သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်၌ မကြာမှီတွင် မိုးဦးကာလ ရောက်ရှိ လာမည်ဖြစ် သဖြင့် သွေးလွန်တုပ်ကွေးရောဂါကာကွယ်ရေးနှင့် ပိုးလောက်လန်း ပေါက်ပွားမှုမှ ကာကွယ်နိုင်ရန် ၁၃-၅-၂၀၂၅ ရက်နေ့ နံနက်ပိုင်းက မြို့ပေါ်ရပ်ကွက်ရှိ အခြေခံပညာ ကျောင်းများနှင့် ရပ်ကွက်နေပြည်သူ နေအိမ်များတွင်  အဘိတ်(abate)ဆေးခတ်ခြင်းနှင့် အသိပညာပေးခြင်းလုပ်ငန်းများကို ကွင်းဆင်း ဆောင်ရွက်ခဲ့သည်။

     ထိုသို့ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ၊ မြို့နယ်ပြည်သူ့ကျန်းမာရေး ဦးစီးဌာန ဝန်ထမ်းများ၊ မြို့နယ်စားသုံးသူရေးရာဦးစီးဌာန၊ မြို့နယ်မီးသတ်တပ်ဖွဲ့ဝင်များ၊ အမျိုးသမီးရေးရာ အဖွဲ့ဝင်များ၊ မြို့နယ်မိခင်နှင့်ကလေး စောင့်ရှောက်ရေးအသင်းဝင်များ၊ ရပ်ကွက်အုပ်ချုပ်ရေးမှူး နှင့်အဖွဲဝင် များပူးပေါင်း၍ သွေးလွန်တုပ်ကွေးရောဂါများ ကာကွယ်နိုင် ရေးနှင့်ပိုး‌လောက်လန်း ပေါက်ဖွားမှုမှကာကွယ်နိုင်​ရေး ရေတင်ကျန်နိုင်သော ဘူးခွက်များ၊ ရေပုံး၊ ရေအိုးများကို ဖုံး၊ သွန်၊ လဲ၊ စစ်လုပ်ငန်းများဆောင်ရွက်ပြီး ရေတိုင်ကီ၊ ကျောက်စည်ပိုင်းနှင့် ရေကန်များအား အဘိတ်(abate) ဆေးခတ်ခြင်းလုပ်ငန်းများနှင့် ကျန်းမာရေး အသိပညာပေး ခြင်းလုပ်ငန်းများ ကြိုတင်ပြင်ဆင်ထားနိုင်ရန်ကိုလည်း အသိပညာပေး ဆောင်ရွက်ခဲ့ကြောင်း သိရသည်။

DOCA(ဧရာဝတီ)

   စားသုံးသူရေးရာဦးစီးဌာန၊မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူးနှင့် ဝန်ထမ်းများသည် အထွေထွေအုပ်ချုပ်ရေးဦးစီးဌာန၊ မီးသတ်ဦးစီးဌာန၊ မြန်မာနိုင်ငံရဲတပ်ဖွဲ့တို့နှင့် ပူးပေါင်း၍ စျေးကွက်တွင်းရောင်းချနေသော စက်သုံးဆီများအားသတ်မှတ်အချိန်အတွယ်နှင့် အရည် အသွေး စံချိန်စံညွှန်းပြည့်မီခြင်းရှိ/မရှိ၊ MSMEနှင့် စက်မှုလုပ်ငန်းများအတွက် စက်သုံးဆီလိုအပ်ချက် များ ဝယ်ယူရာတွင်အဆင်ပြေစေရေးနှင့် စက်သုံးဆီများပြတ်လပ်မှုရှိ/မရှိ ၂၀၂၅ ခုနှစ်၊ မေလ (၁၆) ရက်နေ့တွင် ပျော်ဘွယ်မြို့နယ် ၊ စက်သုံးဆီဆိုင် (၇) ဆိုင်အား ကွင်းဆင်းစစ်ဆေး ဆောင်ရွက်ခဲ့သည်။

