ပြည်တွင်းကုန်သွယ်မှုသတင်းများ
ပဲခူးတိုင်းဒေသကြီးအစိုးရအဖွဲ့၏ လမ်းညွှန်ချက်အရ တောင်ငူမြို့ ဘုရင့်နောင်ဈေးအနီးတွင် ကိုယ်တိုင်စိုက်ပျိုးမွေးမြူထုတ်လုပ်သူများက တိုက်ရိုက်အရောင်းဈေးဖွင့်လှစ်၍ သားငါးနှင့် ဟင်းသီးဟင်းရွက် များကို သင့်တင့်သောဈေးနှုန်းဖြင့် ရောင်းချပေးလျက်ရှိရာ မည်သူမဆို လွတ်လပ် စွာလာရောက် ဝယ်ယူနိုင်ပါသည်။
တောင်ငူမြို့နယ် ငါးဖယ်အင်းကျေးရွာအုပ်စု မင်းလမ်းကျေးရွာ စီပီဝက်မွေးမြူရေးလုပ်ငန်းမှ အသားတိုးဝက်နှင့် မျိုးစပ်ဝက်ပေါက်များကို ဝယ်ယူရရှိနိုင်ပါသည်။ ၄၅ ရက်သား အသားတိုးဝက်ပေါက် တစ်ကောင်လျှင် ယခင်က ၁၅၀၀၀၀ ကျပ်ရှိသော်လည်း ယခုအခါ ၁၂၀၀၀၀ ကျပ်ဖြင့် ဈေးကျပါသည်။ ဝယ်ယူပြီးရက် ၆၀ အကြာတွင် ရောင်းတန်းဝင် ဝက်ကြီးတစ်ကောင်အဖြစ် ရောင်းချနို
တောင်ငူမြို့ အနီးဝန်းကျင်ရှိ ကျေးရွာများမှ ကန်ဇွန်းဥ၊ ပိန်းဥများကို တစ်ပိုင်တစ်နိုင်စိုက်ပျိုးကြရာ ယခုအချိန်တွင် ကန်ဇွန်းဥ၊ပိန်းဥများပေါ်ပြီဖြစ်သဖြင့် ညောင်ပင်ဈေးသို့ လာရောက်ရောင်းချကြပါသည်။
တောင်ငူမြို့ ညောင်ပင်လေးဈေးရှိ ဟင်းသီးဟင်းရွက်ဈေးတွင် ငရုပ်သီးစိမ်း (ကျောက် စိမ်းသီး)မှာ တစ်ပိဿာလျှင် ၂၀၀၀ ကျပ်မှ ၂၅၀၀ ကျပ်၊ ငရုပ်သီးစိမ်း (မိုးထောင်သီး)မှာ တစ်ပိဿာ လျှင် ၃၀၀၀ ကျပ်မှ ၃၅၀၀ ကျပ်၊ ငရုတ်သီးစိမ်း(ကုလားအော်သီးမှာ) တစ်ပိဿာလျှင် ၄၀၀၀ ကျပ်မှ ၅၀၀၀ ကျပ်ဖြင့် ဈေးနှုန်းတည်ငြိမ်နေပါသည်။
တောင်ငူမြို့ ညောင်ပင်ဈေးရှိ သားငါးဆိုင်များတွင် ကြက်သား (အိမ်မွေးကြက်)မှာ အကောင်လိုက်ဈေး ၁၇၀၀၀ ကျပ်၊ အခြမ်းလိုက်ဈေး ၂၀၀၀၀ ကျပ်ဖြင့် ဈေးနှုန်းတည်ငြိမ်နေပြီး စီပီကြက်မှာ ယခင်လက တစ်ပိဿာလျှင် အကောင်လိုက်ဈေး ၈၀၀၀ ကျပ်၊ အခြမ်းလိုက်ဈေး ၁၀၀၀၀ ကျပ်၊ ရင်အုပ်သား ၁၁၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် အခြမ်းလိုက်ဈေး ၁၁၀၀၀ ကျပ်နှင
