သတင်းနှင့် လှုပ်ရှားမှုများ
(၃-၂-၂၀၂၅)ရက်နေ့ ၊ (၁၀:00)နာရီအချိန်တွင် စားသုံးသူရေးရာဦးစီးဌာန၊ ရန်ကုန် အရှေ့ပိုင်းခရိုင်ဦးစီးမှူးရုံးမှ ဦးလှစိုး(ခရိုင်ဦးစီးမှူး)နှင့် ဝန်ထမ်းများသည် သင်္ဃန်းကျွန်းခရိုင်၊ မြောက်ဥက္ကလာပမြို့နယ်ရှိ ဆန် ရောင်းချနေသော အမှတ် (၁၂၄)၊(ဆ) ရပ်ကွက်၊မေဓာဝီလမ်း၌ ဖွင့်လှစ်ထားသည့် ရွှေစကြာ ဆန်ဆိုင်သို့ သွားရောက်၍ ဆန်ရောင်းချမှုအခြေအနေအား ကွင်းဆင်းအသိပညာပေးမှုများ ဆောင်ရွက်ခဲ့ကြကြောင်း သိရှိရပါ သည်။
(၅-၂-၂၀၂၅) ရက်နေ့ ၊ (၁၀:၀၀)နာရီအချိန်တွင် ဒေါ်အေးအေးနွယ် (ဦးစီးအရာရှိ) သည် ဗိုလ်တထောင်ခရိုင် ၊ အထွေထွေစီမံအုချုပ်ရေးမှူးရုံး အစည်းအဝေးသို့ တက်ရောက်ခဲ့ ကြောင်း သိရှိရပါသည်။
စားသုံးသူရေးရာဦးစီးဌာန၊ ညောင်တုန်းမြို့နယ်ဦးစီးမှူးရုံးမှ မြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် မြိုနယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ မြို့နယ်အထွေထွေအုပ်ချုပ်ရေးဦးစီးဌာန၊ စစစ အဖွဲ့တို့နှင့် မြို့မဈေးအတွင်း စားအုန်းဆီလက်ကား အရောင်းဆိုင်(၁၂)ဆိုင်သို့ သွားရောက်၍ (၄.၃.၂၀၂၅) ရက်နေ့ တွင် စားအုန်းဆီရောင်းချသည့် လက်ကားဆိုင်များသို့ ကွင်းဆင်းစစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။
စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဝင်းနိုင် (ဦးစီးအရာရှိ) နှင့် ဝန်ထမ်းများသည် ဒေါပုံမြို့နယ် စည်ပင်သာယာရေးကော်မတီနှင့် ပူးပေါင်း၍ အမှတ်(၂၉၇) ၊ ရတနာသီရိလမ်း ၊ မြို့သစ်ရပ်ကွက် ၊ ဒေါပုံမြို့့နယ်ရှိ PMH အမှတ်တံဆိပ် (သောက်ရေသန့်) လုပ်ငန်းသို့ (၃-၃-၂၀၂၅) ရက်နေ့၊ နေ့လယ် (၁၃:00) နာရီတွင် သွားရောက်၍ ကွင်းဆင်းခဲ့ကြ ကြောင်း သိရှိရပါသည်။
စားသုံးသူရေးရာဦးစီးဌာန ၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်အေးအေးမော် (ဒု- ကြီးကြပ်ရေးမှူး) နှင့် ဝန်ထမ်းများသည် ဒေါပုံမြို့နယ် စည်ပင်သာယာရေးကော်မတီနှင့် ့ပူးပေါင်း၍ အမှတ်(၂၁၄) ၊ အောင်သီရိလမ်း ၊ မြို့သစ်ရပ်ကွက်၊ ဒေါပုံမြို့့နယ်ရှိ BT အမှတ် တံဆိပ် (ရေသန့်) လုပ်ငန်းသို့ (၃-၃-၂၀၂၅) ရက်နေ့၊ နေ့လယ် (၁၃:00) နာရီတွင် သွားရောက်၍ ကွင်းဆင်းစစ်ဆေး ဆောင်ရွက်ခဲ့ကြကြောင်း သိရှိရပါသည်။
