ကုန်သွယ်မှုသတင်းများ
စစ်ကိုင်းတိုင်းဒေသကြီး၊ မုံရွာမြို့နယ်၌ ကွမ်းကို မိမိတို့အိမ်ခြံဝင်းအတွင်း တစ်နိုင်တစ်ပိုင်အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း စိုက်ပျိုးကြကြောင်း၊ ကွမ်းကို ဆောင်းစိုက်နှင့် မိုးစိုက်ဟူ၍ နှစ်မျိုးခွဲ၍ စိုက်ပျိုးကြရာ မိုးစိုက်သည် ပိုးကျလွယ်သည့်အတွက် အနည်းငယ်သာစိုက်ပျိုးကြပြီး ဆောင်းစိုက်ကိုသာ ပိုမိုစိုက်ပျိုးကြကြောင်း သိရသည်။
စစ်ကိုင်းတိုင်းဒေသကြီး၊ ကသာခရိုင်၊ ကုန်ဈေးနှုန်းတည်ငြိမ်ရေးလုပ်ငန်းအဖွဲ့၏ ကြီးကြပ် မှုဖြင့် ကသာခရိုင်၊ ကသာမြို့ပေါ်ရှိ ပြည်သူများအား (၁၂.၁၂.၂၀၂၄)ရက်နေ့တွင် စားအုန်းဆီများရောင်းချပေးခဲ့ကြောင်း သိရှိရပါသည်။
စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ ကျွဲရဲကျေးရွာ၊ မြေနဲကျေးရွာ၊ ရွာတုံကျေးရွာ၊ တောင်ပလူကျေးရွာများတွင် ကြက်သွန်နီကို အများဆုံးစိုက်ပျိုးကြောင်း သိရှိရ ပါသည်။ ယခုနှစ်တွင် မိုးကြက်သွန် စိုက်ဧကပေါင်း (၂၃၁၇)ဧကရှိပြီး ယခုအချိန်၌ လှိုင်လှိုင်ပေါ် ထွက်ပြီဖြစ်ရာ ဈေးနှုန်းအနေဖြင့် တစ်ပိဿာလျှင် (၃၅၀၀)ကျပ်မှ (၄၀၀၀)ကျပ် အထိ ဈေးကွက်ရှိကြောင်း သိရှိရပါသည်။
ဧရာဝတီတိုင်းဒေကြီး၊ မြန်အောင်ခရိုင်၊ ကြံခင်းမြို့နယ်သည် စိုက်ပျိုးရေးလုပ်ငန်းများဖြစ်သည့် စပါး၊ ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးလျက်ရှိပြီး ရာသီပေါ်သီးနှံများနှင့် စားဖိုဆောင်သုံး သီးနှံများကိုလည်းစိုက်ပျိုးကြသည်။
တရုတ်နိုင်ငံအကောက်ခွန်ရုံးသည် ပိုလန်နှင့် ခရိုအေးရှားနိုင်ငံတို့မှ မြက်စားသတ္တဝါ အချို့နှင့် ၎င်းတို့၏ဆက်စပ်ပစ္စည်းအချို့အား လျှာပြာရောဂါကြောင့် တိုက်ရိုက်ဖြစ်စေ တိုက်ရိုက်မဟုတ်သည်ဖြစ် နိုင်ငံအတွင်းသို့တင်သွင်းမှုအား ပိတ်ပင်ထားကြောင်း တရုတ်အကောက်ခွန်ရုံး၏အုပ်ချုပ်ရေးမှူးမှ ၁၂.၁၂.၂၀၂၄ရက်နေ့ (ကြာသာပတေးနေ့) က Website(Reuters) သို့ပြောကြားချက်အရ သိရသည်။ ၎င်းပိတ်ပင်မှုအား ပိုလန်ပြည်နယ်တစ်ခုနှင့် ခရိုအေးရှားခရိုင်နှစ်ခုတွင် တွေ့ရှိသည့်ရောဂါဖြစ်စဥ်အား ကမ္ဘာ့တိရိစ္ဆာန်ကျန်မာရ
