သတင်းနှင့် လှုပ်ရှားမှုများ
ရခိုင်ပြည်နယ် စားသုံးသူရေးရာဦးစီးဌာနမှ ဂွမြို့နယ်တာဝန်ခံ ဒေါ်မာမာလေး(ဒု-ဦးစီးမှူး)သည် (၁၈-၁၁-၂၀၂၂) ရက်နေ့ နံနက် (၁၀:၀၀) နာရီအချိန်တွင် ဂွမြို့ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးတွင် (၁၀၂) နှစ်မြောက် အမျိုးသားအောင်ပွဲနေ့အထိမ်းအမှတ် နံရံကပ်စာစောင်များနှင့် ဗဟုသုတများရရှိသောစာအုပ်၊ စာပေများခင်းကျင်းပြသသည့်အခမ်းအနားသို့ တက်ရောက်၍ ကျောင်းသား၊ ကျောင်းသူများအား စားသုံးသူအကာအကွယ်ပေးရေး အသိပညာပေးဟောပြောခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး၊ ဒု-ခရိုင် ဦးစီးမှူး ဦးမိုးမင်းသန်းနှင့် မြို့နယ်ဦးစီးမှူးဦးလှထွဋ်ဦးတို့သည် ပြည်သူ့ကျန်းမာ၊ မြို့နယ်စည် ပင်သာယာရေးအဖွဲ့တို့နှင့်ပူးပေါင်း၍ (၁၄.၁၁.၂၀၂၂)ရက်နေ့ နံနက်(၁၀;၃၀) နာရီကမြောင်းမြမြို့ပေါ်ရှိ ဆေးဆိုင်များတွင် တရားမဝင်တင်သွင်းရောင်းချနေသော ကလေးချောင်းဆိုးပျောက်ဆေး နှင့် ကလေးအဟာရဖြည့်စွက်စာများ ရောင်းချခြင်းရှိ/မရှိ ကွင်းဆင်းစစ်ဆေးခဲ့ပါသည်။
ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ် စားသုံးသူရေးရာဦးစီးဌာန၊ ဓနုဖြူ မြို့နယ် ဦးစီးမှူး ဦးဝင်းမင်းစိုးနှင့် ဝန်ထမ်းများသည် (၁၆.၁၁.၂၀၂၂၀) ရက်နေ့ နံနက် (၀၉:၄၅) နာရီအချိန်တွင် ဓနုဖြူမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ရုံးစာကြည့်တိုက် ခန်းမတွင် ကျောင်းသား/ ကျောင်းသူများအား စာဖတ်စေခြင်းနှင့် စားသုံးသူကာကွယ်ရေး အသိပညာပေး ဟောပြောခြင်းကို ပြုလုပ်ခဲ့ကြပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန ညီလာခံခန်းမတွင် ယနေ့နံနက် (၀၉:၀၀)အချိန်၌ စစ်ဆေးရေးအရာရှိများ လုပ်ငန်းကျွမ်းကျင်မှုဆိုင်ရာ အလုပ်ရုံဆွေးနွေးပွဲ အမှတ်စဉ်(၃/၂၀၂၂)ဖွင့်ပွဲကျင်းပရာ ဒုတိယဝန်ကြီး ဦးညွန့်အောင် တက်ရောက်၍ အဖွင့်အမှာစကား ပြောကြားသည်။
၁၄.၁၁.၂၀၂၂ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ ပေါင်မြို့နယ်တာဝန်ခံထံသို့ မွန်ပြည်နယ်၊ ပေါင်မြို့နယ်၊ မုတ္တမကျေးရွာရှိ စားသောက်ကုန်၊ အလှကုန်နှင့် ကုန်မျိုးစုံ ရောင်းချဖြန့်ဖြူးနေသော လုပ်ငန်းရှင်မှ ကုန်စည်နှင့် ပတ်သက်၍ စားသုံးသူကာကွယ်ရေးဥပဒေပါ အချက်များအား သိရှိလိုပါကြောင်း လာရောင်းတွေ့ဆုံဆွေးနွေးခဲ့ပါသည်။
