လယ်ယာထုတ်ကုန်စီမံခန့်ခွဲရေးအဖွဲ့၏ (၂/ ၂၀၂၁) ကြိမ်မြောက် ညှိနှိုင်းအစည်းအဝေးကို (၉-၇-၂၀၂၁) ရက်နေ့ နေ့လယ် (၁)နာရီတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ရုံးအမှတ် (၃)၌ Virtual Meeting စနစ်ဖြင့် ကျင်းပပြုလုပ်ခဲ့ရာ လယ်ယာ ထုတ်ကုန်စီမံခန့်ခွဲရေး အဖွဲ့ဥက္ကဌ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီးက တောင်သူလယ်သမားအခွင့်အရေးကာကွယ်ရေးနှင့် အကျိုးစီးပွား မြှင့်တင်ရေးဥပဒေအရ တောင်သူလယ်သမားများနည်း ပညာအပြည့်အဝရရှိရေး၊ သွင်းအားစုနှင့် ထုတ်လုပ်မှုလုပ်ငန်းဆိုင်ရာများလွယ်ကူ အဆင်ပြေစွာပံ့ပိုးနိုင်ရေးနှင့် လယ်ယာထုတ်ကုန်များရောင်းချရာတွင် သင့်တင့်မျှတသော ဈေးကွက်နှင့် ဈေးနှုန်းရရှိရေးတို့အတွက် လယ်ယာထုတ်စီမံခန့်ခွဲရေးအဖွဲ့ကို ဖွဲ့စည်းဆောင် ရွက်ခဲ့မှုအခြေ အနေ၊ ၄-၆-၂၀၂၁ ရက်နေ့တွင် ကျင်းပခဲ့သည့် တောင်သူလယ်သမားအခွင့်အရေး ကာကွယ်ရေးနှင့်အကျိုးစီးပွား မြှင့်တင်ရေးဦးဆောင်အဖွဲ့၏ ပထမအကြိမ်စုံညီအစည်းအဝေး ဆုံးဖြတ်ချက်များအနက် လယ်ယာထုတ်ကုန်စီမံခန့်ခွဲရေးအဖွဲ့က ဆောင်ရွက်ရမည့်အချက်(၅)ချက်အနက် အခြေခံ ရည်ညွှန်း စပါးဈေးနှုန်းထုတ်ပြန်ကြေညာနိုင်ရေးနှင့် ကြက်သွန်နီအခြေခံ ရည်ညွှန်းဈေးနှုန်း သတ်မှတ်ပြဋ္ဌာန်းနိုင်ရေးတို့ကို ဦးဆောင်အဖွဲ့သို့ သုံးသပ်တွက်ချက် တင်ပြရမည့်အခြေအနေများကို ရှင်းလင်းဆွေးနွေးပြောကြားခဲ့ပါသည်။
ထို့နောက် စားသုံးသူရေးရာဦးစီးဌာန၊ ညွှန်ကြားရေးမှူးချုပ်က လယ်ယာထုတ်ကုန် စီမံခန့်ခွဲရေးအဖွဲ့၏ (၁/၂၀၂၁) ကြိမ်မြောက် ညှိနှိုင်းအစည်းအဝေးဆုံးဖြတ်ချက်များအပေါ် ဆောင်ရွက်ပြီးစီးမှုအခြေအနေများကိုလည်းကောင်း၊ စားသုံးသူရေးဦးစီးဌာန၊ ဒုတိယ ညွှန်ကြားရေးမှူးချုပ်က (၂/၂၀၂၁) ကြိမ်မြောက်ညှိနှိုင်းအစည်းအဝေးသို့ တင်ပြသည့် အမှာစာ များကိုလည်းကောင်း ရှင်းလင်းဆွေးနွေးခဲ့ပြီးအစည်းအဝေးသို့ တက်ရောက် လာကြသူများက အမှာစာများအပေါ် အသီးသီးဆွေးနွေး အကြံပြုတင်ပြခဲ့ကြပါသည်။
အစည်းအဝေးသို့ လယ်ယာထုတ်ကုန်စီမံခန့်ခွဲရေးအဖွဲ့ ဥက္ကဌနှင့်အဖွဲ့ဝင်များ၊ တိုင်းဒေသကြီးစီမံအုပ်ချုပ်ရေးကောင်စီဝင်များ၊ ဌာနဆိုင်ရာများနှင့်အသင်းအဖွဲ့များမှ တာဝန်ရှိသူများ တက်ရောက်ခဲ့ကြောင်းသတင်းရရှိပါသည်။
စားသုံးသူရေးရာဦိးစီးဌာန