သတင်းနှင့် လှုပ်ရှားမှုများ

ပဲခူးတိုင်းဒေသကြီး၊ စားသုံးသူရေးရာဦးစီးဌာနမှ ဦးဆောင်၍ ဒေသအတွင်း စီးပွားရေးလုပ်ငန်းများ ပြန်လည်ဦးမော့လာစေရန်နှင့် ငွေကြေးစီးဆင်းမှု လွယ်ကူလျှင်မြန်စေရေးအတွက် ရည်ရွယ်ပြီး ပဲခူးတိုင်း ဒေသကြီးအစိုးရအဖွဲ့ စီးပွားရေးရာဝန်ကြီး နှင့် ပဲခူးတိုင်းဒေသကြီးအတွင်းရှိ အသေးစား ငွေရေးကြေးရေး အဖွဲ့အစည်းများ တွေ့ဆုံပွဲကို (၆.၁၀.၂၀၂၁) ရက်နေ့ နေ့လယ် ၂ : ၀၀ နာရီတွင် စားသုံးသူရေးရာဦးစီး ဌာန၊ ပဲခူးတိုင်းဒေသကြီးဦးစီးမှူးရုံး အစည်းအဝေးခန်းမ၌ ကျန်းမာရေးဝန်ကြီးဌာနမှ ထုတ်ပြန်ထားသော ကိုဗစ် ၁၉ စည်းမျဉ်းစည်းကမ်း များနှင့်အညီ ကျင်းပခဲ့ပြီး အဆိုပါ အစည်းအဝေးသို့ ပဲခူးတိုင်းဒေသကြီး အထူးစုံစမ်း စစ်ဆေးရေးဦးစီးဌာန ၊ ပဲခူးတိုင်းဒေသကြီး မြန်မာ့စီးပွားရေးဘဏ်၊ ပဲခူးတိုင်းဒေသကြီး စက်မှုကြီးကြပ်ရေးနှင့်စစ်ဆေးရေးဦးစီးဌာန ၊ ပဲခူးတိုင်းဒေသကြီး စီမံကိန်းရေးဆွဲရေးဦးစီးဌာန၊ ပဲခူးတိုင်းဒေသကြီး ငွေ‌ရေး‌ကြေးရေး ကြီးကြပ်စစ်ဆေးရေးဦးစီးဌာန၊ ပဲခူးတိုင်း ဒေသကြီး ဟိုတယ်နှင့် ခရီးသွား ညွှန်ကြားမှုဦးစီးဌာန တို့မှ တာဝန်ရှိပုဂ္ဂိုလ်များ (၆)ဦး ၊ အသေးစား ငွေရေးကြေးရေး အဖွဲ့အစည်းများမှ တာဝန်ရှိသူများ (၈)ဦး စုစုပေါင်း (၁၄)ဦး တက်ရောက်ခဲ့ပါသည်။
အဆိုပါဆွေးနွေးပွဲတွင် ပဲခူးတိုင်းဒေသကြီးအစိုးရအဖွဲ့ ၊ စီးပွားရေးရာဝန်ကြီးကိုယ်စား ပဲခူးတိုင်းဒေသကြီး အထူးစုံစမ်းစစ်ဆေးရေးဦးစီးဌာန ၊ ညွှန်ကြားရေးမှူးက ပဲခူးတိုင်း‌ဒေသကြီး အတွင်းရှိိ အသေးစား ငွေရေးကြေးရေး အဖွဲ့အစည်းများနှင့် ဌာနဆိုင်ရာများ ပူးပေါင်း၍ တွေ့ကြုံနေရ သည့် အခက်အခဲများကို ပေါင်းစပ်အဖြေရှာ၍ နိုင်ငံရေးပြောင်းလဲမှုအခြေအနေများ ၊ ကိုဗစ်-၁၉ ရောဂါ အခြေအနေ များကြောင့် စီးပွားရေးလူမှုရေး အဘက်ဘက်မှ ရင်ဆိုင်ကြုံတွေ့နေရသည့် အခက်အခဲများ ၊ လုပ်ငန်းရှင် များမှ တင်ပြသည့် အချက်များအား အစိုးရဌာနဆိုင်ရာများ ပံ့ပိုးပေးရမည့် အခြေအနေ များကို အဖွင့်အမှာ စကားပြောကြားခဲ့ပါသည်။
