သတင်းနှင့် လှုပ်ရှားမှုများ

   စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံနှင့်ဝန်ထမ်းများသည် (၅.၈.၂၀၂၅) ရက်နေ့၊ နံနက်(၁၁:၃၀)အချိန်တွင် အင်္ဂပူမြို့ပေါ်ရပ်ကွက်ရှိ ပြည်သူ(၁၄၀)ဦးအား စားသုံးသူကာကွယ်ရေးဆိုင်ရာ အသိပညာပေးဟောပြောခြင်းကို  ဆောင်ရွက်ခဲ့ပါသည်။

          အဆိုပါ‌ဟောပြောပွဲတွင် မြို့နယ်တာဝန်ခံ ဦးဘိုဘိုက လယ်ယာထွက်သီးနှံများနှင့် ပါတ်သတ်၍ ဈေးနှုန်းဈေးကွက်၊ ဝယ်လိုအား၊ ရောင်းလိုအားအခြေအနေများဆွေးနွေးခဲ့ပြီး၊ စားသုံးသူ ကာကွယ်ရေး ဆိုင်ရာလုပ်ငန်းများနှင့်ပါတ်သတ်၍ စားသုံးသူကာကွယ်ရေးဥပဒေစတင်ဖြစ်ပေါ်လာပုံ၊ စားသုံးသူများ၊ စီးပွားရေးလုပ်ငန်းရှင်များ၏ရရှိနိုင်သောအခွင့်အရေးများကို အကျယ်တဝင့် ရှင်းလင်း ပြောကြားခဲ့ ပါသည်။ ဆက်လက်၍ အစားအသောက်များနှင့်လူသုံးကုန်ပစ္စည်းများတွင် ကုန်အညွှန်း အမှတ်အသား ဖော်ပြထားခြင်းမရှိပါက သတိထား၍ ဝယ်ယူသုံးစွဲသင့်ကြောင်း၊ ကုန်အညွှန်းအမှတ် အသား ပြည့်စုံစွာ ရိုက်နှိပ်ဖော်ပြထားသော ပစ္စည်းများကိုသာရွေးချယ်ဝယ်ယူသုံးစွဲ သင့်ကြောင်း ၊ ထို့နောက် စားသုံးသူ ကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များအကြောင်း စားသုံးသူ နစ်နာဆုံးရှုံးမှုများ ဖြစ်ပေါ်လာပါကတိုင်ကြားနိုင်ကြောင်းကိုလည်းကောင်း၊  စားသုံးသူသတင်း ပြန်ကြားရေးနှင့် တိုင်ကြား မှု လက်ခံဆောင်ရွက်ရေးစင်တာ (Consumer Information and Complaint Center) CICC ဖွင့်လှစ်ထားရှိမှု အခြေအနေကိုလည်းကောင်း၊ စားသုံးသူရေးရာဦးစီးဌာန၏ လုပ်ငန်း ဆောင်ရွက် ချက်များ အကြောင်း သိရှိလိုပါက www.doca.gov.mm Website တွင် ဝင်ရောက်လေ့လာ နိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်း ကောင်း အသေးစိတ် ပြောကြားခဲ့ပြီး နေ့လည်(၁၃:၀၀) နာရီအချိန်တွင် ဟောပြောပွဲကို ရုပ်သိမ်းခဲ့ပါ သည်။

(DOCA ဧရာဝတီ)

   မအူပင်ခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှုးဦးဇော်မင်းသည် ပန်းတနော် မြို့နယ် အထွေထွေအုပ်ချုပ်ရေး ဦးစီးဌာန၊ အစည်းအဝေးခန်းမတွင်(၆-၈-၂၀၂၅)ရက်နေ့ နေ့လည်(၁)နာရီအချိန်က ပန်းတနော် ဆန်စပါးလုပ်ငန်းရှင်နှင့် ဆန်စက် လုပ်ငန်းရှင် (၄၅)ဦးခန့် အား MyRO မှတ်ပုံတင်နှင့် စပ်လျဉ်း၍ လုပ်ငန်းရှင်များ သိရှိနိုင်ရန် အသိပညာပေး ဟောပြောခဲ့ကြောင်း သိရသည်။ 

