HighLight News

      ၂၀၂၆ ခုနှစ်၊ ဇူလိုင်လ (၁၄) ရက်နေ့ နံနက် (၀၉:၀၀) နာရီအချိန်တွင် ညောင်တုန်းမြို့နယ်၊ ဆားမလောက် ကျေးရွာအုပ်စု၊ အခြေခံပညာအထက်တန်းကျောင်း(ဆားမလောက်) အ.ထ.က (၂)၌ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်စားသုံးသူရေးရာဦးစီးဌာနနှင့် မြို့နယ်မီးသတ်ဦးစီးဌာနတို့ ပူးပေါင်း၍ လူငယ်ရေးရာ အသိပညာပေးဟောပြောပွဲကို ကျင်းပပြုလုပ်ခဲ့ကြောင်း သိရသည်။

     ဟောပြောပွဲတွင် ဌာနဆိုင်ရာ တာဝန်ရှိသူများက လူငယ်များ၏ အကျင့်စာရိတ္တ ကောင်းမွန်ရေး၊ စည်းကမ်းလိုက်နာရေး၊ စားသုံးသူကာကွယ်ရေးဆိုင်ရာ အသိပညာများ၊ စားသုံးသူကာကွယ်ရေးဥပဒေသည် ဝယ်ယူသူများ၏ ဘေးကင်းလုံခြုံရေး၊ မှန်ကန်သော သတင်းအချက်အလက်ရရှိရေးနှင့် နစ်နာမှုများ တောင်းခံနိုင်ရေး စသည့် အဓိကအခွင့်အရေး ၈ ချက်ကို ကာကွယ်ပေးသောဥပဒေဖြစ်ကြောင်း၊ စီးပွားရေးလုပ်ငန်းရှင်များအနေဖြင့်လည်း ကုန်စည်/ဝန်ဆောင်မှုများနှင့်ပတ်သက်၍ မှန်ကန်တိကျသော အချက်အလက်များကို ပြည့်စုံစွာ ဖော်ပြရန် ဘေးအန္တရာယ်ကင်းရှင်းသော ကုန်စည်နှင့် ဝန်ဆောင်မှုများကို ဈေးကွက်အတွင်း ထုတ်လုပ်ဖြန့်ဖြူးနိုင်ရန်တို့ကို အသိပညာပေးပြီး၊ မီးသတ်တပ်ဖွဲ့မှ မီးဘေးအန္တရာယ် ကြိုတင်ကာကွယ်ရေးနှင့် အရေးပေါ်အခြေအနေများတွင် လိုက်နာဆောင်ရွက်ရမည့် နည်းလမ်းများကို အသိပညာပေး ဟောပြောဆွေးနွေးခဲ့ကြောင်း သိရသည်။

       ထို့ပြင် ကျောင်းသား၊ ကျောင်းသူများက သိရှိလိုသည်များကို မေးမြန်းဆွေးနွေးခဲ့ကြပြီး သက်ဆိုင်ရာဌာနများမှ ပြည့်စုံစွာ ပြန်လည်ရှင်းလင်းဖြေကြားပေးခဲ့ကြောင်း သိရသည်။

       အဆိုပါ လူငယ်ရေးရာ အသိပညာပေးဟောပြောပွဲသို့ ကျောင်းသား၊ ကျောင်းသူ (၃၅၀)ဦး တက်ရောက်ခဲ့ကြပြီး လူငယ်များအနေဖြင့် ဗဟုသုတနှင့် အသိပညာများ တိုးပွားစေရန် ရည်ရွယ်၍ ပူးပေါင်းကျင်းပခဲ့ခြင်းဖြစ်ကြောင်း သိရှိရပါသည်။

DOCA(ဧရာဝတီ)

