သတင်းနှင့် လှုပ်ရှားမှုများ

သီးနှံသိုလှောင်မှုလုပ်ငန်းဆိုင်ရာ နည်းပညာစာတမ်း

စားသုံးသူရေးရာဦးစီးဌာန၊ ကုန်ပစ္စည်းစမ်းသပ်စစ်ဆေးရေးနှင့်အရည်အသွေးစီမံခန့်ခွဲမှုဌာနစု (လှည်းကူး) သည် ယခင်က ရိတ်သိမ်းချိန်လွန်နည်းပညာအသုံးချဌာန ဖြစ်သည့်အတွက် သီးနှံသိုလှောင်လုပ်ငန်းများနှင့်ပတ်သက်၍ သုတေသနစာတမ်းများနှင့် ဆောင်းပါးများရေးသားခြင်းတို့ကို ဆောင်ရွက်ခဲ့ရာ ယခုအခါ သိုလှောင်မှုနည်းပညာများနှင့် နိုင်ငံတကာအဖွဲ့အစည်းများ၏ သုတေသနစာတမ်းများကို ကိုးကား၍ သီးနှံသိုလှောင်မှုလုပ်ငန်းဆိုင်ရာနည်းပညာစာတမ်းအား ပြုစုရေးသားခဲ့ရာ သီးနှံသိုလှောင်မှုဆိုင်ရာနည်းပညာများအား လိုအပ်သလိုအသုံးချနိုင်ရေးအတွက် အောက်ဖော်ပြပါ (pdf file) တွင် လေ့လာကြည့်ရှုနိုင်ပါသည်။

ITQM

သိုလှောင်မှုလုပ်ငန်းဆိုင်ရာနည်းပညာများ.pdf

မွန်ပြည်နယ် ရင်းနှီးမြှုပ်နှံမှုမြှင့်တင်ရေးဆိုင်ရာမဟာဗျူဟာ ရေးဆွဲရေးအစည်းအဝေး ကျင်းပပြုလုပ်

သတင်းနှင့် လှုပ်ရှားမှုများ

မြန်မာနိုင်ငံ ရင်းနှီးမြှုပ်နှံမှုစီမံကိန်း (MTIP) အား အကောင်အထည်ဖော်ဆောင်ရွက်ရန်အတွက် မွန်ပြည်နယ် ရင်းနှီးမြှုပ်နှံမှုမြှင့်တင်ရေးဆိုင်ရာ မဟာဗျူဟာရေးဆွဲရေးလုပ်ငန်းအဖွဲ့၏ ဒုတိယအကြိမ်မြောက် လုပ်ငန်းညှိနှိုင်းအစည်းအဝေးကို ၂၀၂၀ ပြည့်နှစ်၊ ဇူလိုင်လ ၁၇ ရက်နေ့တွင် ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန၊ မွန်ပြည်နယ် ပြည်နယ်ဦးစီးမှူးရုံး၌ Video Conferencing ဖြင့် ကျင်းပပြုလုပ်ခဲ့ရာ မွန်ပြည်နယ် ရင်းနှီးမြှုပ်နှံမှုမြှင့်တင်ရေးဆိုင်ရာမဟာဗျူဟာရေးဆွဲရေးလုပ်ငန်းအဖွဲ့ဥက္ကဌ မွန်ပြည်နယ် စီမံကိန်းနှင့်ဘဏ္ဍာရေးဝန်ကြီး ဦးဝဏ္ဏကျော်၊ လုပ်ငန်းအဖွဲ့ဝင်များဖြစ်ကြသော သက်ဆိုင်ရာအစိုးရဌာနများမှ တာဝန်ရှိသူများ၊ ပုဂ္ဂလိကအသင်းအဖွဲ့များမှ တာဝန်ရှိသူများ၊ စားသုံးသူရေးရာဦးစီးဌာန မွန်ပြည်နယ်ဦးစီးမှူး ဦးခင်အောင်သွင်နှင့် ဦးစီးမှူး ဦးစိုင်းဆိုင်လှိုင်းတို့ တက်ရောက်ခဲ့ကြပါသည်။ အဆိုပါအစည်းအဝေးတွင် မွန်ပြည်နယ် ရင်းနှီးမြှုပ်နှံမှုမြှင့်တင်ရေးဆိုင်ရာမဟာဗျူဟာလုပ်ငန်းစီမံချက် ၂၀၂၀-၂၀၂၅ ပါ ကိစ္စရပ်များ၊ လက်ရှိ ဖြစ်ပေါ်လျက်ရှိသည့် Covid-19 အသက်ရှူလမ်းကြောင်းဆိုင်ရာ ကူးစက်ရောဂါကြောင့် လုပ်ငန်းစီမံချက်ပါအချက်အလက်များအား ပြန်လည်ဆန်းစစ်ခြင်းဆိုင်ရာကိစ္စရပ်များ အစရှိသည်တို့ကို ဆွေးနွေးညှိနှိုင်းခဲ့ကြသည်။

မွန်ပြည်နယ်

စားသုံးသူရေးရာဦး

ရွှေဘိုပေါ်ဆန်း GI ရရှိရေး ဆောင်ရွက်နေမှု အခြေအနေများအား National Project Coordinator ဦးခင်မောင်ထွန်းနှင့် တွေ့ဆုံဆွေးနွေး

သတင်းနှင့် လှုပ်ရှားမှုများ

စစ်ကိုင်းတိုင်းဒေသကြီး၊ ရွှေဘိုခရိုင်တွင် ရွှေဘိုပေါ်ဆန်း GI ရရှိရေးကိစ္စများ ဆောင်ရွက်လျက်ရှိရာ စားသုံးသူရေးရာဦးစီးဌာနမှ ခရိုင်ဦးစီးမှူး ဦးကျော်ငွေမှ GI ရရှိရေး Project နှင့်ပတ်သက်၍ ဆောင်ရွက်မှုအခြေအနေများအား National Project Coordinator ဦးခင်မောင်ထွန်းနှင့် ရွှေဘိုခရိုင် ဦးစီးမှူးရုံး၌ ၉.၇.၂၀၂၀ ရက်နေ့တွင်တွေ့ဆုံဆွေးနွေးခဲ့ပါသည်။

