စစ်ကိုင်းတိုင်းဒေသကြီး၊ မုံရွာမြို့ရှိ၊ စက်မှုဇုန်ရပ်ကွက်တွင် စိုက်ပျိုးရေးနှင့် မွေးမြူရေးလုပ်ငန်းများကို လုပ်ကိုင်လျက်ရှိရာ နွားများကို စိုက်ပျိုးရေးလုပ်ငန်းအတွက် မွေးမြူကြသလို စားဝတ်နေရေးအတွက်လည်း မွေးမြူကြကြောင်း သိရသည်။
စက်မှုဇုန်ရပ်ကွက်တွင် ဗမာနွားများနှင့် နို့စားနွားများကို တစ်နိုင်တစ်ပိုင် မွေးမြူကြပြီး နွားနို့များကို ဈေးကွက်အတွင်းသို့ ရောင်းချလျက်ရှိရာ ရောင်းလိုအားကောင်း၍ နွားနို့များ လောက်ငှာမှုမရှိသဖြင့် နို့စားနွားများကို တစ်နိုင်တစ်ပိုင်မှ စီးပွားဖြစ်မွေးမြူလာကြောင်း သိရပါသည်။
၂၀၂၅ ခုနှစ်၊ ဇန်နဝါရီလ၊ ဒုတိယပတ်အတွင်း ရောင်းချနေသော နွားနို့ဈေးနှုန်းများမှာ နွားနို့(၁)လီတာ တစ်ဘူးလျှင် အစိမ်း(၃၅၀၀)ကျပ်၊ ကျိုချက်ပြီး (၁) လီတာ တစ်ဘူးလျှင် (၄၀၀၀) ကျပ်၊ ဒိန်ချဉ် (၁) လီတာ၊ တစ်ဘူးလျှင် (၄၅၀၀)ကျပ်တို့ဖြင့် နေ့စဉ် အရောင်းအဝယ်ဖြစ်လျက်ရှိ ကြောင်း သိရှိရပါသည်။
DOCA(စစ်ကိုင်း)