သတင်းနှင့် လှုပ်ရှားမှုများ

       ပြည်ခရိုင်၊ ရွှေတောင်မြို့နယ်၊ မီးလောင်အုပ်စု၊ မီးလောင်ကျေးရွာသို့ (၁၉.၄.၂၀၂၃)ရက်နေ့၊ နံနက်ပိုင်းတွင် ပြောင်းဖူးစိုက်ခင်းသို့ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများ သွားရောက်၍ ကွင်းဆင်းဆောင်ရွက်ခဲ့ပါသည်။

       ထိုသို့ကွင်းဆင်းရာ ပြောင်ဖူးစိုက်ပျိုးသူတောင်သူ ဦးတိုးနိုင်ဝင်းက စိုက်ပျိုးသည့် ပြောင်းဖူးမျိုးမှာ (9)တံဆိပ် သကြားပြောင်းအမျိုးအစားဖြစ်ပါသည်။ ပြောင်းဖူးစိုက်ပျိုးရာတွင် ပြောင်းမျိုးစေ့တစ်ထုပ်ကို (၃၇၀၀၀)ကျပ်ဖြင့် (၄)ထုပ်ဝယ်၍ စိုက်ပျိုးရသဖြင့် စုစုပေါင်းမျိုးစေ့တန်ဖိုးမှာ (၁၄၈၀၀၀)ကျပ် ကုန်ကျကြောင်းသိရပါသည်။ ပြောင်းပင်ကို တပို့တွဲလတွင် စတင်စိုက်ပျိုးပြီး စိုက်ပျိုးပြီး (၇၅)ရက်ကြာလျှင် ပြောင်းဖူးများ စတင်ထွက်ရှိလာသဖြင့် ချိုးယူကာ ရောင်းချရကြောင်း သိရပါသည်။ ပြောင်းဖူးတစ်ယောက်စိုက်ခင်းတွင် စိုက်ပျိုးထုတ်လုပ်ကုန်ကျစရိတ်အနေဖြင့် (၂)သိန်းကျပ်ခန့် ကုန်ကျသည်ဟု သိရပြီး ထိုပြောင်းဖူးခင်းတွင် အထွက်နှုန်းအနေဖြင့် ပြောင်းဖူး အဖူးရေ အကြီး၊ အသေး သောင်းပြောင်း (၁၈၀၀)ခန့်ထွက်ရှိသည်ဟု သိရပါသည်။ ထွက်ရှိလာသောပြောင်းဖူးများကို တစ်ဆင့်ပြန်လည်ရောင်းချမည့်သူများက ပြောင်းခင်းသို့ဆင်း၍ ဝယ်ယူကြသလို ရွှေတောင်မြို့ဈေးများနှင့် ပြည်ဈေးကွက်၊ ရန်ကုန်မြို့သို့ တင်ပို့ရောင်းချကြောင်းသိရပါသည်။

    သကြားပြောင်းကို လူအများက သားရည်စာအဖြစ် စားသုံးကြသည့်အပြင် ဟင်းချက်၍ စားသုံးကြသဖြင့် စားသုံးသူကြိုက်နှစ်သက်သော ပြောင်းဖူးမျိုးဖြစ်၍ ပြောင်းဖူးစိုက်ပျိုးသူ တောင်သူများအတွက် ရောင်းကောင်းသောပြောင်းဖူးမျိုးဖြစ်ပါသည်။ ထို့ကြောင့် ပြောင်းဖူးစိုက်ပျိုးသူတောင်သူများအနေဖြင့် အသားတင်အကျိုးအမြတ်မှာ အဖူးအထွက်များလျှင် များသလို အကျိုးအမြတ် များနိုင်မှာဖြစ်၍ ဧကတိုးချဲ့စိုက်ပျိုးနိုင်လျှင် အကျိုးအမြတ်ပိုမိုရရှိနိုင်မည်ဖြစ်ကြောင်း သိရပါသည်။

  DOCA (ပဲခူး)

     စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံးအနေဖြင့် ဈေးကွက်အတွင်း ရောင်းချနေသော အလှကုန်ပစ္စည်းများတွင် ကုန်အညွှန်းအမှတ်အသားများပြည့်စုံစွာ ဖော်ပြမှုရှိစေရေး ရည်ရွယ်၍ ပြည်မြို့ပေါ်ရှိ အလှကုန်ဆိုင်ကြီးများဖြစ်သော AEC ၊ YADANA ၊ သန္တာဆန်း၊ ရေချမ်း စသောဆိုင်ကြီးများသို့ (၂၁.၄.၂၀၂၃)ရက်နေ့တွင် စည်ပင်သာယာရေးအဖွဲ့၊ ခရိုင် FDA တို့နှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်းများကို ဆောင်ရွက်ခဲ့ပါသည်။