အဆိုပါတွေ့ဆုံပွဲတွင် National Project Coordinator ဦးခင်မောင်ထွန်းမှ ရွှေဘိုပေါ်ဆန်း GI ရရှိရေး Project အတွက် အခြေခံသည့် ဆန်စက်ပိုင်/ဆန်ကုန်သည်စာရင်းနှင့် ဆက်စပ်လုပ်ငန်းများကို အသေးစိတ်ညှိနှိုင်းဆွေးနွေးခဲ့ပြီး၊ နယ်နိမိတ်ဧရိယာ လတ္တီကျူ့၊ လောင်ဂျီကျူ့ သတ်မှတ်နိုင်ရေးကိစ္စများကို ယခင်ပြီးခဲ့သော work shop ၌ ဆွေးနွေးခဲ့ကြောင်း၊ ရွှေဘိုမြို့သည် (Square) မဟုတ်သည့် အတွက် မြေပြင်၌ ဆည်ရေသောက်ဧရိယာရှိသော်လည်း စိုက်ပျိုးသူတောင်သူများက ရွှေဘိုပေါ်ဆန်းတစ်မျိုးတည်းမစိုက်ဘဲ အခြားစပါးများလည်း စိုက်ပျိုးသည့်အတွက် ရွှေဘိုခရိုင်အတွင်းရှိ (၆)မြို့နယ်မှ ဆည်ရေသောက်ဧရိယာကိုသာ ဖြတ်ဆွဲရန် ဆောင်ရွက်လျက်ရှိကြောင်း အသေးစိတ် ရှင်းလင်းဆွေးနွေးခဲ့ပါသည်။

ဆက်လက်၍ National Project Coordinator ဦးခင်မောင်ထွန်းက ရွှေဘိုပေါ်ဆန်း GI ရရှိရေးနှင့်ပတ်သက်၍ သြဂုတ်လကုန်ပိုင်းတွင် work shop တစ်ခု ဆောင်ရွက်ရန်ရှိကြောင်း ၊ ထိုအလုပ်ရုံဆွေးနွေးပွဲတွင် စားသုံးသူရေးရာဦးစီးဌာနမှ ခရိုင်ဦးစီးမှူး အပါအဝင် နေပြည်တော်ရှိ တီထွင်ဆန်းသစ်မှုနှင့်သုတေသနဦးစီးဌာန၊ စိုက်ပျိုးရေးဦးစီးဌာန၊ ခရိုင်မျိုးစေ့တာဝန်ခံ ၊ JICA ဝန်ထမ်းများ၊ ရွှေဘိုပေါ်ဆန်းစိုက်ပျိုးထုတ်လုပ်တင်ပို့ရောင်းချသူများအသင်း၊ ရွှေဘိုပေါ်ဆန်း စပါးစိုက်တောင်သူများ၊ မျိုးစေ့ထုတ်တောင်သူများ ၊ ဆန်စက်ပိုင်များအား ဆွေးနွေးရန် ဖိတ်ကြားမည်ဟု သတင်းရရှိသည်။

စစ်ကိုင်းတိုင်းဒေသကြီး

စားသုံးသူရေးရာဦးစီးဌာန

စားသုံးသူရေးရာဦးစီးဌာန၏ ၂၀၁၉-၂၀၂၀ ဘဏ္ဍာနှစ် တတိယ ၃ လပတ် လုပ်ငန်းညှိနှိုင်းအစည်းအဝေး ကျင်းပပြုလုပ်ခြင်း

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၏ ၂၀၁၉-၂၀၂၀ ဘဏ္ဍာနှစ် တတိယ ၃ လပတ် လုပ်ငန်းညှိနှိုင်းအစည်းအဝေးကို ၂၀၂၀ ပြည့်နှစ် ဇူလိုင်လ ၁၁ ရက်နေ့တွင် ရုံးအမှတ် ၅၂ ၊ စားသုံးသူရေးရာဦးစီးဌာန၌ Zoom Application အား အသုံးပြု၍ Video Conferencing စနစ်ဖြင့် ကျင်းပပြုလုပ်ခဲ့ရာ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဒေါက်တာသန်းမြင့်၊ ဒုတိယ ဝန်ကြီး ဦးအောင်ထူး၊ စားသုံးသူရေးရာဦးစီးဌာနမှ ညွှန်ကြားရေးမှူးချုပ် ဦးမြင့်လွင်၊ ကုန်သွယ်ရေးဦးစီးဌာနမှ ညွှန်ကြားရေးမှူးချုပ် ဦးမင်းမင်း၊ မြန်မာကုန်သွယ်မှုမြှင့်တင်ရေးအဖွဲ့မှ ညွှန်ကြားရေးမှူးချုပ် ဒေါ်နော်မူတာကပေါ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူများနှင့် တိုင်းဒေသကြီး/ပြည်နယ်များမှ တိုင်းဒေသကြီး/ပြည်နယ်ဦးစီးမှူးများနှင့် တာဝန်ရှိသူများ အစည်းအဝေးကို တက်ရောက်ခဲ့ကြပါသည်။