        အွန်လိုင်းဖြင့် အလှကုန်ပစ္စည်းရောင်းချမှုလုပ်ငန်းအား မြေပြင်ကွင်းဆင်းစစ်ဆေး ညောင်တုန်းမြို့၊ အမှတ်(၂)ရပ်ကွက်၊ မီးစက်လမ်းရှိ အွန်လိုင်းဖြင့် အလှကုန်ပစ္စည်း ရောင်းချလျက်ရှိသောလုပ်ငန်းအား စားသုံးသူရေးရာဦးစီးဌာနမှ စစ်ဆေးရေးအရာရှိသည် ညောင်တုန်းမြို့နယ်ဦးစီးမှူး ဒေါ်ချိုမီဇင်မှ ၂၀၂၆ခုနှစ် (၁၄)တွင် မြေပြင်ကွင်းဆင်း စစ်ဆေးဆောင်ရွက်ခဲ့ကြောင်း သိရသည်။

      ကွင်းဆင်းစစ်ဆေးရာတွင် မဇင်မေလှိုင် online shop လုပ်ငန်း၏ အွန်လိုင်းရောင်းချမှုဆိုင်ရာ မှတ်ပုံတင်လျှောက်ထားမှုအခြေအနေ၊ လုပ်ငန်းလိုင်စင်နှင့် သက်ဆိုင်ရာ စာရွက်စာတမ်းများ ပြည့်စုံမှန်ကန်မှု၊ ရောင်းချလျက်ရှိသော အလှကုန်ပစ္စည်းများ၏ ကုန်အညွှန်းအမှတ်အသားများ၊ မြန်မာဘာသာဖြင့် ဖော်ပြထားမှု၊ ထုတ်လုပ်သည့်ရက်စွဲ၊ သက်တမ်းကုန်ဆုံးရက်၊ တင်သွင်းဖြန့်ဖြူး သူအချက်အလက်များနှင့် သက်ဆိုင်ရာဥပဒေ၊ နည်းဥပဒေများနှင့်အညီ ဆောင်ရွက်ထားရှိမှုတို့ကို စိစစ်စစ်ဆေးခဲ့ကြောင်း သိရသည်။

     ထို့ပြင် လုပ်ငန်းရှင်အား စားသုံးသူကာကွယ်ရေးဥပဒေနှင့် အညီ မှန်ကန်သော ကုန်ပစ္စည်းအချက်အလက်များကို ဖော်ပြရောင်းချရန်၊ စားသုံးသူအား အထင်အမြင်လွဲမှားစေနိုင်သော ကြော်ငြာများမပြုလုပ်ရန်၊ အရည်အသွေးပြည့်မီ၍ လုံခြုံစိတ်ချရသော အလှကုန်ပစ္စည်းများကိုသာရောင်းချရန် အသိပညာပေးဆွေးနွေးမှာကြားခဲ့ကြောင်း သိရသည်။

        စစ်ဆေးမှုအရ အွန်လိုင်းရောင်းချမှု လျှောက်ထားခြင်းနှင့် သက်ဆိုင်ရာ လုပ်ငန်းစဉ်များကို မှန်ကန်စွာ ဆောင်ရွက်ထားရှိကြောင်း၊ လိုအပ်သည့် အချက်အလက်များကိုလည်း စနစ်တကျ ဖြည့်စွက်ဆောင်ရွက်လျက်ရှိကြောင်း တွေ့ရှိရပြီး လုပ်ငန်းအား ဥပဒေ၊ လုပ်ထုံးလုပ်နည်းများ နှင့်အညီ ဆက်လက်ဆောင်ရွက်သွားရန် လမ်းညွှန်မှာကြားခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန ဦးဆောင်မှုဖြင့် မြို့နယ်စည်ပင်သာယာရေးအဖွဲ့၊ ပြည်သူ့ကျန်းမာရေးဦးစီးဌာန၊ ခရိုင်ရဲတပ်ဖွဲ့ရုံးတို့မှ ပါဝင်သော ပူးပေါင်းအဖွဲ့ဖြင့် ညောင်တုန်းမြို့ပေါ်ရှိ  စားသောက်ဆိုင်တို့တွင် ၂၀၂၆ ခုနှစ်၊ ဇူလိုင်လ (၁၀) ရက်၊ နံနက် (၁၀:၀၀) နာရီအချိန်တွင် ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရသည်။