    ဟောပြောရာတွင် စားသုံးသူရေးရာဦးစီးဌာန၊ မအူပင်ခရိုင်ဦးစီးမှူး ဦးဇော်မင်းမှ  စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနသည် ဆန်တန်ချိန် ၅၀ တန်(သို့မဟုတ်) စပါးတင်း ၅,၀၀၀ နှင့်အထက် သိုလှောင်ထားရှိသည့် ဆန်စပါးသိုလှောင်ရုံ များအားလုံးကို မြန်မာဆန်စပါးအွန်လိုင်း Myanmar Rice Online(MyRO) စနစ်တွင်မှတ်ပုံတင်ရန် ၂၀၂၃ ခုနှစ်၊ နိုဝင်ဘာလ ၄ ရက်မှစတင်ပြီး ထုတ်ပြန်ခဲ့ခြင်းဖြစ်ကြောင်း၊ဝန်ကြီးချုပ်မှ နယ်မြေဒေသဖွံ့ဖြိုးရေး ကွင်းဆင်းရာတွင် တောင်သူတစ်ဦးမှ မှတ်ပုံတင်ရန်သတ်မှတ်ထားသည့် ပမာဏထက် ပိုမိုသိုလှောင်ခွင့် မရှိကြောင်း သိုလှောင်ခြင်းပြုပါက အရေးယူခံရနိုင် ကြောင်း တင်ပြလာမှုအပေါ် မဟုတ်မမှန်သတင်းလွှင်ခြင်းများဖြစ်ပေါ်နေသဖြင့် တောင်သူနှင့် လုပ်ငန်းရှင်များသိရှိနိုင်ရန် အသိပညာပေး ခြင်းဖြစ်ကြောင်း၊  ပန်းတနော်မြို့နယ်မှ မှတ်ပုံတင်ပြီး ဆန်/စပါးသိုလှောင်ရုံ (၄၄)လုံး မှတ်ပုံတင် ဆောင်ရွက်ပြီးစီးပြီး ထပ်မံသက်တမ်းတိုးရန်ရှိသော လုပ်ငန်းများမှလည်း သက်တမ်းတိုးဆောင်ရွက်ကြရန်၊ ဥပဒေအရ စီးပွားရေးအလို့ငှာ စပါးသိုလှောင်ထားရှိသော သိုလှောင်ရုံများ ရှိပါက မှတ်ပုံတင်ရန်သပ်မှတ်ထားသည့်အတိုင်း မှတ်ပုံတင်ရ မည်ဖြစ်ပြီး သိုလှောင်မှု ပမာဏထက်ပိုမိုသိုလှောင်ခွင့်မရှိကြောင်း သိုလှောင်ပါကအရေးယူခံရ ကြောင်းမဟုတ်မမှန် သတင်းလွှင့်နေမှုမှာ မှန်ကန်မှုမရှိကြောင်းနှင့်MyROမှတ်ပုံတင်ဆောင်ရွက်ရမည့်လုပ်ငန်းစဉ်အား မအူပင် ဆန်စပါးလုပ်ငန်းရှင်နှင့် ဆန်စက်လုပ်ငန်းရှင် များသိရှိနိူင်ရေးအသိပညာပေးဆွေးနွေးခဲ့ပြီး  လုပ်ငန်းများ သိလိုသည်ကိုလည်း ပြန်လည်ဖြေရှင်း ဆွေးနွေးခဲ့ကြောင်း သိရသည်။

DOCA(ဧရာဝတီ)

       ၂၀၂၅ ခုနှစ်၊ ဩဂုတ်လ(၇)ရက်နေ့တွင် စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးတွင် စားသုံးသူကာကွယ်ရေးဆိုင်ရာ လုပ်ငန်းကျွမ်းကျင်မှုသင်တန်းကျင်းပခဲ့ရာ စစ်ကိုင်းတိုင်းဒေသကြီးဉီးစီးမှူးရုံးမှဝန်ထမ်းများ၊ မုံရွာခရိုင်ဉီးစီးမှူးရုံးမှ ဝန်ထမ်းများနှင့် ကလေးခရိုင် ဦးစီးမူးရုံး၊ ကန့်ဘလူခရိုင်ဉီးစီးမှူးရုံး၊    စစ်ကိုင်းခရိုင်ဦးစီးမှူးရုံးနှင့် ရွှေဘိုခရိုင်ဦးစီးမှူးရုံးတို့မှ ဝန်ထမ်း များက Online စနစ်ဖြင့် တက်ရောက်ခဲ့ကြပြီး စုစုပေါင်း(၇၀)ဦး တက်ရောက်ခဲ့ကြကြောင်း သိရှိရပါသည်။