အစည်းအဝေး၌ ပြည်ထောင်စုဝန်ကြီးက အဖွင့်အမှာစကားပြောကြားရာတွင် မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှုစီမံကိန်း (၂၀၁၈-၂၀၂၃) နှင့်အညီ ပုဂ္ဂလိက ကဏ္ဍဖွံ့ဖြိုးတိုးတက်ရေး၊ အစိုးရ-ပုဂ္ဂလိက ပူးပေါင်းဆောင်ရွက်ရေး၊ စီးပွားရေးလုပ်ငန်းများ လုပ်ကိုင်မှု လွယ်ကူစေရေး၊ ဈေးကွက်အတွင်း မျှတသော ယှဉ်ပြိုင်မှု ဖြစ်ပေါ်စေရေး၊ စားသုံးသူအကာကွယ်ပေးရေး၊ အလုပ်အကိုင်ဖန်တီးပေးနိုင်ရေး၊ မူပိုင်ခွင့် ကာကွယ်မှုမြှင့်တင်ရေးတို့အား ဆောင်ရွက်လျက်ရှိပါကြောင်း၊ စီးပွားရေး ဖွံ့ဖြိုးတိုးတက်မှုကို တွန်းအားပေးနိုင်မည့် အထူးစီးပွားရေးဇုန်များနှင့် နယ်စပ်စီးပွားရေးပူးပေါင်းဆောင်ရွက်မှုဇုန်များကိုလည်း မဟာဗျူဟာကျသော နေရာများတွင် ဆောင်ရွက်လျက်ရှိကြောင်း၊ စတုတ္ထတစ်နှစ်တာ ကာလအတွင်း ကုန်သွယ်မှုလိုငွေ သိသာစွာကျဆင်းခဲ့ကြောင်း၊ COVID 19 ကာလနှင့် COVID 19 အလွန်ကာလများတွင်လည်း ပြည်တွင်းစားနပ်ရိက္ခာဖူလုံစေရေး၊ ကုန်ဈေးနှုန်းတည်ငြိမ်ရေးနှင့် ကုန်သွယ်မှုလုပ်ငန်းများ အရှိန်အဟုန်မပျက်စေရေးအတွက် electronic ကူးသန်းရောင်းဝယ်မှုမြင့်တင်ရေးတို့အား ဆက်လက်ဆောင်ရွက်သွားရမည်ဖြစ်ကြောင်း ပြောကြားခဲ့ပါသည်။

ဆက်လက်၍ ဒုတိယဝန်ကြီးက အမှာစကားပြောကြားရာတွင် စားသုံးသူရေးရာဦးစီးဌာန၏ အဓိကလုပ်ငန်းမှာ စားသုံးသူအကာအကွယ်ပေးရေးဖြစ်ကြောင်း၊ ထုတ်လုပ်သူများ၊ ရောင်းဝယ်သူများနှင့် စားသုံးသူများအကြား ဘေးကင်းလုံခြုံမှုရှိသော ထုတ်ကုန်များကို သင့်တင့်မျှတသော ဈေးနှုန်းများဖြင့် ရောင်းဝယ်နိုင်ကြစေရန် ချိတ်ဆက်ဆောင်ရွက်နိုင်ရေးအတွက် အသင်းအဖွဲ့များ ဖွဲ့စည်းဆောင်ရွက်ခဲ့ကြောင်း၊ COVID 19 အလွန်ကာလများတွင် ရိက္ခာထုတ်လုပ်နိုင်သည့် နိုင်ငံဖြစ်စေရေးအတွက် စီစဉ်ဆောင်ရွက်ထားသဖြင့် စိုက်ပျိုးမွေးမြူရေးကဏ္ဍဖွံ့ဖြိုးတိုးတက်ရေး အားပေးဆောင်ရွက်ရမည်ဖြစ်ကြောင်း၊ လုပ်ငန်းများဆောင်ရွက်ရာတွင် ဥပဒေ၊ စည်းမျည်းစည်းကမ်းများ၊ လမ်းညွှန်ချက်များနှင့်အညီ ဆောင်ရွက်သွားကြရန်ပြောကြားခဲ့ပါသည်။

ထို့နောက် ရုံးချုပ် ဌာနခွဲများမှ ညွှန်ကြားရေးမှူးနှင့် တိုင်းဒေသကြီး/ပြည်နယ်ဦးစီးမှူးရုံးမှူးများက ၂၀၁၉-၂၀၂၀ ဘဏ္ဍာနှစ် တတိယ ၃လပတ်အတွင်း လုပ်ငန်းဆောင်ရွက်နေမှုအခြေအနေများ၊ ရှေ့ဆက်လက်ဆောင်ရွက်မည့် လုပ်ငန်းများနှင့် လုပ်ငန်းဆောင်ရွက်ရာတွင် ကြုံတွေရသည့် အခက်အခဲများကို ရှင်းလင်းတင်ပြခဲ့ရာ စားသုံးသူရေးရာဦးစီးဌာနမှ ညွှန်ကြားရေးမှူးချုပ် ဦးမြင့်လွင်၊ ဒုတိယညွှန်ကြားရေးမှူးချုပ် ဦးမြင့်ဝေ၊ ဒုတိယညွှန်ကြားရေးမှူးချုပ် ဦးမြင့်ချိုတို့က ပြန်လည်ရှင်းလင်းဆွေးနွေး၍ ဆက်လက်ဆောင်ရွက်ရမည့် လုပ်ငန်းများအတွက် လမ်းညွှန်မှုများပေးခဲ့ကြောင်း သတင်းရရှိပါသည်။

ITQM

စစ်ကိုင်းမြို့နယ်ရှိ ရေသန့်လုပ်ငန်းရှင်များအား အဖွဲ့စုံ ( စုံစမ်းစစ်ဆေးရေးအဖွဲ့ ) ဖြင့် ကွင်းဆင်းစစ်ဆေး

