ကုန်သွယ်မှုသတင်းများ
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ မုံရွာခရိုင် ဦးစီးမှူးရုံးမှ ခရိုင်ဦးစီးမှူး၊ ဒု- ခရိုင်ဦးစီးမှူးနှင့်ဝန်ထမ်း (၂)ဦး တို့သည် (၁၇.၈.၂၀၂၂) ရက်နေ့ နေ့လယ် (၁၄:၀၀)နာရီအချိန်တွင်မုံရွာမြို့၊ပွဲစားတန်းလမ်း၊ ဘုရားကြီးရပ်ကွက်ရှိ “ခင်ဌေးဌေးချွန်” ပလတ်စတစ်ပုံး လက်ကားရောင်းဝယ်ရေးသို့ သွားရောက်တွေ့ဆုံခဲ့ပါသည်။
ကသာခရိုင် မြို့နယ်(၄)မြို့နယ်တွင် ယခင်နှစ် မိုးစပါးစိုက်ဧက (၁၇၃၆၀၈)ဧကရှိပြီး ဧရာမင်း စပါးစိုက်ဧက (၃၀၆၇)ဧကရှိကြောင်း သိရှိရပါသည်။ ဧရာမင်းစပါးသည် အခြားစပါးများထက် ဈေးနှုန်းမြှင့်မားပြီး ငွေကြေးတတ်နိုင်သူများသာ စားသုံးကြသည့်အတွက် ခရိုင်အတွင်းစိုက်ပျိုးမှု အနည်းငယ်သာရှိကြောင်း သိရသည်။
ပဲခူးတိုင်းဒေသကြီးအစိုးရအဖွဲ့၏ လမ်းညွှန်ချက်အရ တောင်ငူခရိုင်စားသုံးသူရေးရာဦးစီးဌာနနှင့် တောင်ငူခရိုင် ဆန်ကုန်သည်များအသင်းတို့ ပူးပေါင်း၍ ဩဂုတ်လ ၁၅ ရက်နေ့က တောင်ငူ ခရိုင်အတွင်း အခြေခံလူတန်းစားများသို့ ဆန်တစ်ပြည်လျှင် ၁၆၀၀ ကျပ်နှုန်းဖြင့် ရောင်းချပေးခဲ့ပါ သည်။
တောင်ငူမြို့တွင် ရန်ကုန်မုန့်ဟင်းခါး၊ မန္တလေးမုန့်တီသုတ်၊ တောင်ငူမုန့်ဟင်းခါး စသည်ဖြင့် ဒေသအခေါ်မုန့်ဟင်းခါးများ ရှိပါသည်။ တောင်ငူမုန့်ဟင်းခါးကို တောင်ငူသူ တောင်ငူသားများ သာမက အခြားမြို့များမှ လာရောက်သည့် ဧည့်သည်များပါ နှစ်ခြိုက်စွာ စားသုံးလေ့ရှိပါသည်။ အိမ် တွင်လည်း အလွယ်တကူချက်ပြုတ် စားသောက်နိုင်ပါသည်။
မြန်မာ့ရိုးရာ ထမင်းဝိုင်းတွင် မပါမဖြစ်သော ဟင်းတစ်ခွက်ကို ပြပါဆိုလျှင် ငါးပိရည်ဘဲဖြစ်မည် ထင်ပါသည်။ ဟင်းဘယ်လောက်ကောင်းကောင်း ငါးပိရည်မပါလျှင် တစ်ခုခုလိုနေသလို ခံစားရပါသည်။ အခြေခံစားသောက်ကုန်များတွင် တစ်ခုအပါအဝင်ဖြစ်သော ငါးပိဈေးကွက်ကို ဖြူးမြို့ စည်ပင်သာယာဈေးအတွင်းရှိ ကိုဘိုဘို + မဇင်တို့၏ ငါးပိပွဲရုံတွင် သွားရောက်လေ့လာခဲ့ပါ သည်။
