ကုန်သွယ်မှုသတင်းများ
ယခုရာသီတွင် ပြည်မြို့ Electronic ဈေးကွက်၌ လေအးပေးစက်အမျိုးမျိုး၊ ပန်ကာအမျိုးမျိုး အရောင်းအဝယ်သွက်နေခဲ့ကြောင်း လေ့လာသိရှိရပါသည်။
လူတန်းစားအလွှာအလိုက် ငွေကြေးသုံးစွဲနိုင်မှုအပေါ်မူတည်၍ ဝယ်ယူသုံးစွဲမှု ကွာခြားကြပါသည်။ လေအေးပေးစက်များထက် ပန်ကာမျိုးစုံ ပိုရောင်းဝယ်မှုဖြစ်ကြပါသည်။ ပန်ကာများထဲမှာ အားသွင်းပန်ကာများက ပိုအရောင်းအဝယ် ဖြစ်ကြပါသည်။
တောင်ငူမြို့ ညောင်ပင်ဈေးတွင် မွန်ပြည်နယ်၊ မော်လမြိုင်ဒေသမှ ဒညင်းသီးများ ဝင်ရောက်လျက်ရှိပါသည်။
တောင်ငူမြို့သို့ ဒေသအသီးသီးမှ ရာသီအလိုက်သီးနှံများ တင်ပို့ရောင်းချလျက်ရှိရာ ပေါ်ဦးပေါ်ဖျားတွင် ဈေးကောင်းရသော်လည်း နောက်ပိုင်းလှိုင်လှိုင်ပေါ်လာပါက ဈေးနှုန်းကျဆင်းလာပါသည်။
တောင်ငူမြို့တွင် ကွမ်းစားသုံးသူပေါများခြင်းကြောင့် ဒေသအသီးသီးမှ ကွမ်းရွက်များဖြစ်သော ဟင်္သာတကွမ်း၊ ကွမ်းနုဝါ၊ မုံရွာကွမ်း၊ ကွမ်းစိမ်းနှင့် ကွမ်းကြမ်းများ ဝင်ရောက်လျက် ရှိပါသည်။ မကြာမီကာလအတွင်းက ရာသီဥတုအခြေအနေကြောင့် ကွမ်းများ မခူးဆွတ်နိုင်ခြင်း၊ သယ်ယူ ပို့ဆောင်မှု ခက်ခဲခြင်းတို့ကြောင့် ဈေးနှုန်းများ နှစ်ဆခန့်မြင့်တက်လာသည်ကို တွေ့ရပါသည်။
တောင်ငူခရိုင်တွင် တောင်ငူ၊ ရေတာရှည်၊ ထန်းတပင်၊ အုတ်တွင်းနှင့် ဖြူးမြို့နယ်များရှိ ပါသည်။ ယင်းမြို့နယ်များတွင် မတ်ပဲ၊ ပဲတီစိမ်းနှင့် ပဲလွန်းဖြူများကို အများဆုံးလျှက်ရှိရာ တောင်ငူ ခရိုင်တစ်ခုလုံးအနေဖြင့် မတ်ပဲ ၂၁၄၉၂၁ ဧက၊ ပဲတီစိမ်း ၄၅၀၅၅ ဧကနှင့် ပဲလွန်းဖြူ ၉၈၅၄ ဧက စိုက်ပျိုးထားရှိပါသည်။