     သင်တန်းကျင်းပရခြင်း၏ ရည်ရွယ်ချက်မှာ  စားသုံးသူရေးရာဦးစီးဌာနအနေဖြင့် “ပြည်တွင်း ကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဟူသော ဌာန၏မျှော်မှန်းချက်ကို လိုက်ပါအကောင်အထည်ဖော်ဆောင်ရွက်လျက်ရှိရာ ဝန်ကြီးဌာနနှင့် အထက်ဌာနများမှချမှတ်ပေးသော မူဝါဒများ၊ လမ်းညွှန်ချက်များ၊ ဌာနမှဆောင်ရွက်လျက်ရှိသော လုပ်ငန်းများအပေါ် သိရှိနားလည်နိုင်ရန်နှင့် လုပ်ငန်းများဆောင်ရွက်ရာတွင် ကျွမ်းကျင်မှုရှိစေရန် စသည့် ရည်ရွယ်ချက်များဖြင့် ဆောင်ရွက်ခြင်းဖြစ်ကြောင်း သိရပါသည်။

      အဆိုပါသင်တန်းတွင် စီမံရေးရာဌာနခွဲမှ လက်ထောက်ညွှန်ကြားရေးမှူး ဒေါ်တိုးတိုးချွန်က ဝန်ထမ်းများ သိသင့်သိထိုက်သည့် စည်းမျဉ်းစည်းကမ်းများ၊ လိုက်နာရမည့်တာဝန်များ၊ အမိန့် ညွှန်ကြားချက်များအကြောင်း၊ ငွေစာရင်းဌာနခွဲမှ လက်ထောက်ညွှန်ကြားရေးမှူး ဒေါ်ဝေဝေက ရန်ပုံငွေ၊ အသုံးစရိတ်များ၊ ဌစများအကြောင်း၊ မူဝါဒ/ ပြည်တွင်းဌာနခွဲမှ လက်ထောက်ညွှန်ကြားရေးမှူး ဒေါ်ဇင်မာဉီးက ပြည်တွင်းကုန်သွယ်မှုဖွံ့ဖြိုးရေးဆိုင်ရာလုပ်ငန်းများအကြောင်း၊ သတင်း/နည်းဌာနခွဲမှ   ဉီးစီးအရာရှိ ဒေါ်ခိုင်မို့မို့က သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးလုပ်ငန်း များအကြောင်း၊ စားသုံးသူရေးဌာနခွဲမှ ဦးစီးအရာရှိ ဒေါ်အေးမြင့်ငြိမ်းက စားသုံးသူအသိပညာပေးခြင်းနှင့် တိုင်ကြားမှုလက်ခံဖြေရှင်းဆောင်ရွက်ခြင်းအကြောင်း၊ ထုတ်ကုန်လုံခြုံစိတ်ချရမှုဌာနခွဲမှ ဉီးစီးအရာရှိ ဒေါ်အေးမြင့်ငြိမ်းက ကုန်အညွှန်းအမှတ်အသားစိစစ်ခြင်း၊ ဈေးကွက်စောင့်ကြည့်စစ်ဆေးခြင်းများ၊  ဥပဒေပါတားမြစ်ချက်များအကြောင်းစသည့်ဖြင့် အကျယ်တဝင့်ဆွေးနွေးပို့ချခဲ့ပါသည်။ ထို့နောက် ပို့ချခဲ့သော သင်ခန်းစာများ နားလည်မှုအရည်ချင်းစစ်ဆေးခြင်းများပြုလုပ်ခဲ့ပြီး သင်တန်းကို ညနေ (၁၈:၀၀) နာရီအထိ ကျင်းပဆောင်ရွက်နိုင်ခဲ့ကြောင်း သတင်းရရှိပါသည်။

