သတင်းနှင့် လှုပ်ရှားမှုများ

      ရေကြည်မြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံသည် (၁၂.၈.၂၅) ရက်နေ့၊ နံနက် (၁၀:၀၀) အချိန်တွင် မြန်မာ့လဘ်ယာဖွံ့ဖြိုးရေးဘဏ်ရုံးတွင် မိုးစပါးစိုက်ပျိုးစရိတ်ချေးငွေ ထုတ်ပေး သော တောင်သူ(၁၃၀) ဦးအား တွေ့ဆုံ၍  စားသုံးသူကာကွယ်ရေးဥပဒေပါ စားသုံးသူအခွင့်အရေး (၈) ချက်အား ပြည်သူများသိရှိ၍ စားသုံးသူများနစ်နာမှုမရှိစေရန် စားသုံးသူအသိပညာပေး ဟောပြော ခဲ့ကြောင်း သိရှိရပါသည်။

(DOCA ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင် ငပုတောမြို့နယ် စားသုံးသူရေးရာ ဦးစီးဌာနရှိဝန်ထမ်းများသည် (၁၂.၈.၂၀၂၅)ရက်နေ့ နေ့လယ်(၁၄:၀၀)အချိန်တွင် ငပုတောမြို့နယ် ကြာကွင်းအုပ်စု ကံသုံးဆယ်ကျေးရွာရှိ အခြေခံပညာအလယ်တန်းကျောင်း(ခွဲ)တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာနတို့နှင့် ပူးပေါင်း၍ ဆရာ/ဆရာမ၊ ကျောင်းသား/ကျောင်းသူ များအား လူငယ်အသိပညာပေး ဟောပြောဆောင်ရွက်ခဲ့ပါသည်။

    ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာနမှ ဦးစွာမိတ်ဆက် စကားပြောကြားပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ (၂၀၁၉)ပါ ပြဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ(၄၁) ပုဒ်မခွဲ(ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား အသေးစိတ်ရှင်းလင်းဟောပြောခဲ့ပြီး၊ မိမိတို့စားသောက်နေသော အစားအသောက်များတွင် ဓါတုဆိုးဆေး များအလွန်အကျူးပါဝင်နေခြင်း၊ သက်တမ်းလွန်အစားအသောက် များအားမိမိ၏အသိဖြင့် ဆင်ခြင်ဝယ်ယူ စားသောက်ကြရန် ဟောပြောခဲ့ပါသည်။ ထိုဟောပြောပွဲသို့ ဆရာ/ဆရာမ၊ ကျောင်းသား/ကျောင်းသူ စုစုပေါင်း(၁၀၀)ဦးခန့် တက်ရောက်ခဲ့ကြောင်း သိရှိရပါသည်။

(DOCA ဧရာဝတီ)

    ဧရာဝတီတိုင်းဒေသကြီး၊ ပုသိမ်ခရိုင် ငပုတောမြို့နယ် စားသုံးသူရေးရာဦးစီးဌာန မြို့နယ်ရုံးတွင် မြို့နယ်တာဝန်ခံ ဦးဇော်မင်းဦးမှ (၁၂.၈.၂၀၂၅)ရက်နေ့ နေ့လယ် (၁၃:၀၀)နာရီ အချိန်တွင် ဆန်စက်လုပ်ငန်း ရှင်များအားခေါ်ယူ၍ MYRO မှတ်ပုံတင်ခြင်းကိစ္စနှင့် ပတ်သက်၍ အသိပညာပေးဆွေးနွေး ဆောင်ရွက်ခဲ့ ပါသည်။

      ထိုသို့ဆွေးနွေးဆောင်ရွက်ရာတွင် ဆန်စက်လုပ်ငန်းရှင်များအား မြို့နယ်တာဝန်ခံမှ ဦးစွာအဖွင့် အမှာစကားပြောကြားပြီး မိမိတို့ဆန်စက်များအနေဖြင့် သိုလှောင်ရုံများအားမှတ်ပုံတင်ကြရန်၊ သက်တမ်း ပြည့်သူများမှလည်း သက်တမ်းတိုးခြင်းဆောင်ရွက်ကြရန်၊ စပါး/ဆန်လက်ကျန်များ သတ်မှတ်ရက်အတွင်း ဖြည့်သွင်းဖော်ပြကြရန်၊ သတ်မှတ်ပမာဏထက်ပို၍သိုလှောင်ပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူဆောင်ရွက်ခံရမည်ဖြစ်ကြောင်း၊ မဟုတ်မမှန်သတင်းလွှင့်နေမှုမှာ မှန်ကန်မှုမရှိပါကြောင်း၊ ဆန်စက်လုပ်ငန်းရှင်များနှင့် သိုလှောင်ရုံမှတ်ပုံတင်ထားသူများအား တွေ့ဆုံ၍အသိပေး ရှင်းလင်း ဆွေးနွေးပြောကြားခဲ့ပါသည်။

(DOCA ဧရာဝတီ)

      ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ နေပြည်တော်ရုံးချုပ်မှ ပြုလုပ်သော ဝန်ထမ်းထု ဆန္ဒဖော်ထုတ်ပွဲ အခမ်းအနားကို ပုသိမ်ခရိုင် ငပုတောမြို့နယ်မှ တာဝန်ခံ ဦးဇော်မင်းဦးနှင့်ဝန်ထမ်းများ သည် (၁၂.၈.၂၀၂၅) ရက်နေ့ နံနက်(၉:၃၀) နာရီ အချိန်တွင် Zoom Meeting ဖြင့် ဝန်ထမ်းထုဆန္ဒဖော်ထုတ်ပွဲ အခမ်းအနားကို ပြုလုပ်ဆောင်ရွက်ခဲ့ပါသည်။

            ထိုသို့ဟောပြောရာတွင် ညွှန်ကြားရေးမှူးချုပ်မှ အဖွင့်မှာစကားပြောကြားပြီး ဌာနခွဲ ခေါင်းဆောင် များအလိုက်ဆုံးဖြတ်ချက်များ အတည်ပြုဆောင်ရွက်ရမည့် လုပ်ဆောင်ချက်များကို မှတ်တမ်းတင် ဆောင်ရွက်ရန် စီမံဌာနခွဲအနေဖြင့်လည်းဝန်ထမ်းစွမ်းဆောင်ရည်မြှင့်သင်တန်းကိုအလေးပေး ဆောင်ရွက်ရန် တိုင်းနှင့်ပြည်နယ်အသီးသီးမှလည်း ဖေဖော်ဝါရီလတွင် နှစ်စဉ်ဆောင်ရွက်လေ့ရှိသော ဝန်ထမ်းသစ် ခေါ်ယူခြင်းအတွက်လည်း ကြိုတင်ပြင်ဆင်ထားရန်ပြောကြားလျက် လုပ်အားပေးများလည်း ခန့်ထားနိုင် ကြောင်း ပြောကြားခဲ့ပါသည်။ ဆက်လက်၍ စီမံရေးရာဌာနခွဲ ညွှန်ကြားရေးမှူးမှ တိုင်းနှင့်ပြည်နယ် အသီးသီး၏ အစည်းအဝေးဆုံးဖြတ်ချက်များကိုဖတ်ကြားတင်ပြခဲ့ပါသည်။ ထို့နောက် တိုင်းနှင့်ပြည်နယ်များ ဖြစ်ကြသော ဦးစွာကချင်ပြည်နယ်၊ ကယားပြည်နယ်၊ ကရင်ပြည်နယ်၊ စစ်ကိုင်းတိုင်း၊ တနင်္သာရီတိုင်း၊ ပဲခူးတိုင်း၊ မကွေးတိုင်း၊ မန္တလေးတိုင်း၊ မွန်ပြည်နယ်၊ ရန်ကုန်တိုင်း၊ ရှမ်းပြည်နယ်၊ ဧရာဝတီတိုင်း၊ နေပြည်တော် အစရှိသည့်တိုင်းနှင့်ပြည်နယ် အသီးသီးမှလိုအပ်သည်များကို ဆွေးနွေးတင်ပြခဲ့ကြပါသည်။ နောက်ဆုံးတွင် ဌာနခွဲတာဝန်ခံများက တင်ပြလာသောဆုံးဖြတ်ချက်များအား ပြန်လည်သုံးသပ်၍ ညွှန်ကြားရေးမှူးချုပ်မှ နိဂုံးချုပ်အမှာကားပြောကြားကာ   နေပြည်တော်ရုံးချုပ်မှပြုလုပ်သော ဝန်ထမ်းထု ဆန္ဒဖော်ထုတ်ပွဲ အခမ်းအနားကို နံနက် (၁၁:၄၀) အချိန်တွင်  ရုပ်သိမ်းခဲ့ပါသည်။

DOCA(ဧရာဝတီ)

     ၁၃.၈.၂၅ ရက်နေ့၊ နံနက် (၁၁ :၃၀) အချိန်တွင် ရေကြည်မြို့နယ်၊ ငါးသိုင်းချောင်းမြို့ရှိ အ.မ.က ရွှေဘိုတန်းကျောင်းသို့ သွားရောက်၍ ရေကြည်မြို့နယ်၊ စားသုံးသူရေးရာဦးစီးဌာနမှ ဝန်ထမ်းများ၊ ကျောင်းအုပ်ဆရာမကြီးနှင့် ကျောင်းမုန့်ဈေးတန်းကြီးကြပ်ရေးကော်မတီ ဆရာမများနှင့် အတူ ကျောင်းဝန်းအတွင်းရှိ ကျောင်းမုန့်ဈေးတန်းအား ဈေးကွက်စောင့်ကြည့်စစ်ဆေးခဲ့ပါသည်။

          ထိုသို့ ဈေးကွက်စောင့်ကြည့်စစ်ဆေးရာတွင် ကျောင်းတွင်ရောင်းချသော ကျောင်းမုန့်ဈေး ရောင်းချသူများ လိုက်နာဆောင်ရွက်ရမည့် စည်းမျဉ်းစည်းကမ်းများ၊ ရောင်းချနေသော မုန့်များတွင် ကုန်အညွှန်းအမှတ်အသားပါရှိသော မုန့်များကိုသာရောင်းချရန်နှင့် တားမြစ်ထားသော မုန့်များအား မရောင်းချရန်၊ မြန်မာ့မုန့်များကိုသာ ဦးစားပေးရောင်းချရန် ပြောကြားခဲ့ကြောင်း သိရှိရပါသည်။

DOCA(ဧရာဝတီ)