သတင်းနှင့် လှုပ်ရှားမှုများ
၂၀၂၄ ခုနှစ် ဇွန်လ၁၂ ရက်နေ့ နံနက် (၁၀း ၀၀) နာရီအချိန်တွင် ကရင်ပြည်နယ် စားသုံးသူရေးရာကော်မတီအဖွဲ့ဝင်များဖြစ်သော စားသုံးသူရေးရာဦးစီးဌာန၊ မွေးမြူရေးနှင့်ကုသရေးဦးစီးဌာန၊အထွေထွေအုပ်ချုပ်ရေးဦးစီးဌာန၊ စည်ပင်သာယာရေးဖွဲ့၊ မြန်မာနိုင်ငံရဲတပ်ဖွဲ့တို့မှ ဝန်ထမ်းများသည် ဘားအံမြို့ရှိ ရေပေါ်ဈေးနှင့် မြို့မဈေးတို့၌ ရောနှောဆီအပါအဝင်စားသုံးဆီ အမျိုးမျိုးကို ဈေးကွက် စောင့်ကြည့်စစ်ဆေးခြင်း လုပ်ငန်းများ ဆောင်ရွက်ခဲ့ကြောင်း သိရသည်။
၁၂.၆.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးရုံးမှ ထုတ်ကုန်လုံခြုံစိတ်ချရမှုဌာနခွဲမှ ဌာနခွဲတာဝန်ခံသည် “တော်ဝင်” အမှတ်တံဆိပ် အသင့်စားမုန့်စုံ ထုတ်လုပ်သည့် လုပ်ငန်းရှင်နှင့် တွေ့ဆုံခဲ့သည်။
၁၂.၆.၂၀၂၄ ရက်နေ့တွင် စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံသည် မြေပြင်ကွင်းဆင်းစစ်ဆေးရေးအဖွဲ့နှင့် ပူးပေါင်း၍ မွန်ပြည်နယ်၊ မော်လမြိုင်ခရိုင်၊မော်လမြိုင်မြို့ရှိ သီရိမြိုင်ရပ်ကွက်၊ မုပွန်ရက်ကွက်နှင့် မောင်ငံစျေးအတွင်း၌ လက်လီရောင်းချပေးသော စားအုန်းဆီဆိုင်များအား ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရသည်။
၁၂.၆.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် ပြည်နယ်ဦးစီးမှူးရုံး၌ “မော်ရွှေမြိုင်” အမှတ်တံဆိပ် သဘာဝမြေဩဇာထုတ်လုပ်သည့် လုပ်ငန်းရှင်နှင့် တွေ့ဆုံခဲ့သည်။
၁၂.၆.၂၀၂၄ ရက်နေ့တွင် မွန်ပြည်နယ်၊ ဘီးလင်းမြို့နယ်၊ ကန်သာယာရပ်ကွက်၊ သမဝါယမအသင်းရုံးအရှေ့၊ ရန်ကုန်-မော်လမြိုင်အဝေးပြေးလမ်းမကြီးဘေး၌ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ အစီအစဉ်ဖြင့် Kaung Hlyan New Asia Co.ltd မှ သက်သာသောဈေးနှုန်းဖြင့် စားအုန်းဆီများကို ရောင်းချပေးခဲ့သည်။
ထိုသို့ရောင်းချရာတွင် ဆီတစ်ပိဿာ (၅၉၄၀) ကျပ်နှုန်းဖြင့် လူတစ်ဦးလျှင် (၁) ပိဿာနှုန်း ရောင်းချပေးရာ ဆီပိဿာပေါင်း (၉၉၀) ကိုရောင်းချပေးခဲ့ကြောင်း သိရှိရသည်။