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံး ခရိုင်ဦးစီးမှူး ဦးတင်အောင်ကျော် (လ/ထညွှန်ကြားရေးမှူး ) ဦးဆောင်၍ မိတ်ဖက်ဌာနများနှင့် ပူးပေါင်းကာ စစ်ကိုင်းမြို့နယ်ရှိ ရေသန့်လုပ်ငန်းရှင်များအား အဖွဲ့စုံ(စုံစမ်းစစ်ဆေးရေးအဖွဲ့) ဖြင့် ကွင်းဆင်းစစ်ဆေးခဲ့ ပါသည်။

အဆိုပါ ရေသန့်လုပ်ငန်းရှင်များအား ကွင်းဆင်းစစ်ဆေးခဲ့ရာတွင် စီးပွားရေး လုပ်ငန်းများအနေဖြင့် စီးပွားရေးလုပ်ငန်းကို စီးပွားရေးကျင့်ဝတ်၊ စည်းကမ်းနှင့်အညီ လုပ်ကိုင်ရမည်ဖြစ်ကြောင်း၊ အရည်အသွေး၊ စံချိန်စံညွှန်းပြည့်ဝ မှန်ကန်ရမည်ဖြစ်ကြောင်း၊ ရေဘူးများကို စင်ပေါ်တွင် စနစ်တကျတင်ထားရန်နှင့် ရေဘူးများကို သေချာသန့်စင် စစ်ဆေးဆေးကြောပြီးမှ ရေများကို ထည့်သွင်းရမည်ဖြစ်ကြောင်း၊ စားသုံးသူရေးရာ ဦးစီးဌာန တွင် ဖွင့်လှစ်ထားရှိသည့် စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက် ရေးစင်တာ ( CICC ) အား တိုင်ကြားနိုင်ကြောင်း၊ တိုင်ကြားမှုများကို လက်ခံဖြေရှင်း ဆောင်ရွက်ပေးနေကြောင်း အသိပညာပေးဆွေးနွေးခဲ့ပြီး သက်ဆိုင်ရာဌာနများမှ လုပ်ငန်း လိုင်စင်များရယူထားခြင်း ရှိ/မရှိ၊ COVID – ၁၉ ကာလအတွင်း ရေသန့်စက်ရုံများ လိုက်နာ ဆောင်ရွက်ရန်ချမှတ်ထားသော ညွှန်ကြားချက်များ၊စည်းကမ်းချက်များကို စနစ်တကျ လိုက်နာ ဆောင်ရွက် ခြင်းရှိ/မရှိ၊ စည်းကမ်းချက်များနှင့် အညီ စနစ်တကျ ထုတ်လုပ်ဖြန့်ဖြူး ရောင်းချနေခြင်း ရှိ၊မရှိ ကွင်းဆင်း စစ်ဆေးခဲ့ကြောင်း သိရသည်။

စစ်ကိုင်းတိုင်းဒေသကြီး

စားသုံးသူရေးရာဦးစီးဌာန

စစ်ကိုင်းခရိုင်၊ မြင်းမူမြို့နယ်၊ မြောင်မြို့နယ်များသို့ ဈေးကွက်စောင့်ကြည့် စစ်ဆေးခြင်း

သတင်းနှင့် လှုပ်ရှားမှုများ

စစ်ကိုင်းခရိုင်၊ စားသုံးသူရေးရာဦးစီးဌာန၊ ခရိုင်ဦးစီးမှူး ဦးတင်အောင်ကျော် (လ/ထ ညွှန်ကြားရေးမှူး)၊ စစ်ဆေးအရာရှိတာဝန်ခံ၊ ဌာနခွဲတာဝန်ခံ၊ မြင်းမူ၊ မြောင်မြို့နယ် တာဝန် ခံများနှင့် မိတ်ဖက်ဌာနဆိုင်ရာများ ပူးပေါင်း၍ မြင်းမူ၊ မြောင် စည်ပင်သာယာဈေးများသို့ COVID – 19 ကာကွယ်ရေးဆိုင်ရာကျန်းမာရေး အထောက်အကူပြုပစ္စည်းများအား ဈေးနှုန်းမြှင့်တင်ရောင်းချခြင်းရှိ/မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

ဈေးကွက်စောင့်ကြည့် ကွင်းဆင်းစစ်ဆေးဆောင်ရွက်ရာတွင် ဈေးအတွင်း ရောင်းချလျက်ရှိသော ဈေးသူ/သားများအား စားသောက်ကုန်ပစ္စည်းများ ဈေးနှုန်းမြှင့်တင်ရောင်းခြင်း ရှိ/မရှိ၊ မြန်မာဘာသာဖြင့် ဖော်ပြထားသော ကုန်အညွှန်းအမှတ်အသားများတွင် စားသုံးကုန်များ ပြည့်စုံစွာ ပါရှိသည့် ကုန်စည်များကို ရွေးချယ်ရောင်းချရန် အသိပညာပေး ဆွေးနွေးပြောကြားခဲ့ပါသည်။

ဆက်လက်၍ ရောင်းချနေသော စားသုံးကုန်စည်မှ သက်တမ်းလွန်၊ FDA တားမြစ် စားသောက်ကုန်များ တားမြစ်ခြင်းလည်း ဆောင်ရွက်ခဲ့ပြီး ဈေးပိုင်ရှင် များအား လက်ကမ်း စာစောင်များလည်း ဖြန့်ဝေခဲ့ပါကြောင်း သတင်းရရှိပါသည်။

စစ်ကိုင်းတိုင်းဒေသကြီး

စားသုံးသူရေးရာဦးစီးဌာန

စစ်ကိုင်းခရိုင်၊ မြင်းမူမြို့နယ်၊ ကန်တော်ကျေးရွာရှိ ဒန့်သလွန်စိုက်တောင်သူများနှင့်တွေ့ဆုံကွင်းဆင်းလေ့လာခြင်း