DOCA(စစ်ကိုင်း)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်တာဝန်ခံရုံးမှ ဦးအုန်းမြင့် (ဦးစီးမှူး) ဦးဆောင်သောဝန်ထမ်းများသည် (၇.၈.၂၀၂၅)ရက်နေ့၊ နံနက်(၁၀း၀၀)နာရီအချိန်တွင် သရက်မြို့၊ ဇော်ဂျီရပ်ကွက်ရှိ ''ဝင်းကမ္ဘာ'' အမှတ်တံဆိပ်ဖြင့် ထုတ်လုပ်ရောင်းချနေသော ပဲကြော် လုပ်ငန်းအလုပ်ရုံသို့ သွားရောက်၍ ထုတ်လုပ်နေသည့်ပဲကြော်တွင် ကုန်အညွှန်းအမှတ်အသား ပြည့်စုံစွာဖော်ပြစေရေး အသိပညာပေးဆွေးနွေးခဲ့ကြောင်း သိရသည်။

      ထုတ်လုပ်နေသည့် ပဲကြော်တွင် စားသုံးသူကာကွယ်ရေးဥပဒေ(၂၀၁၉)၊ အခန်း(၁၈) ပုဒ်မ (၄၁)အရ ဖော်ပြပါရှိရမည့်အချက်များနှင့် ပြည့်စုံမှုရှိကြောင်းစစ်ဆေးတွေ့ရှိရပြီး လုပ်ငန်း ရှင် အား ကုန်အညွှန်းအမှတ်အသား မပြည့်စုံသည့်ကုန်စည်များ ထုတ်လုပ်ရောင်းချခြင်းဖြင့် ဖြစ်ပေါ်စေ နိုင်သည့် ဆိုးကျိုးများ၊ စီးပွားရေးလုပ်ငန်းရှင်၏ တာဝန်များ အကြောင်း၊ စီးပွားရေးလုပ်ငန်းရှင်တို့၏ ပြစ်မှုပြစ်ဒဏ်များအကြောင်းအား အသေးစိတ်ရှင်းလင်းအသိပညာပေးဆွေးနွေးခဲ့ကြောင်း သိရသည်။

DOCA(မကွေး)

      ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာမှ ဝန်ထမ်းထုဆန္ဒဖော်ထုတ်ပွဲ အစည်းအဝေး ၈/၂၀၂၅ ကို (၅-၈-၂၀၂၅) ရက်နေ့ နေ့လည် ၂နာရီအချိန်က မြို့နယ်များနှင့်အတူ Zoom ဖြင့် အစည်းအဝေးပြုလုပ် ကျင်းပဆောင် ရွက်ခဲ့ကြသည်။

           အစည်းအဝေးကို မအူပင်ခရိုင်ဦးစီးမှူးက အဖွင့်စကားပြောကြားရာ မအူပင်ခရိုင်ရုံး ဒါဘာအစည်းအဝေးကို လစဉ် လဆန်း ၇ ရက်အတွင်း Zoom ဖြင့် အစည်းအဝေးပြုလုပ်သွားမည်ဖြစ်ကြောင်းနှင့် မြို့နယ်တွင်တာဝန်ထမ်း ဆောင်နေသော ဝန်ထမ်းများအနေဖြင့် လူအင်အားနည်းသော်လည်း ဌာနခွဲ ၇ခု လုပ်ဆောင်ရမည့် လုပ်ငန်းများကို ရုံးလုပ်ငန်းလိုအပ်ချက် အခက်အခဲရှိက တင်ပြနိုင်ရန်၊ လစဉ် ဝန်ထမ်းစွမ်းဆောင်ရည်သင်တန်း၊ Online ဖြင့်ချိတ်ဆက်ဆောင်ရွက်လုပ်ဆောင် သွားမည်ဖြစ်ကြောင်း၊ လုပ်ငန်းဆောင်ရွက်ရာတွင် အားနည်ချက်၊ အားသာချက်များကို ဖြည့်စွပ်၍ ဆောင်ရွက်ရန်၊ မြို့နယ်များမှ တင်ပြလာသော အချက်များကို ခရိုင်အနေဖြင့် ဖြေရှင်းဆောင်ရွက်နိုင်ပါက ဆောင်ရွက်ပေးပြီး ၊ အထက်သို့ တင်ပြရန် လိုအပ်သောအချက်များကို တင်ပြဆောင်ရွက်ပေးသွား မည်ဖြစ်ကြောင်း ပြောကြားခဲ့ပါသည်။

