ကုန်သွယ်မှုသတင်းများ

            စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးသည် စားသုံးသူကာကွယ်ရေးလုပ်ငန်းများကို ဆောင်ရွက်လျက်ရှိပြီး စားသုံးသူများ နေ့စဉ်ဝယ်ယူသုံးစွဲ လျက်ရှိသည့် အခြေခံစားသောက်ကုန်များ၏ ဈေးနှုန်း၊ ဈေးကွက်အခြေအနေများကိုလေ့လာ၍ နေ့စဉ်၊ အပတ်စဉ်၊ လစဉ်အထက်အဆင့်ဆင့်သို့ တင်ပြဆောင်ရွက်လျက်ရှိကြောင်းသိရသည်။

          စားတော်ပဲစိမ်းသည် ရှေးယခင်  မြန်မာဘုရင်များ လက်ထက်ကတည်းကပင် အလွန်စားကောင်း၍   နုညံ့သည့် အဆင့်မြင့်ပဲတစ်မျိုးဖြစ်ရာ ဘုရင်များက စား‌တော်ပဲဟုခေါ်ခဲ့ကြသည်။ စားတော်ပဲစိမ်းသည် လူအများကြိုက်နှစ်သက်သော ပဲတစ်ပျိုးဖြစ်ပြီး ဆောင်းရာသီတွင်  ပေါ်သောရာသီစာဖြစ်သည်။ စား‌တော်ပဲစိမ်းကို ကြော်စားခြင်း၊ ချက်စားခြင်း၊ ‌ကောက်ညှင်းနှင့် ပေါင်းစားခြင်း၊ ဒံပေါက်ထဲတွင်ထည့်ခြင်း၊ ကောက်ညှင်းကျည်တောက်ထဲတွင်ထည့်ခြင်းနှင့် ပဲကပ်ကြော်အဖြစ်ကြော်ပြီး ရေနွေးကြမ်းနှင့် စားသုံးကြသည်။