ဆက်လက်၍ ပဲခူးတိုင်းဒေသကြီး၊ စီမံကိန်းရေးဆွဲရေးဦးစီးဌာန ၊ညွှန်ကြားရေးမှူးမှ စီးပွားရေးလုပ်ငန်းများ ပြန်လည်ကောင်းမွန်လာခြင်း အချက်တွင် ငွေကြေးစီးဆင်းမှု ကောင်းမှ အဆင်ပြေမည်ဖြစ်ပါကြောင်း၊ ငွေကြေးစီးဆင်းမှု လွယ်ကူမြန်ဆန်စေရန်အတွက် ဘဏ်အပ်ငွေများ ထုတ်မရသည့်အခြေအနေများနှင့် ပတ်သက်၍ တင်ပြစေလိုသည့် အချက်များကို ရှင်းလင်းဆွေးနွေးခြင်း၊ ပဲခူးတိုင်းဒေသကြီး ၊ ငွေရေးကြေးရေး ကြီးကြပ်စစ်ဆေးရေးဦးစီးဌာနမှ ပဲခူးတိုင်းဒေသကြီးအတွင်း အသေးစားငွေရေးကြေးရေးအဖွဲ့အစည်း (၄၉) ဖွဲ့ရှိကြောင်း၊ ပဲခူးတိုင်းဒေသကြီး အစိုးရအဖွဲ့၏ ဦးဆောင်မှုဖြင့် ဒေသတွင်းစီးပွားရေးလုပ်ငန်းများ ပြန်လည်ဦးမော့ လာစေရေးအတွက် မိမိတို့ဌာန အနေဖြင့် ပူးပေါင်းဆောင်ရွက်မည့် အကြောင်းအရာများကို ဆွေးနွေးပြောကြားခြင်း ၊ ပဲခူးတိုင်းဒေသကြီး ၊ စားသုံးသူရေးရာဦးစီးဌာန ၊တိုင်းဒေသကြီးဦးစီးမှူးမှ အသေးစား ငွေရေးကြေးရေး အဖွဲ့အစည်း များသည် ဝန်ဆောင်မှုလုပ်ငန်းများ ဖြစ်ပါကြောင်း ၊ ဝန်ဆောင်မှု လုပ်ငန်းများဖြစ်သည်နှင့်အညီ လုပ်ငန်းရှင်များအနေဖြင့် စားသုံးသူများအား လိုက်နာဆောင်ရွက်ရမည့် အခြေအနေများနှင့် ပတ်သက်၍ အကျယ်တဝင့် ရှင်းလင်းဆွေးနွေးခြင်း ၊ပြည်တွင်းကုန်သွယ်မှု ဖွံ့ဖြိုးတိုးတက်ရေးအတွက် ငွေကြေးကဏ္ဍ ဖွံ့ဖြိုးမှသာ ပြည်တွင်းကုန်သွယ်မှုဖွံ့ဖြိုးနိုင်သည့်အတွက် ယနေ့တွေ့ဆုံဆွေးနွေးပွဲအား ဆောင်ရွက်ခြင်းဖြစ်ပြီး တေွ့ဆုံဆွေးနွေးပွဲမှ ရရှိသည့် တင်ပြချက်အပေါ် အခြေခံ၍ တိုင်းအတွင်း ဖြေရှင်းနိုင်သည်များကို ဖြေရှင်းပြီး တိုင်းအဆင့် ဖြေရှင်းရန် ခက်ခဲသည့်အခြေအနေများကို ပဲခူးတိုင်းဒေသကြီးအစိုးရအဖွဲ့မှ တစ်ဆင့် ပြည်ထောင်စုအဆင့်သို့ စုစည်းတင်ပြပေးမည့် အခြေအနေ များကို ရှင်းလင်းဆွေးနွေးခြင်း ၊တွေ့ဆုံပွဲ အခမ်းအနားသို့ တက်‌ရောက်လာသည့် အသေးစားငေွရေး