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံးရှိ တာဝန်ရှိများသည် တိုင်းဒေသကြီးဦးစီးမှူးနှင့် ခရိုင်ဦးစီးမှူး၏လမ်းညွှန်ချက်အရ (၂၇.၅.၂၀၂၀)ရက်နေ့၊ (၁၄:ဝ၀) အချိန်တွင် စစ်ကိုင်းခရိုင်၊ မြင်းမူမြို့နယ်၊ကန်တော်ကျေးရွာရှိ ဒန့်သလွန်စိုက် တောင်သူများနှင့်သွားရောက်၍ ဒန့်သလွန် စိုက်ပင် စိုက်ပျိုးထုတ်လုပ်သည့် တောင်သူများနှင့်တွေ့ဆုံပြီး စိုက်ပျိုးထွက်ရှိမှုအခြေအနေများ၊ ဈေးနှုန်းဈေးကွက် အခြေအနေများ၊ သုံးစွဲမှုများ အခြေအနေများနှင့် ဆက်လက်စိုက်ပျိုးမည့် အခြေအနေများအား မေးမြန်းဆွေးနွေးခဲ့ပါသည်။

ထိုသို့ကွင်းဆင်းဆွေးနွေးရာတွင် ကန်တော်ကျေးရွာတွင် ဒန့်သလွန်စိုက် တောင်သူ (၆)ဦး ရှိပြီး ဒန့်သလွန်စိုက်ဧက(၇.၂၀)ဧကရှိကြောင်း၊ အပင်သက်မှာ (၆/၇)လမှ (၈/၉)ရှိပြီး ပင်ကြားအကွာအဝေးမှာ (၅တောင်/၇တောင်/၈တောင်/၉တောင်) ပတ်လည်ဖြင့် အိန္ဒိယမျိုးကို စိုက်ပျိုးကြောင်း၊ တစ်ဧကလျှင် (၃၀ဝ)ပင်ခန့်ဆန့်ဝင်ပြီး (၆)လအကြာတွင် အသီး စတင်သီးကြောင်း၊ မျိုးစေ့တစ်ထုပ် (အစေ့ ၅၀ဝ) ခန့် တစ်ထုပ်လျှင် (၇၀ဝ၀ဝ) ကျပ်ဖြင့် ဝယ်ယူရရှိပြီး တစ်ဧကကုန်ကျစရိတ်မှာ (ရေတွင်း/ ရေပိုက်) မပါ (၃၀ဝ၀ဝ ကျပ်မှ ၅၀ဝ၀ဝ ) ကျပ် ဝန်းကျင်ရှိကြောင်း၊ ၂ လသားမှစ၍ တစ်လတစ်ကြိမ်နွားချေး၊ ဓာတ်မြေသြဇာနှင့် စစိုက်သည့် အချိန်မှ (၇)ရက်တစ်ခါ ပိုးသတ်ဆေးသုံးစွဲကြောင်း၊ မြေသား/ ယာမြေ/ နုန်းမြေ အမျိုးအစားများ ကြိုက်နှစ်သက်ရကြောင်း သိရှိရသည်။

ကန်တော်ကျေးရွာအနေဖြင့် ဒန့်သလွန်စသီးနှံကို စမ်းသပ်စိုက်ပျိုးဆဲ ကာလဖြစ်၍ သမားရိုးကျနည်းဖြင့်သာ စိုက်ပျိုးကြောင်း၊ ဆက်လက်စိုက်ပျိုးရန် အခြေအနေများ မရှိသေးပါကြောင်း၊ ဧပြီလမှာ စတင်သီးပြီး ယနေ့အချိန်ထိ (၄) ကြိမ် အသီးခူးဆွတ်ပြီးဖြစ်ပါ၍ တစ်လလျှင် (၄) ကြိမ်ဝန်းကျင်ခန့် အသီးခူး ဆွတ်နိုင်မည်ဟု ခန့်မှန်းရပြီး ပထမဖြတ်တွင် (၃)လ (၁၂)ကြိမ်ခန့် ခူးဆွတ်နိုင်ပါက တစ်ဧကလျှင် (၁)ကြိမ် အသီး/တောင့် (၁၂၀ဝ)တောင့် နှုန်းဖြင့် (၁၂)ကြိမ် (၁၄၄၀ဝ) တောင့်၊ တစ်တောင့်လျှင် ပျမ်းမျှ(၃၅) ကျပ်နှုန်းဖြင့် ဝင်ငွေ(၅၀၄၀ဝ၀)ကျပ် ရရှိမည်ဖြစ်ပြီး တစ်ဧကကုန်ကျစရိတ်မှာ (၃၀၉၉၀ဝ)ကျပ် ဖြစ်၍ တစ်ဧကလျှင် အကျိုးအမြတ်မှာ (၁၉၄၁၀ဝ) ကျပ်ခန့် ရရှိမည်ဟု ခန့်မှန်းရပါကြောင်း၊ မိမိတို့အနေဖြင့် ယခုလမှစတင်၍ စမ်းသပ်စိုက်ပျိုးဆဲကာလဖြစ်၍ အသီး/အတောင့် အထွက် ကို တစ်လလျှင် (၄)ကြိမ် ဖြင့် (၃)လခူးဆွတ်ရခြင်း၊ (၁၂)ကြိမ်ဖြင့်သာ တွက်ချက်ဖော်ပြ ထားခြင်းဖြစ်ပါကြောင်း၊ တစ်နှစ်လျှင်အကြိမ်ရေမည်မျှ ခူးဆွတ်ရမည်ကို မသိသေးပါကြောင်း၊ ဒန့်သလွန်သီး၏အရှည်မှာ (၁.၅ဒ/၂ဒ/၂.၅ဒ)ခန့်ရှိကြောင်း၊ ကန်တော်ကျေးရွာမှ ထွက်ရှိသော ဒန့်သလွန်သီးများကိ အရာတော်မြို့နယ်ပွဲစားများမှ (ဂျွန်) တစ်တောင့်လျှင် (၃၅)ကျပ်နှုန်းဖြင့် လာရောက်ဝယ်ယူကြောင်း၊ COVID– ၁၉ မတိုင်ခင်က တစ်တောင့် လျှင် (၁၀ဝ/၁၂၀) ကျပ်ရရှိကြောင်း၊ မြို့နယ်မှ ကန်တော်ကျေးရွာအပြင် ရုံးကားအုပ်စု၊ ထီးဆောင်း၊ ထိန်ကန်၊ ခွက်ခွင်း၊ ငကင်းနှင့် မဓုရကျေးရွာများတွင်လည်း စိုက်ပျိုးကြောင်း၊ ယခုနောက်ဆုံးဆွတ်သော (၂.၅ဒ) အရှည် ရှိသော အတောင့် (၈၀ဝ) ပါတစ်အိတ်လျှင် (၅၀ဝ၀) ကျပ်နှုန်းဖြင့် ကားခပေးချေ၍ တစ်တောင့်လျှင် (၆၅) ကျပ်နှုန်းဖြင့် ရန်ကုန်အရောက် ပေးပို့ရောင်းချကြောင်း၊ မိမိတို့ဒန့်သလွန်သီးများအား အသီး/တောင့်မှလွဲ၍ အရွက်၊ အစေ့၊ အဆီ၊ အမှုန့်နှင့် အခြားတန်ဖိုးမြှင့်ထုတ်ကုန်များ မရှိသေးပါကြောင်း သိရှိရပါသည်။

