သတင်းနှင့် လှုပ်ရှားမှုများ

(၂၃.၉.၂၀၂၁)ရက်နေ့ တိုင်းဒေသကြီး/ပြည်နယ်များအလိုက် စားအုန်းဆီတစ်ပိဿာကုန်ကျစရိတ်တွက်ချက်မှုစာရင်းနှင့် စားအုန်းဆီ နေ့စဉ်ဈေးနှုန်းသတင်းအား အောက်ပါ PDF ဖိုင်တွင် ကြည့်ရှုလေ့လာနိုင်ပါသည်။

(၂၁.၉.၂၀၂၁)ရက်နေ့ တိုင်းဒေသကြီး/ပြည်နယ်များအလိုက် စားအုန်းဆီတစ်ပိဿာကုန်ကျစရိတ်တွက်ချက်မှုစာရင်းနှင့် စားအုန်းဆီ နေ့စဉ်ဈေးနှုန်းသတင်းအား အောက်ပါ PDF ဖိုင်တွင် ကြည့်ရှုလေ့လာနိုင်ပါသည်။

      ထုတ်လုပ်၊ဖြန့်ဖြူး၊ရောင်းချသည့် ကုန်စည်များပေါ်တွင် ကုန်အညွှန်းအမှတ်အသားများအား စားသုံးသူကာကွယ်ရေး ဥပဒေနှင့်အညီ ပြည့်စုံစွာဖော်ပြပါရှိစေရန်ရည်ရွယ်၍ ၁၇.၉.၂၀၂၁ ရက်နေ့၊ နံနက် ၁၁: ၀၀ နာရီတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ သနပ်ပင်မြို့နယ်ရုံး၌ ပဲခူးတိုင်းဒေသကြီး၊ စားသုံးသူရေးရာဦးစီးဌာန ၊ သနပ်ပင်မြို့နယ်တာဝန်ခံမှ ဦးစီး၍ အသိပညာပေး Talk Show အစီအစဉ်ကို ဆောင်ရွက်ခဲ့ပါသည်။

      အဆိုပါ Talk Show တွင် ပဲခူးတိုင်း‌ဒေသကြီး၊ စားသုံးသူရေးရာဦးစီးဌာန၊ သနပ်ပင်မြို့နယ် တာဝန်ခံ ဦးသိန်းဆွေက စားသုံးသူကာကွယ်ရေးဥပဒေပါ စားသုံးသူများ၏ အခွင့်အရေးနှင့် တာဝန်များ၊ စီးပွားရေးလုပ်ငန်းရှင်များ၏ တာဝန်နှင့်တားမြစ်ချက်များ၊ ကုန်စည်နှင့် ဝန်ဆောင်မှုများ အပေါ် အာမခံချက်ပေးရမည့်အချက်များ၊ စားသုံးသူကာကွယ်ရေးဥပဒေ အခန်း(၁၈)ပါ ကုန်စည်များပေါ်တွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များ နှင့်အညီ ဖော်ပြပါရှိစေရေးတို့ကို စီးပွားရေးလုပ်ငန်းရှင်များနှင့်ပြည်သူများအား ရှင်းလင်းတင်ပြခဲ့ပြီး စီးပွားရေးလုပ်ငန်းရှင်များအနေဖြင့် မိမိတို့ထုတ်လုပ်၊ဖြန့်ဖြူး၊ရောင်းချလျှက်ရှိသော ကုန်စည်များကို ကုန်အညွှန်းအမှတ်အသားများနှင့်အညီ ထုတ်လုပ်၊ဖြန့်ဖြူး၊ရောင်းချရမည် ဖြစ်ပါကြောင်း၊ မိမိတို့ ထုတ်လုပ်၊ ဖြန့်ဖြူး၊ရောင်းချသည့် ကုန်စည်များတွင် ကုန်အညွှန်းအမှတ်အသားဖော်ပြခြင်းနှင့် ပတ်သက်၍ ဌာန၏အတည်ပြုချက်ရယူလိုပါက လျှောက်ထားနိုင်ပါကြောင်း၊ တိုင်းဒေသကြီး ဦးစီးမှူးရုံး၊ ရုံးချုပ်တို့နှင့် ချိတ်ဆက်ဆောင်ရွက်ပေးမည်ဖြစ်ပါကြောင်းနှင့် လျှောက်ထားရန်လိပ်စာများအား အသိပေးတင်ပြခဲ့ကြောင်း သတင်းရရှိပါသည်။