ကြေးရေး အဖွဲ့အစည်းများမှ လုပ်ငန်း လည်ပတ် နေမှု အခြေအနေများ ၊ ရုံးလုပ်ငန်းဆောင်ရွက်ရာတွင် ဝန်ထမ်းများ၏ လုံခြုံရေး အခြေအနေ အခက်အခဲများ ၊ ဘဏ်၌အပ်‌ငွေ ထုတ်ယူ၍ မရသည့် အခြေအနေများ နှင့် ချေး‌ငွေကောက်ယူ၍ မရသည့် အခက်အခဲများ၊ လုံခြုံရေးဂိတ်များကြောင့် သွားရေး လာရေးခက်ခဲသည့်အခြေအနေများ နှင့်ပတ်သက်၍ အခက်အခဲများစွာ ကြုံတွေ့နေရသည့် အခြေအနေ များကို ဆွေးနွေးတင်ပြ၍သက်ဆိုင်ရာဌာနများမှ ပြန်လည် ဖြေကြားခဲ့ပါသည်။
ထို့နောက် ပဲခူးတိုင်းဒေသကြီး အစိုးရအဖွဲ့၊ စီးပွားရေးရာဝန်ကြီးကိုယ်စား ပဲခူးတိုင်းဒေသကြီး အထူးစုံစမ်းစစ်ဆေးရေးဦးစီးဌာန ၊ ညွှန်ကြားရေးမှူးမှ အသေးစားငွေရေးကြေးရေးလုပ်ငန်းများသည် တိုင်းပြည်စီးပွားရေးဖွံ့ဖြိုးတိုးတက်ရန်အတွက် အရေးကြီးသော အခန်းကဏ္ဍတစ်ခုအနေဖြင့် ပါဝင်ပြီး ပုံမှန်လည်ပတ်နိုင်အောင် သက်ဆိုင်ရာဌာနများနှင့် အဘက်ဘက်မှ ပူးပေါင်း၍ ဆောင်ရွက်စေလို ကြောင်း ဆွေးနွေးပြောကြားခဲ့ပြီးနောက် အစည်းအဝေးကို ၅ : ၃၀ နာရီတွင် ရုတ်သိမ်းခဲ့ကြောင်း သတင်းရရှိပါသည်။

(၆.၁၀.၂၀၂၁)ရက်နေ့ တိုင်းဒေသကြီး/ပြည်နယ်များအလိုက် စားအုန်းဆီတစ်ပိဿာကုန်ကျစရိတ်တွက်ချက်မှုစာရင်းနှင့် စားအုန်းဆီ နေ့စဉ်ဈေးနှုန်းသတင်းအား အောက်ပါ PDF ဖိုင်တွင် ကြည့်ရှုလေ့လာနိုင်ပါသည်။

(၄.၁၀.၂၀၂၁)ရက်နေ့ တိုင်းဒေသကြီး/ပြည်နယ်များအလိုက် စားအုန်းဆီတစ်ပိဿာကုန်ကျစရိတ်တွက်ချက်မှုစာရင်းနှင့် စားအုန်းဆီ နေ့စဉ်ဈေးနှုန်းသတင်းအား အောက်ပါ PDF ဖိုင်တွင် ကြည့်ရှုလေ့လာနိုင်ပါသည်။

(၃၀.၉.၂၀၂၁)ရက်နေ့ တိုင်းဒေသကြီး/ပြည်နယ်များအလိုက် စားအုန်းဆီတစ်ပိဿာကုန်ကျစရိတ်တွက်ချက်မှုစာရင်းနှင့် စားအုန်းဆီ နေ့စဉ်ဈေးနှုန်းသတင်းအား အောက်ပါ PDF ဖိုင်တွင် ကြည့်ရှုလေ့လာနိုင်ပါသည်။

