ပြည်တွင်းကုန်သွယ်မှုသတင်းများ
၂၀.၇.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံး
ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်တွင် ရှမ်းပြည်နယ်(မြောက်ပိုင်း)၊ လားရှိုး ဒေသမှထွက်သော နဂါးမောက်သီးများအား တစ်ဆင့်ပြန်လည်ရောင်းချလျက်ရှိရာ နှစ်စဉ် ဇွန်လ နောက်ပိုင်းမှစ၍ ရောင်းအားကောင်းလျက်ရှိပါသည်။
တောင်ငူမြို့တွင် အခြေခံစားသောက်ကုန်များဖြစ်သော မြေပဲဆီမှာ တစ်ပိဿာလျှင် ၁၅၀၀၀ ကျပ်ဖြင့် ဈေးနှုန်းတည်ငြိမ်နေပြီး စားအုန်းဆီမှာ ယခင်အပတ်က တစ်ပိဿာလျှင် ၈၀၀၀ ကျပ်မှ ယခုအပတ်တွင် တစ်ပိဿာလျှင် ၇၀၀၀ ကျပ်ဖြင့် ဈေးနှုန်းကျဆင်းပါသည်။
တောင်ငူမြို့တွင် ရွှေဘိုပေါ်ဆန်း တစ်အိတ်လျှင် ၁၁၀၀၀၀ ကျပ်၊ ဖျာပုံပေါ်ဆန်း တစ်အိတ်လျှင် ၁၀၃၀၀၀ ကျပ်၊ ဒေသပေါ်ဆန်း တစ်အိတ်လျှင် ၉၈၀၀၀ ကျပ်၊ ဧည့်မထ(မိုး) တစ်အိတ်လျှင် ၇၄၀၀၀ ကျပ်၊ ဧည့်မထ(နွေ) တစ်အိတ်လျှင် ၅၈၀၀၀ ကျပ်ဖြင့် ဈေးနှုန်း တည်ငြိမ်နေပါသည်။
ယခုလို မိုးရာသီအချိန်တွင် ပဲခူးရိုးမတောင်ပေါ်ရှိ ဝါးတောများ၌ မျှစ်အဆုံတိုလေးများ၊ မျှစ်နုများ များစွာထွက်ရှိပါသည်။ ပဲခူးရိုးမဒေသ အနီးတဝိုက်မှ ရွာသူရွာသားများသည် ရိုးမကို အမှီပြု၍ မျှစ်ချိုးမျှစ်တူး၍ အလုပ်ဖြစ်နေကြပါသည်။