          ဆက်လက်၍ ဒုခရိုင်ဦးစီးမှူး ဦးအောင်ဇော်ဦးက လုပ်ငန်းညှိနှိုင်းအစည်းအဝေးနှင့်ပတ်သက်၍ စားသုံး/ထုတ်လုပ် လုပ်ငန်းများဆောင်ရွက်ရာတွင် အကြိမ်ရေပြည့်မှိအောင်ဆောင်ရွက်နိုင်ရန်နှင့် မြို့နယ်များ ဆောင်ရွက်ပြီးစီးမှူများကို မှတ်တမ်းထားရှိရန်၊ ကုန်အညွှန်းအမှတ်အသား တစ်လ ၁ကြိမ် တင်ပြနိုင်ရေး လုပ်ငန်းများ ကွင်းဆင်းဆောင်ရွက်ရန်၊ ပြည်တွင်း ကုန်သွယ်မှုနှင့် ပတ်သက်၍ ၆၀ရာနှုန်း လုပ်ဆောင်နေရပြီး ၄၀ရာခိုင်နှုန်းမှာ စားသုံးပိုင်းကို ဆောင်ရွက်နေရသဖြင့် ဒေသန္တရဌာနများဖြင့်လည်း ပူးပေါင်းဆောင်ရွက်ရန်၊ ၎င်းဌာနများက တောင်းခံခါသော စားသုံးပိုလျှံ၊ စိုက်အောင်ထွက်နှုန်းများကို သက်ဆိုင်ရာအခြေခံစာရင်းများ တောင်းခံ၍ တွက်ချက်ကူညီ ဆောင်ရွက်ပေးရန်တို့ကို မှာကြားပြောကြားခဲ့သည်။

          ညောင်တုန်းမြို့နယ်၊ ပန်းတနော်မြို့နယ်၊ ဓနုဖြူမြို့နယ်တို့မှ တင်ပြကြရာ ဝန်ထမ်းထုဒါဘာအနေဖြင့် အခက်အခဲတင်ပြမှု မရှိကြောင်းတင်ပြလာပြီး၊ လုပ်ငန်းညှိနှိုင်းအနေဖြင့် တင်ပြလာမှုအပေါ် အစည်းအဝေး ဆုံးဖြတ်ချက်အရ ဝန်ထမ်းများအနေဖြင့် တာဝန်နှင့် ဝတ္တရားများကို ကျေပျွန်စွာ ထမ်းဆောင်ကြရန်၊ သတင်းရေးသား ရာတွင် အဆင်ပြေချောမွေစွာ မြေပြင်အချက်အလက်မျာအား ကွင်းဆင်းတောင်းခံရာတွင် ပြည်တွင်းနှင့်ပတ်သက်၍ သီးနှံထွက်ရှိမှုများကို ဝယ်ယူရောင်းချသည့်နေရာ၊ တောင်သူအကြိုးအမြတ်၊ ပို့ကုန်တင်ပို့မှုအထောက်အကူပြုခြင်း၊ အခြေအနေများ၊ ကုန်ဈေးနှုန်း စီးဝင်၊ စီးထွက်၊ ဈေးနှုန်း အတက်အကျ၊ သုံးသပ်ချက်၊ စိုက်ပျိုးထုတ်လုပ်ပါက ကုန်ပစ္စည်းအမျိုးအစားအလိုက်သွင်းအားစု တစ်ဧက ကုန်ကျစရိတ်၊ အထွက်၊ တောင်သူအကျိုးအမြတ် အခြေအနေများ မေးမြန်းနိုင်ရန်၊ ၂၁-၈-၂၀၂၅ ရက်နေ့တွင် တိုင်းဒေသကြီးဦးစီးမှူးရုံးမှ သတင်းရေးသားမှု သင်တန်းကို ခရိုင်ရှိ ဝန်ထမ်းများ တက်ရောက်ရန် တို့ကို မှာကြားဆွေးနွေးဆုံးဖြတ်ခဲ့ကြောင်း အစည်းအဝေးကို ခရိုင်၊ မြို့နယ် ဝန်ထမ်း စုစုပေါင်း ၁၆ဦး တက်ရောက်ခဲ့ကြပြီး ၃၁၅နာရီအချိန်တွင် အစည်းအဝေးရှုပ်သိမ်းခဲ့ကြောင်း သိရသည်။

DOCA(ဧရာဝတီ)