      ၈.၉.၂၀၂၁ ရက်နေ့တွင် ကျင်းပပြုလုပ်သော ပဲခူးတိုင်းဒေသကြီးအစိုးရအဖွဲ့ ၊ လုံခြုံရေးနှင့် နယ်စပ်ရေးရာဝန်ကြီး ၊ စီးပွားရေးရာဝန်ကြီးနှင့် ပဲခူးတိုင်းဒေသကြီးအတွင်းရှိ ဆန်စက်လုပ်ငန်းရှင်များ ၊ ပုဂ္ဂလိက ဘဏ်လုပ်ငန်းရှင်များ တွေ့ဆုံပွဲ အစည်းအဝေးဆုံးဖြတ်ချက်အရ မိုးစပါးပေါ်ချိန် စပါးများ ဝယ်ယူနိုင်ရန် ဆန်စက်လုပ်ငန်းရှင်များ၏ အပ်နှံငွေများ ဘဏ်မှ ငွေထုတ်ရရှိရေးနှင့် ငွေကြေးစီးဆင်းမှု လွဘ်ကူမြန်ဆန်စေရေးအတွက် ရည်ရွယ်၍ လုပ်ငန်းလည်ပတ်ရန်အတွက် ဘဏ်များတွင် အပ်နှံ ထားသော ‌ငွေကြေးထုတ်ယူရန် တင်ပြထားသည့် ပဲခူးတိုင်းဒေသကြီးအတွင်းရှိ ဆန်စက် လုပ်ငန်းရှင်များ အနက်မှ ၁၅.၉.၂၀၂၁ ၊ ၁၆.၉.၂၀၂၁ ၊ ၁၇.၉.၂၀၂၁ ၊ ၂၀.၉.၂၀၂၁ ရက်နေ့များတွင် ပဲခူးခရိုင် ဝေါမြို့နယ်ရှိ ဆန်စက် (၆)စက်၊ ဒိုက်ဦးမြို့နယ်ရှိ ဆန်စက် (၄)စက် ၊ ညောင်လေးပင်မြို့နယ်ရှိ ဆန်စက် (၂)စက် ၊ ပဲခူးမြို့နယ်ရှိ ဆန်စက် (၂)စက် ၊ သနပ်ပင်မြို့နယ်ရှိ ဆန်စက် (၁)စက် ၊ ကျောက်တံခါးမြို့နယ်ရှိ ဆန်စက် (၄) စက် စုစုပေါင်း ပဲခူးခရိုင်မှ ဆန်စက် (၁၉)စက်ကို စားသုံးသူရေးရာဦးစီးဌာန ၊ပဲခူးတိုင်းဒေသကြီး ဦးစီးမှူးရုံးမှ ဦးအောင်သိုက် (လက်ထောက်ညွှန်ကြားရေးမှူး) ဦးဆောင်၍ အဖွဲ့ဝင် (၃)ဦး လိုက်ပါဆောင်ရွက်ပြီး မြေပြင်ကွင်းဆင်း စစ်ဆေးခဲ့ပါသည်။

      ယင်းသို့ ‌မြေပြင်ကွင်းဆင်းရာတွင် ငွေထုတ်ယူလိုသော ဆန်စက်လုပ်ငန်းရှင်များသည် ငှားရမ်းလုပ်ကိုင်သူမဖြစ်စေရန်နှင့် လက်ရှိလုပ်ငန်းဆောင်ရွက်နေသော လုပ်ငန်းရှင်များဖြစ်ရမည်ဖြစ်ပြီး ၊ စပါးပေါ်ချိန်တွင် တောင်သူဆီမှ စပါးဝယ်ယူ၍ ဆန်ပြန်လည်ကြိတ်ခွဲရောင်းချသော နဝလီ ကြိတ်ခွဲမှုများ မဖြစ်စေရ ၊ စက်လည်ပတ်နိုင်မှုအခြေအနေများ ၊ ဆန်ကြိတ်ခွဲနိုင်မှု စွမ်းအားများ၊ ဆန်သိုလှောင် ထားရှိနိုင်မှု အခြေအနေ ၊ စပါးသိုလှောင်နိုင်မှု အခြေအနေများ၊ လုပ်သားအရေအတွက် ၊ စက်ယူနစ်များ တပ်ဆင်ထားရှိမှု အခြေအနေ ၊ တစ်လပျှမ်းမျှ စပါးတင်း ကြိတ်ခွဲနိုင်မှု အခြေအနေများနှင့် စက်ရုံအလိုက် လည်ပတ်သုံးစွဲမည့် ကဏ္ဍအလိုက်ကိုစစ်ဆေးခဲ့ကြောင်းသတင်းရရှိပါသည်။