လိုအပ်မှုတင်ပြချက်များအနေဖြင့် ရေအခက်အခဲရှိ၍ ရေတွင်းတူးရာတွင် အပေါ်ကြော(၃၀ဒ) (၅)ပေါက် တွင်း တစ်တွင်းတူးလျှင် (၁၀ဝ၀ဝ၀ဝ)ကျပ်ခန့်၊ အောက်ကြော (၄၀ဝဒ) ကျော်လျှင် တစ်တွင်း (၁၀ဝ၀ဝ၀ဝ) ကျပ်မှ (၁၂၀ဝ၀ဝ၀)ကျပ်ခန့်ကုန်ကျကြောင်း၊ ထိုကဲ့သို့ ရေရရှိရန်အတွက် နေရောင်ခြည်နှင့် ရေထွက်နိုင်အောင် ဆောင်ရွက်ပေးနိုင်လျှင် ပို၍ အဆင်ပြေမည်ဖြစ်ကြောင်း၊ စိုက်ပျိုးခြင်း နည်းပညာမှာသမားရိုးကျစိုက်ပျိုးခြင်း သာဖြစ်ပြီး ပိုမိုသာလွန်သော စိုက်ပျိုးရေးနည်းပညာများရှိပါက ရယူလိုကြောင်း၊ ခူးဆွတ် သည့် အချိန်တွင် ဝယ်ယူသူမှ လာရောက်ခူးဆွတ်ခြင်းဖြစ်၍ကုန်ကျစရိတ်မရှိပါကြောင်း၊ ရာသီဥတုနှင့် အပင်အခြေအနေပေါ်မူတည်၍ ဓာတ်မြေသြဇာနှင့် ပိုးသတ်ဆေးများသုံးစွဲ ကြောင်း၊ ထွက်ရှိသောဒန့်သလွန် သီးများကို အရာတော်မြို့နယ်ပွဲစားများမှ လာရောက် ဝယ်ယူပြီး Online မှရှာဖွေ၍လည်း ဈေးကွက်ရှာဖွေ ကြောင်း၊ ဈေးကွက်များကိုလည်း ချိတ်ဆက်ဆောင်ရွက်ပေးစေလိုပါကြောင်း ဆွေးနွေးပြောကြားခဲ့ကြောင်း သတင်းရရှိပါသည်။

စစ်ကိုင်းတိုင်းဒေသကြီး

စားသုံးသူရေးရာဦးစီးဌာန

လယ်ယာထုန်ကုန်စီမံခန့်ခွဲရေးအဖွဲ့၏ လုပ်ငန်းညှိနှိုင်းအစည်းအဝေးကျင်းပ

သတင်းနှင့် လှုပ်ရှားမှုများ

လယ်ယာထုတ်ကုန်စီမံခန့်ခွဲရေးအဖွဲ့၏ လုပ်ငန်းညှိနှိုင်းအစည်းအဝေးကို ၂၀၂၀ ပြည့်နှစ် ဇွန်လ ၈ ရက်နေ့ မွန်းလွဲ(၁) နာရီတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ အစည်းအဝေးခန်းမ၌ ကျင်းပပြုလုပ်ခဲ့သည်။