     ထိုသို့စစ်ဆေးရာတွင် လုပ်ငန်ရှင်များမှ မိမိတို့ရောင်းချမည့်ကုန်စည်များတွင် ကုန်အညွှန်းအမှတ်အသား ပြည်စုံစွာဖော်ပြပါရှိသည့် အလှကုန်များကိုသာရောင်းချကြရန်၊ တရားမဝင်လမ်းကြောင်းမှ ဝင်ရောက်လာပြီး ကုန်အညွှန်းအမှတ်အသားပြည့်စုံမှုမရှိသော၊ မြန်မာဘာသာနှင့် ဖော်ပြလေ့မရှိသော အလှကုန်များကို အချို့အလှကုန်ကုမ္ပဏီများမှ လာရောက်တင်သွင်းပါက ကုန်အညွှန်းပြည့်စုံမှုမရှိသည့်အတွက် တင်သွင်းရောင်းချမှု မပြုကြရန်၊ စီးပွားရေးကျင့်ဝတ်စည်းကမ်းများနှင့် အညီရောင်းချကြရန်၊ နောက်ပိုင်းကာလများတွင် စစ်ဆေးမှုများနှင့် အရေးယူမှုများ ပြုလုပ်ဆောင်ရွက်လာမှာဖြစ်သည့်အတွက် ကုန်အညွှန်းအမှတ်အသားပြည့်စုံမှုရှိသော မြန်မာဘာသာဖြင့် ဖော်ပြထားသော အလှကုန်များကို ရောင်းချကြရန်နှင့် အထူးလိုက်နာဆောင်ရွက်ကြရန် အသိပညာပေးရှင်းလင်းပြောကြားခဲ့ပြီး လက်ကမ်းစာစောင်များလည်း ဖြန့်ဝေပေးခဲ့ပါကြောင်း သိရသည်။

DOCA(ပဲခူး)

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် ဦးစီးမှူးဦးစီးမှူးရုံးသည် (၂၀.၄.၂၀၂၃)ရက်နေ့၊ နံနက်(၁၀း၀၀)နာရီက မအူပင်မြို့နယ်၊ သိုက်ကုန်းလမ်းရှိ ထွန်းသူဇာ လက်ကားပဲမျိုးစုံရောင်းဝယ်ရေးလုပ်ငန်းသို့ သွားရောက်၍ ထုတ်ကုန်လုံခြုံစိတ်ချရမှုရှိစေရန် ကွင်းဆင်းစစ်ဆေးခဲ့ကြပါသည်။

          အဆိုပါကွင်းဆင်းစစ်ဆေးမှုတွင် မအူပင်မြို့နယ်ရှိ ကျေးရွာအုပ်စု(၇၆)အုပ်စုမှ မိုးစပါး စိုက်ပျိုးခဲ့ပါကြောင်း၊ မတ်ပဲ၊ ပဲတီစိမ်းများကို ဆောင်သီးနှံစိုက်ပျိုးခဲ့ပါကြောင်း၊ ဖေဖော်ဝါရီလနှင့် မတ်လများတွင် နေ့စဉ် ကုန်ချိန် တင်း(၁၀၀၀) ကျော်လာရောက်ချခဲ့ကြောင်း၊ ယခုနှစ်တွင် မတ်ပဲ၊ ပဲတီစိမ်း ဈေးနှုန်းအနေဖြင့် မတ်ပဲ၊ ပဲတီစိမ်း ထွက်ရှိမှုတို့အပေါ် တွက်ခြေကိုက်အကျိုးအမြတ်ရှိကြောင်းနှင့် ထုတ်ကုန်လုံခြုံစိတ်ချရမှုရှိစေရေးနှင့် (SME)လုပ်ငန်းဖွံ့ဖြိုးတိုးတက်ရေးအတွက် အသိပညာပေးဆွေးနွေးမှာကြားခဲ့ကြောင်း သတင်းရရှိပါသည်။

DOCA(ဧရာဝတီ)

       စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊  စားသုံးသူရေးရာဦးစီးဌာန၊ သာယာဝတီခရိုင်ဦးစီးမှုးရုံး၊ လက်ပံတန်းမြို့တွင် (၁၉.၄.၂၀၂၃) ရက်နေ့၊ နံနက် (၁၁:၀၀)နာရီအချိန်တွင် ခရိုင်ဦးစီးမှူး၏ လမ်းညွှန်မှုဖြင့် မုန့်မျိုးစုံလက်လီလက်ကားရောင်းဝယ်ရေးလုပ်ငန်းရှင် ဦးနေမျိုးအောင်နှင့် တွေ့ဆုံ၍ စားသုံးသူကာကွယ်ရေးဥပ‌‌‌ဒေ၊ အခန်း(၁၈)ပါ ကုန်စည်များအပေါ်တွင် ကုန်ညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ ထုတ်လုပ်ဖြန့်ဖြူးရောင်းချရန်၊ ထားသိုသိမ်းဆည်းပုံ အညွှန်း၊ ထုတ်လုပ်ရက် ၊ ကုန်ဆုံးရက်များ ပြည့်စုံစွာ ဖော်ပြရန်နှင့် စားသုံးသူကာကွယ်ရေးဥပဒေ၊ အခန်း(၁၀)ပါ စီးပွားရေးလုပ်ငန်းရှင်၏တာဝန်များအား သိရှိလိုက်နာဆောင်ရွက်ကြရန်တို့အား အသိပညာပေးဆွေးနွေးဆောင်ရွက်ခဲ့ပါကြောင်း သိရှိရသည်။

DOCA(ပဲခူး)

  စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး(ရုံးအုပ်)သည် (၂၅-၄-၂၀၂၃) ရက်နေ့၊ နံနက် (၁၀:၃၀) နာရီအချိန်တွင် မိုးညှင်းမြို့၊ အုတ်ကျင်းရပ်ကွက်အတွင်းရှိ စားသုံးသူများအား စားသုံးသူကာကွယ်ရေးအသိပညာပေးဟောပြောပွဲပြုလုပ်ဆောင်ရွက်ခဲ့ပါသည်။

 စားသုံးသူကာကွယ်ရေးအသိပညာပေးဟောပြောရာတွင် စားသုံးသူကာကွယ်ရေးဆိုသည်မှာ ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူ၏ အခွင့်အရေးနှင့်အကျိုးစီးပွားကိုကာကွယ်ပေးခြင်း၊ စားသုံးသူနှင့်စီးပွား‌ရေးလုပ်ငန်းရှင်တို့အကြား ကော်မရှင်နှင့်ကော်မတီအဆင့်ဆင့်တို့က သတ်မှတ်ဆောင်ရွက်ပေးသည့် မျှတမှုရှိသောလုပ်ငန်းစဉ်ကိုဆိုလိုကြောင်း၊ စားသုံးသူများအတွက် စားသုံးသူအခွင့်အရေးများဖြစ်သည့် ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ အခြေခံလိုအပ်ချက်များပေါ်တွင် စိတ်ကျေနပ်မှုရရှိစေခြင်း၊ ကုန်စည် သို့မဟုတ် ဝန်ဆောင်မှုကို ဘေးအန္တရာယ်ကင်းရှင်းစွာအသုံးပြုခွင့်ရှိခြင်း၊ ကုန်စည် သို့မဟုတ် ဝန်ဆောင်မှုကိုရွေးချယ်ဝယ်ယူအသုံးပြုရာတွင် လိုအပ်သောသတင်းအချက်အလက်များပြည့်စုံမှန်ကန်စွာသိရှိခွင့်နှင့် ပြေစာ သို့မဟုတ် အထောက်အထားရယူခွင့်ရှိခြင်း၊ စားသုံးသူနစ်နာဆုံးရှုံးမှုနှင့်စပ်လျဉ်းသည့်ကိစ္စရပ်များတွင် ရှင်းလင်းတင်ပြခွင့်နှင့် တိုင်ကြားခွင့်ရရှိနိုင်စေခြင်း၊ ကုန်စည် သို့မဟုတ် ဝန်ဆောင်မှုကို ဝယ်ယူအသုံးပြုခြင်းကြောင့်ဖြစ်ပေါ်လာသည့် နစ်နာဆုံးရှုံးများနှင့်စပ်လျဉ်း၍ ကုစားခွင့်ရရှိခြင်း၊ ကုန်စည် သို့မဟုတ် ဝန်ဆောင်မှုနှင့်စပ်လျဉ်းသည့် အသိပညာဗဟုသုတများ၊ အခွင့်အရေးများနှင့်လိုအပ်သော သတင်းအချက်အလက်များကို သိရှိလေ့လာနိုင်ခွင့်ရှိခြင်း၊ ပစ္စုပ္ပန်တွင်သာမက အနာဂတ်မျိုးဆက်များအတွက်ပါ ကောင်းမွန်သာယာသောလူနေမှုအဆင့်အတန်းနှင့် ပတ်ဝန်းကျင်တွင် နေထိုင်နိုင်ခွင့်ရရှိစေခြင်းတို့ကို အသိပညာပေးဟောပြောခဲ့ပြီး စားသုံးသူကာကွယ်ရေးဆိုင်ရာလက်ကမ်းစာစောင်များဖြန့်‌ဝေခဲ့ပါသည်။

DOCA(ကချင်)