ကုန်သွယ်မှုသတင်းများ
စစ်ကိုင်းတိုင်းဒေသကြီး၊ မုံရွာမြို့နယ်ရှိ ကျေးရွာများ၌ သီးနှံမျိုးစုံ စိုက်ပျိုးလျက်ရှိပြီး မြေအမျိုးအစားမရွေး ဖြစ်ထွန်းအောင်မြင်ပြီး စိုက်ပျိုးရန်လွယ်ကူသော နှစ်ရှည်ပင်သီးနှံတစ်မျိုးဖြစ်သည့် ကီလိုမာလကာသီးကို ဘုမ္မနိုးကျေးရွာတွင် စီးပွားဖြစ် တစ်ပိုင်တစ်နိုင် စိုက်ပျိုးကြကြောင်း သိရသည်။
စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ နဂါးတွင်း၊ ဗုံတို၊ ဘုမ္မနိုး စသည့်ကျေးရွာများတွင် လယ်ယာလုပ်ငန်းကို အဓိကလုပ်ကိုင်လျက်ရှိရာ ကြက်သွန်နီ၊ နှမ်း၊ ပဲမျိုးစုံသီးနှံများကို အဓိက စိုက်ပျိုးကြပြီး စားဖိုဆောင်သုံး သီးနှံတစ်မျိုးဖြစ်သည့် ငရုတ်သီးနှံကို ဘုမ္မနိုးကျေးရွာတွင် စိုက်ဧက ၁၀၀ ခန့် စိုက်ပျိုးထားကြောင်း သိရသည်။
စစ်ကိုင်းတိုင်းဒေသကြီး၊ မုံရွာမြို့နယ်ရှိ တောင်သူများသည် နှမ်း၊ ပဲမျိုးစုံ၊ ပြောင်း၊ ငရုတ်စသည့် သီးနှံများကို အများဆုံးစိုက်ပျိုးကြပြီး ဗုံတို၊ ဘုမ္မနိုးကျေးရွာများတွင် စားဖိုဆောင်သီးနှံဖြစ်သည့် ခရမ်းချဉ်သီးနှံကိုလည်း စီးပွားဖြစ် စိုက်ပျိုးလာကြကြောင်း၊ ဘုမ္မနိုး ကျေးရွာတွင် စိုက်ဧက (၁၀) ဧကခန့် စိုက်ပျိုးထားကြောင်း သိရသည်။
မုံရွာမြို့တွင် ၂၀၂၄ခုနှစ် ဒီဇင်ဘာလ ဒုတိယပတ်တွင် ရောင်းချလျက်ရှိသော ဆောက်လုပ်ရေးလုပ်ငန်းသုံး သံချောင်းလုံး (၃)မူးတစ်တန်ကျပ်၂၁၈၀၀၀၀၊ (၅)မူးတစ်တန် ကျပ်၂၃၀၀၀၀၀၊ (၆)မူးတစ်တန် ကျပ် ၂၃၇၀၀၀၀ ဈေးဖြင့်အရောင်းအဝယ်ဖြစ်လျက်ရှိပြီး၊ ၂၀၂၅ ခုနှစ် ဇန်နဝါရီလ ဒုတိယပတ်တွင် ဆောက်လုပ်ရေးလုပ်ငန်းသုံး သံချောင်းလုံး (၃)မူးတစ်တန် ကျပ်၂၃၀၀၀၀၀၊ (၅)မူးတစ်တန် ကျပ်၂၃၀၀၀၀၀၊ (၆)မူးတစ်တန် ကျပ်၂၅၀၀၀၀၀ ဖြင့်အရောင်းအဝယ်ဖြစ်လျက်ရှိကြောင်း သိရပါသည်။
မွန်ဂိုလီးယားနိုင်ငံ၏ နိုင်ငံခြားကုန်သွယ်မှု ပမာဏသည် ၂၀၂၄ ခုနှစ်တွင်အမေရိကန် ဒေါ်လာ ၁၇.၄ ဘီလီယံခန့်ရှိပြီး ၂၀၂၃ ခုနှစ်နှင့် နှိုင်းယှဥ်ပါက ၁၂.၃ % တိုးတက်ခဲ့ကြောင်း မွန်ဂိုလီးယား အကောက်ခွန် အထွေထွေအုပ်ချုပ်ရေးဌာနမှ ၁၀.၁.၂၀၂၅ ရက်နေ့က ထုတ်ပြန်သော အချက်အလက်များအရသိရသည်။ မွန်ဂိုလီးယားနိုင်ငံသည် ကုန်သွယ်မှုပိုငွေကို သိသာထင်ရှားစွာ ဖော်ပြခဲ့ပြီး သွင်းကုန်ထက်ပို့ကုန်သည် ၄.၁ ဘီလီယံ ကျော်ကျော်ရှိခဲ့သည်။ ဤပိုလျှံမှုသည် အဓိကအားဖြင့် မွန်ဂိုလီးယားနိုင်ငံ၏ စီးပွားရေးအုတ်မြစ်