      ထိုသို့ကွင်းဆင်းစစ်ဆေးခဲ့ရာတွင် စက်သုံးဆီဆိုင်များသို့ နေ့စဉ်ဆီဝင်ရောက်မှုအခြေအနေ များ၊ ဆီဆိုင် ဖွင့်လှစ်/ပိတ်သိမ်းမှုအခြေအနေများ၊  သတ်မှတ်ရည်ညွှန်းစျေးများအတိုင်း ရောင်းချမှု ရှိ/မရှိ၊ တရားမဝင် စက်သုံးဆီများရောင်ချခြင်းမပြုရန်နှင့် စီးပွားရေးလုပ်ငန်းရှင်များအနေဖြင့် ကုန်စည်နှင့်စပ်လျဉ်း၍ အာမခံချက်ပေးရာတွင် ကုန်စည်၏ အရည် အသွေး၊ အချိန်အတွယ်ပမာဏနှင့် အလေးချိန် မှန်ကန်မှုရှိ/မရှိ ၊  အရည်အသွေးပြည့်မီမှန်ကန် သည့် သတ်မှတ်ချက်နှင့် ကိုက်ညီသော စက်ဆီ၊ ချောဆီများကိုသာတင်သွင်း ၊ ဖြန့်ဖြူးရောင်းချခြင်း ရှိ/မရှိ ရှောင်တခင်ဝင်ရောက်စစ်ဆေးခဲ့ပြီး စီပွားရေးလုပ်ငန်းရှင်များနေဖြင့် ကုန်စည်ပတ််သက်၍ အာမခံချက်ပေးရာတွင် စားသုံးသူများ စိတ် ကျေနပ်မှုရှိစေရေးနှင့် စားသုံးသူကာကွယ်‌ရေးဥပ‌ဒေပါ စီးပွားရေးလုပ်ငန်းရှင်၏တာဝန်များအကြောင်း အသိပညာပေးဆွေးနွေးခဲ့ပြီး  ဆီဆိုင်များမှစက်သုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်း ကော်မတီမှ သတ်မှတ်ထားသော နှုန်းထားများအတိုင်းသာ ရောင်းချမှုရှိသိရှိရပါသည်။

DOCA(မန္တလေး)

    မန္တလေးတိုင်းဒေသကြီး၊ စားသုံးသူရေးရာဦးစီးဌာန၊ မိတ္ထီလာမြို့တွင်းရှိ ဘိလပ်မြေဆိုင်များအား ၁၂.၅.၂၀၂၅ ရက်နေ့၊ နံနက်(၈း၀၀)နာရီချိန်တွင် မိတ္ထီလာမြို့ပေါ်ရှိ အိမ်ဆောက်ပစ္စည်းအရောင်းဆိုင် များ၌ ဘိလပ်မြေ များဈေးနှုန်းမြှင့်တင်ရောင်းချခြင်းရှိ/မရှိ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင် သာယာရေးအဖွဲ့၊ ခရိုင်အထူးစုံစမ်းစစ်ဆေးရေးဦးစီးဌာန၊ မြန်မာနိုင်ငံရဲတပ်ဖွဲ့နှင့် စားသုံးသူရေးရာဦးစီးဌာန တို့ပါဝင်သော ပူးပေါင်းအဖွဲ့တို့ဖြင့် ကွင်းဆင်းစစ်ဆေးခဲ့ပါသည်။

    ထိုသို့စစ်ဆေးရာတွင် ပန်းသစ္စာအိမ်ဆောက်ပစ္စည်းဆိုင်၊ မြရတနာအိမ်ဆောက်ပစ္စည်းဆိုင်၊ ရွှေပြည့်အိမ် အိမ်ဆောက်ပစ္စည်းဆိုင်၊ ဝင်းသီးတာအိမ်ဆောက်ပစ္စည်းဆိုင်၊ ဦးစိုးသိန်းနှင့်သားများ အိမ် ဆောက်ပစ္စည်းဆိုင်၊ သီရိရွှေရည်အိမ်ဆောက်ပစ္စည်းဆိုင်၊ ကိုဘီရှဲလ်အိမ်ဆောက်ပစ္စည်းဆိုင်၊ ရတနာမိုး အိမ်ဆောက်ပစ္စည်းဆိုင်၊ ဌေး အိမ်ဆောက်ပစ္စည်းဆိုင်၊ မြအိမ်ဆောက်ပစ္စည်းဆိုင်၊ ပစ်တိုင်းထောင် အိမ် ဆောက်ပစ္စည်းဆိုင်နှင့် တက်နေဝင်း အိမ်ဆောက်ပစ္စည်းဆိုင်တို့အား စစ်ဆေးခဲ့ရာ ပန်းသစ္စာ အိမ်ဆောက်ပစ္စည်းဆိုင်၊ ဝင်းသီတာအိမ်ဆောက် ပစ္စည်း ဆိုင်နှင့် ရတနာမိုးအိမ်ဆောက်ပစ္စည်းဆိုင်တို့မှာ လက်ရှိဘိလပ်မြေအဝင်နည်းနေ၍ပစ္စည်းပြတ်လပ်မှုရှိပြီး ကျန် ဘိလပ်မြေအရောင်းဆိုင်များမှာ ပုံမှန် ရောင်းဝယ်လျက်ရှိပြီး ဈေးနှုန်းမြှင့်တင်ရောင်းချခြင်းမရှိကြောင်း စစ်ဆေးတွေ့ရှိရပြီး ဘိလပ်မြေ အရောင်းဆိုင်များအား ဈေးကွက်အတွင်းဖြစ်သင့်ဖြစ်ထိုက်သည့် ဈေးနှုန်းဖြင့် ရောင်းချကြရန်နှင့် ဈေးနှုန်းမြှင့်တင်ရောင်းချခြင်း မပြုရန်အသိပေးဆောင်ရွက်ခဲ့ကြောင်းသိရသည်။

DOCA(မန္တလေး)

စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံနှင့်ဝန်ထမ်းများသည် (၁၀.၄.၂၀၂၅)ရက် နေ့ နံနက်(၁၃:၃၀)အချိန်တွင် မြို့နယ်စည်ပင်သာယာရေးအဖွဲ့နှင့်ပူးပေါင်း၍ ဇလွန်မြို့၊ရွာသစ်ရပ်ကွက်၊ စက်မှုဇုန်ရှိ Mother သောက်ရေသန့် စက်ရုံသို့ ဈေးကွက်မရောက်မီ ထုတ်ကုန် လုံခြုံစိတ်ချရမှုရှိစေ ရေး ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

ထိုသို့ကွင်းဆင်းခဲ့ရာတွင် ပုဂ္ဂလိကရေသန့်စက်ရုံများအနေဖြင့် သက်ဆိုင်ရာဝန်ကြီးဌာနများ၏ ထောက်ခံချက်များရှိ/မရှိစစ်ဆေးခြင်း၊ စက်ရုံပတ်ဝန်းကျင်အခြေအနေ၊ ကုန်ကြမ်း၊ ကုန်ချောထားရှိမှု အခြေအနေ၊ ရေသန့်များထုတ်လုပ်ရာတွင် အရည်အသွေးပြည့်ဝအောင်ထုတ်လုပ်သွားရန်၊ စားသုံးသူ မိဘပြည်သူများ ဘေးအန္တရာယ်ကင်းရှင်းစွာ အသုံးပြုနိုင်စေရန်၊ ထုတ်ကုန်များ လုံခြုံစိတ်ချရမှု ရှိစေရန်၊ သောက်ရေသန့်ဘူးပေါ်တွင် ကုန်စည်၏ အမျိုးအမည်၊ အသားတင်ပမာဏ၊ ထားသိုသိမ်း ဆည်းမှုအညွှန်းများအား မြန်မာဘာသာဖြင့်ဖော်ပြရန်နှင့်ကုန်စည်များပေါ်တွင် ကုန်စည်အမျိုးအစား ကို လိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိ တို့ကိုစစ်ဆေးခဲ့ပြီး၊ စက်ရုံအတွင်း/အပြင်၌ သန့်ရှင်းရေးနှင့် ရေစီးရေလာကောင်းမွန်စေရန်၊ သတ်မှတ်အရည်အသွေး ပြည့်မီသော ကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင် ၏ တာဝန်များအကြောင်း၊ တားမြစ်ချက်များ အကြောင်းနှင့် ပြစ်မှုပြစ်ဒဏ်များအကြောင်း စသည် တို့ကို အသိပညာပေးဆွေးနွေးခဲ့ပြီး စစ်ဆေးခြင်းများဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည် (၉.၄.၂၀၂၅)ရက်နေ့ နံနက် (၁၁:၀၀)နာရီအချိန်တွင်မြန်အောင်မြို့နယ်ပြည်တွင်းကုန်သွယ်မှုဖွံ့ဖြိုးတိုးတက်ရေးအတွက်ဆန်စပါး ကုန်သည်အသင်း ဥက္ကဌ ဦးအောင်ဇော်လတ်နှင့်တွေ့ဆုံ၍  ဆန်စပါးကုန်သည်များအသင်းမှ လက်ရှိ လှုပ်ရှား ဆောင်ရွက်နေမှုများအား မေးမြန်းဆွေးနွေးခဲ့ပါသည်။

          ထိုသို့ဆွေးနွေးခဲ့ရာတွင် ဥက္ကဌ ဦးအောင်ဇော်လတ်က လက်ရှိတွင်ကော်မတီအဖွဲ့ဝင်(၁၃) ဦး ရှိပြီး၊ အသင်းအနေဖြင့် ဆန်စပါးအရည်အသွေးကောင်းမွန်ရေး၊ဈေးနှုန်းတည်ငြိမ်ရေး၊ သယ်ယူပို့ ဆောင်မှုများ လွယ်ကူချောမွေ့စေရေးထိန်းညှိဆောင်ရွက်လျက်ရှိကြောင်း၊  နိုင်ငံတော်မှ သတ်မှတ် ထားသော ဆန်စပါးရည်ညွှန်းဈေးများအတိုင်း ဈေးကွက်အတွင်းရောင်းဝယ်နိုင်ရေး ဆောင်ရွက်လျက် ရှိကြောင်း ဆွေးနွေးခဲ့ပြီး၊ မြို့နယ်ဦးစီးမှူးမှလည်း ဆန်စပါးဈေးကွက်တည်ငြိမ်မှန်ကန်စေရေးနှင့် ဆန်စပါးလုပ်ငန်းဖွံ့ဖြိုးတိုးတက်စေရေးတို့အတွက် အသင်းဝင်များ၊ သက်ဆိုင်ရာဌာနများနှင့် ပူးပေါင်း  ဆောင်ရွက်ပေးစေလိုကြောင်း ရှင်းလင်းဆွေးနွေးခဲ့ပါသည်။

DOCA(ဧရာဝတီ)