ပဲခူးတိုင်းဒေသကြီး(DOCA)

         ပြည်သူများနေ့စဉ်သုံးစွဲလျက်ရှိသော စားသုံးဆီများ ဈေးကွက်ပြတ်လပ်မှု မရှိစေရေး၊ ဈေးနှုန်းတည်ငြိမ်ရေးနှင့် ဈေးကစားမှုမရှိစေရေးရည်ရွယ်၍ စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ကော်မတီအစည်းအဝေးအား ၁၇.၉.၂၀၂၁ ရက်နေ့ နံနက် ၁၀:၀၀ နာရီ တွင် Virtual meeting ဖြင့် ကျင်းပခဲ့ရာ စားသုံးဆီ တင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ကော်မတီ ဥက္ကဌ၊ စားသုံးသူရေးရာဦးစီးဌာန၊ ညွှန်ကြားရေးမှူးချုပ် ဦးမြင့်ချိုက အဖွင့်အမှာစကားပြောကြားပါသည်။ ညွှန်ကြားရေးမှူးချုပ်က အဖွင့်အမှာစကားပြောကြားရာတွင် စားသုံးသူပြည်သူများအား ကျမ်းမာရေးနှင့်ညီညွတ်သော စားသုံးဆီများကို သင့်တင်မျှတသော ဈေးနှုန်းဖြင့်ဝယ်ယူသုံးစွဲ နိုင်ရေးဆောင်ရွက်ပေးရမည်ဖြစ်သကဲ့သို့ ရောင်းချသူများအနေဖြင့်လည်း သင့်လျော်သော အမြတ်အစွန်းရရှိနိုင်ရေး ဆောင်ရွက်ပေးရမည်ဖြစ်ရာ စားသုံးဆီဈေးနှုန်းတည်ငြိမ်ရေးနှင့် ဈေးကစားမှုမရှိစေရေးအတွက် ဆောင်ရွက်သွားမည့် အစီအမံများနှင့်ပတ်သက်၍ ရှင်းလင်း ဆွေးနွေးခဲ့ပါသည်။ ထို့နောက်အစည်းအဝေးသို့ တက်ရောက်လာသော စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ကော်မတီအဖွဲ့ဝင်များနှင့် စားသုံးဆီ တင်သွင်းသည့် ကုမ္ပဏီများက သင့်တင့်သည့်ဈေးနှုန်းဖြင့် စားသုံးဆီများတင်သွင်းဖြန့်ဖြူးနိုင်ရေးအတွက် သင့်လျှော်မည့် အစီအမံများနှင့်ပတ်သက်၍ အသီးသီးအကြံပြု၊တင်ပြ၊ဆွေးနွေးခဲ့ကြပါသည်။

         အစည်းအဝေးသို့ စားသုံးဆီတင်သွင်း၊ သိုလှောင်၊ဖြန့်ဖြူးခြင်းလုပ်ငန်းကြီးကြပ် ကော်မတီ အဖွဲ့ဝင်များ၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းမှတာဝန်ရှိသူများ၊ စားသုံးဆီတင်သွင်းသည့်ကုမ္ပဏီများမှ တာဝန်ရှိသူများ တက်ရောက်ခဲ့ကြပြီး အစည်းအဝေးကို နေ့လည် ၁၂:၀၀ နာရီတွင် ရုပ်သိမ်းခဲ့ကြောင်း သတင်းရရှိပါသည်။