အစည်းအဝေးတွင် လယ်ယာထုတ်ကုန်စီမံခန့်ခွဲရေးအဖွဲ့ ဥက္ကဌ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးအောင်ထူးက ပြည်နယ်နှင့် တိုင်းဒေသကြီးများတွင် ၂၀၁၉-၂၀၂၀ ခုနှစ်အတွက် အခြေခံရည်ညွှန်းဈေးနှုန်းဖြင့် ဝယ်ယူထားသော စပါးများအား ကြိတ်ခွဲပြီး ဆန်ပြန်လည် အပ်နှံပြီးစီးမှု အခြေအနေများနှင့် စပ်လျဉ်း၍ ညှိနှိုင်းဆွေးနွေးရန်ဖြစ်ကြောင်း၊ ရန်ကုန်တိုင်းဒေသကြီး၊ ပဲခူးတိုင်းဒေသကြီးနှင့် ဧရာဝတီတိုင်းဒေသကြီးတို့တွင် ဆန်စပါးဝယ်ယူပေးနိုင်သောကုန်သည်များကို တင်ဒါစနစ်ဖြင့် ၂၀၁၉ ခုနှစ်ထွက် စပါးများဝယ်ယူခြင်း၊ ဆန်စပါးပြန်လည်ပေးသွင်းခြင်းဆိုင်ရာ သဘောတူစာချုပ်များကို ချုပ်ဆိုပြီး တင်ဒါအောင်မြင်သူများအနေဖြင့် သဘောတူစာချုပ်ပါ အချက်အလက် အတိုင်းလိုက်နာ ဆောင်ရွက်ပေးစေလိုပါကြောင်း၊ ယခုနှစ်ဆောင်ရွက်သောလုပ်ငန်းစဉ် အောင်မြင်မှုရရှိမှသာ လာမည့်နှစ်တွင် မိုးစပါးအခြေခံဈေးနှုန်းသတ်မှတ်၍ တောင်သူများထံမှ ဝယ်ယူပေးနိုင်မည်ဖြစ်ကြောင်း၊ အခြေခံဈေးနှုန်းသတ်မှတ်နိုင်ရန်အတွက် အစည်းအဝေးခေါ်ယူပြီး စီးပွားရေးရာကော်မတီသို့ တင်ပြသွားမည်ဖြစ်ကြောင်း၊ ယင်းအစည်းအဝေးတွင် အခြေခံဈေးနှုန်းဖြင့် စမ်းသပ်ဝယ်ယူခဲ့မှုအပေါ် ပြန်လည်သုံးသပ်ပြီး အခြေခံဈေးနှုန်းဖြင့် စဉ်ဆက်မပြတ်ဆက် လက်ဝယ်ယူနိုင်ရေး ဆွေးနွေးဆောင်ရွက်သွားမည်ဖြစ်ကြောင်း၊ စာချုပ်ဖောက်ဖျက်မိပါက ဥပဒေအရအရေးယူဆောင်ရွက်ရမည်ဖြစ်ကြောင်း၊ အခက်အခဲများရှိလျှင်လည်း တင်ပြပေးရန်ဖြစ်ကြောင်း ပြောကြားသည်။

ထို့နောက် အခမ်းအနားသို့ တက်ရောက်လာကြသည့် ဌာနဆိုင်ရာအကြီးအကဲများ၊ ပြည်နယ်နှင့် တိုင်းဒေသကြီးတို့မှ စပါး၊ ဆန်ဝယ်ယူရေးကြီးကြပ်မှုလုပ်ငန်းအဖွဲ့များက စပါးကြိတ်ခွဲပြီးစီးမှု၊ ဆန်များ ပြန်လည်အပ်နှံပြီးစီးမှုအခြေအနေများနှင့်စပ်လျဉ်း၍ ရှင်းလင်းပြောကြားပြီး မြန်မာကုန်ပစ္စည်းစစ်ဆေးရေးနှင့်စမ်းသပ်မှုလုပ်ငန်းများလီမိတက်နှင့် မြန်မာနိုင်ငံ ဆန်စပါးအသင်းချုပ်တို့မှ ဆန်စပါးများအား ပိုးသတ်ထားရှိမှုတို့နှင့်ပတ်သက်၍ ရှင်းလင်းဆွေးနွေးပြီး ဒုတိယဝန်ကြီးက တင်ပြဆွေးနွေးချက်များအပေါ် ပြန်လည်သုံးသပ်ဆွေးနွေးကာ နိဂုံးချုပ်စကားပြောကြားသည်။

အစည်းအဝေးသို့ လွှတ်တော်ကိုယ်စားလှယ်များ၊ ပဲခူးတိုင်းဒေသကြီးနှင့် ဧရာဝတီတိုင်းဒေသကြီးမှ စီမံကိန်းနှင့်ဘဏ္ဍာရေးဝန်ကြီးများ၊ စပါး၊ဆန်ဝယ်ယူရေးကြီးကြပ်မှုလုပ်ငန်းအဖွဲ့များ၊ ဌာနဆိုင်ရာအသီးသီးမှ တာဝန်ရှိသူများနှင့် မြန်မာကုန်ပစ္စည်းစစ်ဆေးရေးနှင့်စမ်းသပ်မှုလုပ်ငန်းများလီမိတက်၊ မြန်မာနိုင်ငံကုန်သည်များနှင့်စက်မှုလက်မှုလုပ်းငန်းရှင်များအသင်းချုပ်၊ မြန်မာနိုင်ငံဆန်စပါးအသင်းချုပ်၊ မွေးမြူရေးလုပ်ငန်းအဖွဲ့ချုပ်၊ မြန်မာနိုင်ငံဆန်စက် လုပ်ငန်းရှင်များအသင်း၊ မြန်မာနိုင်ငံစပါးကုန်သည်များအသင်းတို့မှ တာဝန်ရှိသူများ တက်ရောက်ခဲ့ကြောင်းသိရသည်။

စားသုံးသူရေးရာဦးစီးဌာန

ထားဝယ်မြို့ပေါ်ရှိ စားသောက်ဆိုင်၊ လက်ဖက်ရည်ဆိုင်များအား ဆိုင်ဖွင့်လှစ်ရောင်းချရာတွင် လိုက်နာရမည့်စည်းကမ်းများအား စစ်ဆေးကြီးကြပ်ရေးအဖွဲ့မှ ကွင်းဆင်းအသိပညာပေး

