သတင်းနှင့် လှုပ်ရှားမှုများ

      ရှမ်းပြည်နယ်အစိုးရမှ ကြီးမှူးကျင်းပသော မြို့လုံးကျွတ်ဝါတွင်းကာလ အာရုံဆွမ်း စုပေါင်းလောင်းလှူပူဇော်ပွဲကို (၃၁-၇-၂၀၂၅)ရက်နေ့၊ နံနက်(၀၅:၀၀)နာရီအချိန်တွင် တောင်ကြီးမြို့၊ ဗိုလ်ချုပ်လမ်း၊ ကမ္ဘောဇဓမ္မာရုံအရှေ့၌ ကျင်းပခဲ့ပါသည်။ အဆိုပါ မြို့လုံးကျွတ်ဝါတွင်းကာလ အရုဏ်ဆွမ်းစုပေါင်းလောင်းလှူပူဇော်ပွဲ အခမ်းအနားတွင် ရှမ်းပြည်နယ်အစိုးရအဖွဲ့မှ စီးပွားရေးရာ ဝန်ကြီးမှဦးဆောင်၍ ဌာနဆိုင်ရာအကြီးအကဲများနှင့်အတူ စုပေါင်းလောင်းလှူခဲ့ကြောင်း သိရှိရပါသည်။

     စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ ပြည်နယ်ဦးစီးမှူး ဦးဆောင်၍ ဝန်ထမ်းများမှ သံဃာတော် အပါး(၁၀၀၀)အတွက် ကြက်သားဆီချက်ခေါက်ဆွဲများကို လောင်းလှူ၍ လှူဒါန်းပူဇော်ခဲ့ကြောင်း သိရှိရပါသည်။ 

DOCA(ရှမ်း)

     ၂၀၂၅ ခုနှစ်၊ ဩဂုတ်လ (၇)ရက်နေ့၊ ‌နေ့လယ် (၁၃:၃၀) နာရီအချိန်တွင် စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူး ဦးအောင်လင်းဦး (ဦးစီးမှူး) ဦးစီး၍ ခရိုင်အစား အသောက်နှင့်ဆေးဝါးကွပ်ကဲရေးဦးစီးဌာနနှင့်ပူးပေါင်းကာ ယန်းလောအုပ်စု၊ ဝေါ်ခုတ်မြို့သစ်ရပ် ကွက်အတွင်းရှိ “ရှဲန်ဟိန်း” အမှတ်တံဆိပ် သောက်ရေသန့် ထုတ်လုပ်ရေးစက်ရုံအား ထုတ်ကုန်များ လုံခြုံစိတ်ချမှုရှိစေရေးနှင့် ကုန်အညွှန်းအမှတ်အသား ပြည့်စုံ စွာ ဖော်ပြပါရှိရေးတို့နှင့် ပတ်သက်၍ ဈေးကွက်စောင့်ကြည့်စစ်ဆေးခြင်းလုပ်ငန်း ဆောင်ရွက်ခဲ့ပါသည်။

   ထိုသို့ ဈေးကွက်စောင့်ကြည့်စစ်ဆေးခြင်းဆောင်ရွက်ရာတွင် “ရှဲန်ဟိန်း”  အမှတ်တံဆိပ် သောက်ရေသန့် ထုတ်လုပ်ရေးလုပ်ငန်းအနေဖြင့် သက်ဆိုင်ရာဌာန၏ ထောက်ခံချက်များနှင့် ကုန်အညွှန်းအမှတ်အသားပြည့်စုံစွာ ဖော်ပြထားသည်ကို တွေ့ရှိရပါသည်။

    ဆက်လက်၍ စစ်ဆေးရေးမှူးနှင့် တာဝန်ရှိသူများသည် စားသုံးသူကာကွယ်ရေး ဥပဒေအခန်း (၁၀)ပါ “စီးပွားရေးလုပ်ငန်းရှင်၏တာဝန်များ”ကို သိရှိလိုက်နာဆောင်ရွက်စေရန် အသိပညာပေး ခြင်းလုပ်ငန်း ဆောင်ရွက်ခဲ့ပါသည်။

DOCA(ရှမ်း)

      ၂၀၂၅ ခုနှစ်၊ ဩဂုတ်လ (၄)ရက်နေ့၊ နံနက် (၁၀:၀၀)နာရီအချိန်တွင် ရှမ်းပြည်နယ် (အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူး ဦးအောင်လင်းဦး (ဦးစီးမှူး) ဦးဆောင်၍ ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးဌာန၊ မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးဌာန၊ မြို့နယ်အထွေထွေအုပ်ချုပ်ရေးဦးစီး ဌာနနှင့် မြန်မာနိုင်ငံရဲတပ်ဖွဲ့တို့ပူးပေါင်း၍ ကျိုင်းတုံ-တောင်ကြီး လမ်းမပေါ်ရှိ ဆေးနှင့်ဆေးပစ္စည်း အရောင်းဆိုင်များသို့သွားရောက်၍ ၎င်းတို့ရောင်းချနေသော တိုင်းရင်းဆေးဝါးပစ္ညည်းများတွင် မြန်မာ ဘာသာဖြင့် ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြပါရှိမှု ရှိ/မရှိတို့ကို ဈေးကွက် စောင့်ကြည့်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