DOCA

         တရုတ်နိုင်ငံသို့ မြန်မာ့ဆန်နှင့် ဆန်ကွဲ တင်ပို့နိုင်ရေး တင်ပို့မည့် ကုမ္ပဏီများ၏ ဆန်စက်နှင့်သိုလှောင်ရုံများ ရွေးချယ်နိုင်ရန်အတွက် Technical Working Group အစည်းအဝေးကို ၂၀၂၁ ခုနှစ်၊ စက်တင်ဘာလ ၁၆ ရက်နေ့ (ကြာသပတေးနေ့)၊ နံနက် ၁၀:၀၀ နာရီတွင် Virtual meeting ဖြင့်ကျင်းပပြုလုပ်ရာ Technical Working Group အဖွဲ့ ခေါင်းဆောင်ဖြစ်သည့် စိုက်ပျိုးရေးဦးစီးဌာနမှ ဒုတိယညွှန်ကြားရေးမှူးချုပ် ဦးသူရစိုး က အဖွင့်အမှာစကား ပြောကြားရာ တွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန နှင့် တရုတ်ပြည်သူ့သမ္မတနိုင်ငံ The General Administration of Quality Supervision, Inspection and Quarantine (AQSIQ) (ယခု the General Administration of Customs of the People's Republic of China- GACC)တို့အကြား မြန်မာနိုင်ငံမှ ဆန်ကို တရုတ်ပြည်သူ့သမ္မတနိုင်ငံသို့ တင်ပို့ရန် စစ်ဆေးခြင်းနှင့် ပိုးမွှားကင်းစင်ရေးသဘောတူစာချုပ်ကို ၂၀၁၄ ခုနှစ်တွင် သဘောတူလက်မှတ်ရေးထိုးခဲ့ပြီး ၂၀၂၀ ပြည့်နှစ်၊ ဇန်နဝါရီလ ၁၇ ရက်နေ့တွင် ဆန်ကွဲပါတင်ပို့နိုင်ရေးအတွက် ပြန်လည်ပြင်ဆင်လက်မှတ်ရေးထိုးခဲ့ပါကြောင်း၊ တရုတ်နိုင်ငံ သို့ ဆန်နှင့်ဆန်ကွဲတင်ပို့ရန် အဆိုပြုမည့် ကုမ္ပဏီများ၏ ပြုပြင်ကြိတ်ခွဲခြင်း၊ သိုလှောင်ခြင်း၊ တင်ပို့ခြင်း လုပ်ငန်းများကို စာချုပ်ပါအချက်များနှင့်အညီစစ်ဆေးရန် စိုက်ပျိုးရေးဦးစီးဌာနနှင့် စားသုံးသူရေးရာဦးစီးဌာနတို့အကြား သဘောတူညီချက် ကို ၂၀၁၉ ခုနှစ်တွင် လက်မှတ်ရေးထိုးခဲ့ပါကြောင်း၊ ယခင်နှစ်က စစ်ဆေးတွေ့ရှိချက်စာရင်းများကို သီးနှံကာကွယ်ရေး ဌာနခွဲ၏ TBT Format အတွင်း Registered Number များဖြင့် ထည့်သွင်းပေးထားပါကြောင်း၊ ကုမ္ပဏီများ၏ ဆန်စက်များ အနေဖြင့် စစ်ဆေးမှုခံယူနေစဉ်အတွင်း ပြင်ဆင်ဆောင်ရွက်ခြင်းသာမက အမြဲလိုက်နာကျင့်သုံးဆောင်ရွက်သွားရမည် ဖြစ်ပါကြောင်း၊ Exporter များအနေဖြင့် နိုင်ငံတကာသို့ မြန်မာဆန်နှင့်ဆန်ကွဲ တင်ပို့နိုင်ရေးအတွက် ဆန်စက် အဆင့်အတန်းနှင့် ဆန်၏ အရည်အသွေး ပိုင်းပြည့်မီရန် လိုအပ်သည့်အပြင် Hygiene ပိုင်းကိုလည်း မဖြစ်မနေလိုက်နာရန် လိုအပ်သည့်အတွက် အထူးအလေးပေး ဆောင်ရွက်သွားရမည် ဖြစ်ပါကြောင်း ပြောကြားခဲ့ပါသည်။ ဆက်လက်၍ စားသုံးသူရေးရာဦးစီးဌာန ဒုတိယညွှန်ကြားရေးမှူးချုပ် ဦးခင်မောင်လှိုင်က ယခုနှစ်တွင် မြန်မာနိုင်ငံ ဆန်စပါးအသင်းချုပ်အနေဖြင့် စိတ်ဝင်စားမှု အဆိုပြုလွှာ (EOI) ခေါ်ယူခဲ့ရာ MRF(စီမံခန့်ခွဲရေး ကော်မတီ)မှ သတ်မှတ်ချက် နှင့်အညီ ကုမ္ပဏီ ၇၇ ခု၊ ဆန်စက် ၁၀၄ စက်တို့အား ကနဦး စိစစ်ရွေးချယ်ပြီး ၎င်းတို့အား SPS Protocol နှင့် အညီ စစ်ဆေး ဆောင်ရွက်ပေးရန် စားသုံးသူရေးရာဦးစီးဌာနသို့ တင်ပြလာပါကြောင်း၊ မိမိတို့ဦးစီးဌာနအနေဖြင့် ဆန်စက်များ၏ အဆင့်အတန်းသတ်မှတ် ချက်များနှင့် ကိုက်ညီမှု ရှိ/မရှိ စစ်ဆေးခြင်း၊ MITS မှ ကုန်ကြမ်းနှင့်ကုန်ချောသိုလှောင်ရုံများနှင့် လုပ်သားများကျန်းမာရေးနှင့် တကိုယ်ရည်သန့်ရှင်းရေး (Hygiene) ပိုင်းတို့ကို စစ်ဆေးဆောင်ရွက်ပေးခဲ့ပါကြောင်း ဆွေးနွေးခဲ့ပါသည်။

