဲ ကျင်းပပြုလုပ်ခဲ့ပါသည်။
အဆိုပါဆွေးနွေးပွဲတွင် စားသုံးသူရေးရာဦးစီးဌာန၊ သာယာဝတီခရိုင်ဉီးစီးမှူး ဦးအောင်သိန်းက အဖွင့်အမှာစကားပြောကြားခဲ့ပြီး၊ သာယာဝတီခရိုင် ဒုတိယခရိုင်ဉီးစီးမှူးဉီးသန်းစိုးက စားသုံးသူ ကာကွယ်ရေးဉပဒေပြဌာန်းချက်ပါ စားသုံးသူအခွင့်အရေးနှင့် တာဝန်များကို လည်းကောင်း၊ စီးပွားရေးလုပ်ငန်းရှင်များ၏ တာဝန် နှင့် တားမြစ်ချက်များကိုလည်းကောင်း၊ ပြစ်မှုပြစ်ဒဏ်များကို လည်းကောင်း၊ သာယာဝတီခရိုင် စားသုံးသူရေးရာဌာနခွဲနှင့် ထုတ်ကုန်လုံခြုံစိတ်ချရမှုဌာနခွဲ တာဝန်ခံဒေါ်ခိုင်ခိုင်ရီက စားသုံးသူကာကွယ်ရေးဉပဒေအခန်း (၁၈) ပါ ကုန်စည်များတွင် ကုန်ညွှန်းအမှတ်အသားများ ရေးသားဖော်ပြခြင်းနှင့်စပ်လျဉ်း၍လည်းကောင်း အကျယ် တဝင့် ရှင်းလင်း ဆွေးနွေးခဲ့ကြပါသည်။
အဆိုပါဆွေးနွေးပွဲသို့ သာယာဝတီခရိုင်၊ လက်ပံတန်းမြို့နယ်အတွင်းရှိ ကုန်စည်များ ထုတ်လုပ်ဖြန့်ဖြူးရောင်းဝယ်လျက်ရှိသော စီးပွားရေးလုပ်ငန်းရှင်များ စုစုပေါင်း (၂၇) ဦးတက်ရောက်ခဲ့ပြီး၊ တက်ရောက်လာသော စီးပွားရေးလုပ်ငန်းရှင်များအား ကုန်ညွှန်းအမှတ်အသားများ ရေးသားဖော်ပြခြင်းနှင့် စပ်လျဉ်း၍ အသိပညာပေး လက်ကမ်းစာစောင်များ ဖြန့်ဝေပေးခဲ့ပါကြောင်း သတင်းရရှိပါသည်။
စားသုံးသူရေးရာဦးစီးဌာန(ပဲခူးတိုင်းဒေသကြီး)