သတင်းနှင့် လှုပ်ရှားမှုများ

၂၀၂၀ ပြည့်နှစ် ဇွန်လ ၁ ရက်နေ့တွင် မြို့နယ်စားသောက်ဆိုင်နှင့် လက်ဖက်ရည်ဆိုင်များ စစ်ဆေးကြီးကြပ်ရေးအဖွဲ့ဝင်များဖြစ်သော တိုင်းဒေသကြီးစားသုံးသူရေးရာဦးစီးဌာနမှ တာဝန်ရှိသူများသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ အစားအသောက်နှင့်ဆေးဝါးကွပ်ကဲရေးဦးစီးဌာန၊ ကျန်းမာရေးဦးစီးဌာန၊ မြို့နယ်မီးသတ်ဦးစီးဌာန တို့နှင့် ထားဝယ်မြို့ပေါ်ရှိ စားသောက်ဆိုင်၊ လက်ဖက်ရည်ဆိုင်များအား သတ်မှတ်ထားသော စည်းကမ်းချက်များနှင့်အညီ လိုက်နာရောင်းချနိုင်ရေးကွင်းဆင်းစစ်ဆေးခဲ့ပါသည်။

ထိုသို့ ကွင်းဆင်းစစ်ဆေးရာတွင် စစ်ဆေးကြီးကြပ်ရေးအဖွဲ့မှ စားသောက်ဆိုင်နှင့် လက်ဖက်ရည်ဆိုင်များအနေဖြင့် ဖွင့်လှစ်ရောင်းချရာ၌ ကျန်းမာရေးနှင့် အားကစားဝန်ကြီးဌာနမှ ထုတ်ပြန်ထားသော လိုက်နာရမည့်အချက်(၁၁)ချက်နှင့် စားသောက်ဆိုင်တာဝန်ရှိသူများ၊ ဝန်ထမ်း များလိုက်နာရမည့်အချက်(၁၁)ချက်၊ စားသုံးသူများအနေဖြင့်လိုက်နာရမည့်အချက်များ၊ ဆိုင်တွင်း အထူးဂရုပြုရမည့် သန့်ရှင်းရေးလုပ်ငန်းများကို အသိပညာပေးခဲ့ပါသည်။ သတ်မှတ်စည်းကမ်း နှင့်အညီ ပြင်ဆင်နိုင်ရေးအတွက် (၁၀)ရက်ခန့်အချိန်ပေးသွားမည်ဖြစ်ပြီး ပြင်ဆင်ပြီးစီးမှုအား စစ်ဆေး၍ကျေနပ်မှုရှိမှသာ ဖွင့်လှစ်ခွင့်ပြုပေးသွားမည်ဖြစ်ကြောင်း၊ ထားဝယ်မြို့ပေါ်ရှိ စားသောက် ဆိုင်နှင့်လက်ဖက်ရည်ဆိုင်များအနက် ဆိုင်ပေါင်း(၄၀)အားကွင်းဆင်အသိပညာပေးခဲ့ကြောင်း သတင်း ရရှိပါသည်။

တနင်္သာရီတိုင်းဒေသကြီး

စားသုံးသူရေးရာဦးစီးဌာန

ဒိုက်ဦးမြို့ဝင်လမ်းရှိ ဆန်စက်များအား ထုတ်ကုန်လုံခြုံစိတ်ချရမှုရှိ/မရှိစစ်ဆေး

သတင်းနှင့် လှုပ်ရှားမှုများ

၁.၆.၂၀၂၀ ရက်နေ့တွင် ဒိုက်ဦးမြို့နယ် ၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့် ဝန်ထမ်းများ၊ ဒိုက်ဦးမြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး၊ မိတ်ဖက်ဌာနများနှင့် ပူးပေါင်း၍ ဒိုက်ဦးမြို့ဝင်လမ်းရှိ ဆန်စက်များအား ထုတ်ကုန်လုံခြုံစိတ်ချရမှုရှိ/မရှိ စစ်ဆေးခဲ့ကြောင်း သတင်း ရရှိပါသည်။

ပဲခူးတိုင်းဒေသကြီး

စားသုံးသူရေးရာဦးစီးဌာန

Languages

Main menu

သတင်းနှင့် လှုပ်ရှားမှုများ

သီးနှံသိုလှောင်မှုလုပ်ငန်းဆိုင်ရာ နည်းပညာစာတမ်း

မွန်ပြည်နယ် ရင်းနှီးမြှုပ်နှံမှုမြှင့်တင်ရေးဆိုင်ရာမဟာဗျူဟာ ရေးဆွဲရေးအစည်းအဝေး ကျင်းပပြုလုပ်

ရွှေဘိုပေါ်ဆန်း GI ရရှိရေး ဆောင်ရွက်နေမှု အခြေအနေများအား National Project Coordinator ဦးခင်မောင်ထွန်းနှင့် တွေ့ဆုံဆွေးနွေး

စားသုံးသူရေးရာဦးစီးဌာန၏ ၂၀၁၉-၂၀၂၀ ဘဏ္ဍာနှစ် တတိယ ၃ လပတ် လုပ်ငန်းညှိနှိုင်းအစည်းအဝေး ကျင်းပပြုလုပ်ခြင်း

စစ်ကိုင်းမြို့နယ်ရှိ ရေသန့်လုပ်ငန်းရှင်များအား အဖွဲ့စုံ ( စုံစမ်းစစ်ဆေးရေးအဖွဲ့ ) ဖြင့် ကွင်းဆင်းစစ်ဆေး

စစ်ကိုင်းခရိုင်၊ မြင်းမူမြို့နယ်၊ မြောင်မြို့နယ်များသို့ ဈေးကွက်စောင့်ကြည့် စစ်ဆေးခြင်း

လယ်ယာထုန်ကုန်စီမံခန့်ခွဲရေးအဖွဲ့၏ လုပ်ငန်းညှိနှိုင်းအစည်းအဝေးကျင်းပ

ဒိုက်ဦးမြို့ဝင်လမ်းရှိ ဆန်စက်များအား ထုတ်ကုန်လုံခြုံစိတ်ချရမှုရှိ/မရှိစစ်ဆေး

Pages

You are here

သတင်းနှင့် လှုပ်ရှားမှုများ

Pages