       ဆက်လက်၍ စားသုံးသူရေးရာဦးစီးဌာနမှ ညွှန်ကြားရေးမှူး ဦးဆန်းမြင့်က အဆိုပြုထားသော ကုမ္ပဏီများ ၏ ဆန်စက်နှင့်သိုလှောင်ရုံများအား စစ်ဆေးပြီးစီးမှုနှင့် စစ်ဆေးတွေ့ရှိရမှုအခြေအနေများ၊ အစည်းအဝေးတွင် ဆုံးဖြတ်ပေးရန် အချက်များဖြစ်သည့် SPS Protocol ပါ သတ်မှတ်ချက်များနှင့်ကိုက်ညီသည့် ကုမ္ပဏီများ၊ ဆန်စက်များနှင့် သိုလှောင်ရုံများ အား မှတ်တမ်းတင်ထားရှိရေးနှင့် လုပ်ငန်းကြီးကြပ်ရေးအဖွဲ့သို့ အမှာစာဖြင့်ပြုစုတင်ပြနိုင်ရေး၊ ပထမအကြိမ်စစ်ဆေး ရာတွင် noncompliance ဖြစ်ခဲ့ပြီး ဒုတိယအကြိမ် ပြန်လည်စစ်ဆေးမှုခံယူခြင်းမရှိသည့် ကုမ္ပဏီနှင့်ဆန်စက်တို့အား မှတ်တမ်းတင်ထားရှိနိုင်ရေး၊ စစ်ဆေးချက်မှတ်တမ်း(မူရင်း)များအား စိုက်ပျိုးရေးဦးစီးဌာနသို့ပေးပို့နိုင်ရေး၊ လုပ်ငန်း ကြီးကြပ်ရေးအဖွဲ့ လုပ်ငန်းညှိနှိုင်းအစည်းအဝေးကျင်းပရန် အမှာစာဖြင့် ပြုစုတင်ပြနိုင်ရေး ကိစ္စများကို ဆွေးနွေးတင်ပြရာ အစည်းအဝေးတက်ရောက်လာကြသူများက အကြံပြုဆွေးနွေးခဲ့ကြပါသည်။

အစည်းအဝေးသို့ Technical Working Group အဖွဲ့ဝင်များ၊ မြန်မာနိုင်ငံဆန်စပါးအသင်းချုပ်မှ တာဝန်ရှိသူများ၊ မြန်မာနိုင်ငံဆန်စက်လုပ်ငန်းရှင်များအသင်းမှ တာဝန်ရှိသူများ တက်ရောက်ခဲ့ကြပြီး နံနက် ၁၁:၃၀ နာရီတွင် အစည်းအဝေး ကို ရုပ်သိမ်းခဲ့ကြောင်း သတင်းရရှိပါသည်။

ITQM