    ထိုသို့ ဈေးကွက်စောင့်ကြည့်ကွင်းဆင်းစစ်ဆေးခဲ့ရာတွင် တာဝန်ရှိသူများသည် ဈေးကွက်အတွင်းရောင်းချနေသော တိုင်းရင်းဆေးဝါးပစ္စည်းများပေါ်၌ ကုန်အညွှန်းအမှတ်အသားများ ပြည့်စုံ မှန်ကန်စွာဖော်ပြပါရှိခြင်း ရှိ/မရှိ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာဘာသာနှင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက်ဖြစ်စေ ရေးသားဖော်ပြခြင်း ရှိ/မရှိကို ဈေးကွက်စောင့်ကြည့်စစ်ဆေးခဲ့ရာ ကုန်အညွှန်းအမှတ်အသားများ ဖော်ပြထားသည်ကို တွေ့ရှိရပါသည်။ ယင်းနောက် စီးပွားရေးလုပ်ငန်းရှင်များအနေဖြင့် ထုတ်ပြန် ထားသော ညွှန်ကြားချက်များအတိုင်း လိုက်နာဆောင်ရွက်ရန်နှင့် စားသုံးသူကာကွယ်ရေးဥပဒေ (၂၀၁၉)ပါ စီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်းစသည်တို့ကို အသိပညာပေးဆွေးနွေးခဲ့ပါသည်။

DOCA(ရှမ်း)

     တောင်ကြီးမြို့တွင် ၂၀၂၅ခုနှစ်၊ ဇူလိုင်လ ၂၁ ရက်နေ့မှ ၃၁ ရက်နေ့အထိ ရှမ်းပြည်နယ်အစိုးရ အဖွဲ့၏ လမ်းညွှန်မှုဖြင့် မြန်မာနိုင်ငံဆန်ကုန်သည်များအသင်း၊ မြန်မာနိုင်ငံဆီကုန်သည်ကြီးများအသင်း၊ စားသုံးသူရေးရာဦးစီးဌာနနှင့် ရှမ်းပြည်နယ်ဆီဖြန့်ဖြူးရောင်းချရေး ဆီကိုယ်စားလှယ်များပူးပေါင်း၍ ဆန်နှင့်စားသုံးဆီများကို နိုင်ငံ့ဝန်ထမ်းအငြိမ်းစား(၁)ဦးလျှင် ဆီ(၁.၅)ပိဿာနှင့် ဆန်(၆)ပြည်တို့အား ဈေးနှုန်းသက်သာစွာဖြင့် ရောင်းချပေးခဲ့ကြောင်း သိရှိရပါသည်။

     ၂၀၂၅ခုနှစ်၊ ဇူလိုင်လ ၂၁ ရက်နေ့မှ ၃၁ ရက်နေ့အထိ နံနက်(၀၈:၃၀)နာရီ အချိန်မှစ၍ ညနေ (၀၄း၀၀)အချိန်အထိ ရောင်းချပေးခဲ့ပါသည်။ ထိုသို့ရောင်းချပေးရာတွင် နိုင်ငံဝန်ထမ်းအငြိမ်းစား ဝန်ထမ်း(၂၇၂၃)ဦးအား ဧရာဝတီပေါ်ဆန်း(၁၃၉)အိတ်၊ ဧည့်မထဆန်(၁၆၄)အိတ် ဆန်အိတ်ပေါင်း(၃၀၃) အိတ်နှင့် စားသုံးဆီပိဿာပေါင်း (၄၀၈၄.၅)ပိဿာတို့အား ရှမ်းပြည်နယ်၊ ပြည်နယ်အားကစားလေ့ကျင့်ရေးဝင်းတွင် ရောင်းချပေးခဲ့ကြောင်း သိရှိရပါသည်။

DOCA(ရှမ်း)

     မန္တလေးတိုင်းဒေကြီး ပုသိမ်ကြီးမြို့နယ် ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၊ ပံသုကျီခန်းမ၌  ၂၇-၆-၂၀၂၅ ရက်နေ့ နေ့လည်ပိုင်းတွင် အသိပညာပေး Talk Show  ဆောင်ရွက်ခဲ့ပါသည်။ Talk Show  ဆောင်ရွက်ရာတွင် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ၊စားသုံးသူရေးရာဦးစီးဌာန ၊မန္တလေးတိုင်း ဒေသကြီးဦးစီးမှူးရုံး၊ သတင်းအချက် အလက်နည်းပညာနှင့် အရည်အသွေးစီမံ ခန့်ခွဲမှုဌာနခွဲ တာဝန်ခံ ဒေါ်အေးငြိမ်းစံ ၊ ဦးစီးအရာရှိနှင့် ပုသိမ်ကြီးမြို့နယ်  ပြန်ကြားရေး နှင့်ပြည်သူ့ဆက်ဆံရေးဦးစီးဌာနမှ ဒေါ်မာအေး၊ ဒုတိယဦးစီးမှူးတို့က ပူးပေါင်း ဆောင်ရွက်ခဲ့ပါသည်။ Talk Show  ဆောင်ရွက်ရာတွင် မြန်မာဆန်စပါး အွန်လိုင်း မှတ်ပုံတင်ခြင်းအကြောင်း၊ ဆန်တန်ချိန် ၂၅ တန်နှင့်အထက် သိုလှောင်ရုံ သို့မဟုတ် စပါးတင်း ၂၅၀၀ နှင့် အထက် သိုလှောင်ရုံ တစ်မျိုးမျိုး ပိုင်ဆိုင်ထား သူများအနေဖြင့်  (www.doca.gov.mm)တွင် မှတ်ပုံတင် လျှောက်ထားရမည် ဖြစ်ကြောင်း ၊ ဆန်စပါးသိုလှောင်ရုံ များပိုင်ဆိုင်သူများ လိုက်နာရမည့် စည်းကမ်း ချက်များအကြာင်း  အစရှိသည်များကို ဆွေးနွေးခဲ့ ကြောင်းသတင်းရရှိပါသည်။

DOCA (မန္တလေး)