       ထိုသို့ ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်ချိုမီဇင်(ဒုဦးစီးမှူး)သည် အစားအသောက်များ သန့်ရှင်းသပ်ရပ်မှု ရှိ/ မရှိ၊ ကျန်းမာရေးနှင့် ညီညွှတ်စွာ ပြင်ဆင်ချက်ပြုခြင်း ရှိ/ မရှိ၊ စားသုံးသူများအား လုံလောက်သော သတင်းအချက်အလက် များ ဖော်ပြထားခြင်း ရှိ/ မရှိ၊ အစားအသောက်များကို ကိုင်တွယ်ချက်ပြုတ်သူများ၏ တစ်ကိုယ်ရည် သန့်ရှင်းမှု ရှိ/ မရှိ တို့ကို ကွင်းဆင်းစစ်ဆေးခဲ့ပါသည်။ ထို့အပြင် ပြည်သူ့ကျန်းမာရေးဦးစီးဌာနမှ သုံးစွဲသည့်ရေများ သန့်ရှင်းမှုရှိစေရန်၊ ကူးစက်ရောဂါများ မဖြစ်ပွားစေရေး ကာကွယ်ထားရန်နှင့် ရေမြောင်းများအား အမှိုက်များဖြင့် ပိတ်ဆို့မှုမရှိအောင် ရေစီးရေလာကောင်းမွန်စွာ ပြုလုပ်ထားရန်လိုအပ်ကြောင်း မီးသတ်ဆေးဗူးများကို သတ်မှတ်ထားသော အရေအတွက်အတိုင်း ဆိုင်တွင်ထားရှိပြီး ပုံမှန်စစ်ဆေးထားခြင်း ရှိ/ မရှိ၊ ဆိုင်များတွင် ရောင်းချနေသော အစားအသောက်များ သန့်ရှင်းလတ်ဆတ်မှု၊ ချက်ပြုတ်ရာနေရာ သန့်စင်မှု၊ ဝန်ထမ်းများ၏ တစ်ကိုယ်ရေသန့်ရှင်းမှုနှင့် မီးသတ်ဆေးဗူးများ ပြည့်စုံမှုရှိ/ မရှိကို အဓိက စစ်ဆေးလေ့ရှိပြီး ဆွေးနွေးပြောကြားခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ ဓနုဖြူမြို့နယ်ရှိ ထွန်းသူရ သပြုဆန်စက် သို့ ၂၀၂၆ ခုနှစ်၊ ဇူလိုင်လ (၉) ရက်နေ့ နေ့လယ် (၁၃း၀၀)နာရီအချိန်တွင် တာဝန်ရှိသူများ စားသုံးသူရေးရာဦးစီးဌာန၊ စက်မှုကြီးကြပ်ဦးစီးဌာန၊ စိုက်ပျိုးရေးဦးစီးဌာနတို့ ကွင်းဆင်းသွားရောက်၍ ဆန်စက်လုပ်ငန်း လည်ပတ်ဆောင်ရွက်နေမှုအခြေအနေနှင့် လုပ်ငန်းဖွံ့ဖြိုးတိုး တက်ရေးဆိုင်ရာ ကိစ္စရပ်များကို လေ့လာဆွေးနွေးခဲ့ကြောင်း သိရသည်။

        ကွင်းဆင်းစဉ် ထွန်းသူရ ဆန်စက်တာဝန်ခံနှင့် တွေ့ဆုံ၍ ဆန်စပါးဝယ်ယူမှု၊ ကြိတ်ခွဲထုတ်လုပ်မှု၊ ဆန်အရည်အသွေး ထိန်းသိမ်းဆောင်ရွက်ထားရှိမှု၊ သိုလှောင်သိမ်းဆည်းမှု အခြေအနေနှင့် ဈေးကွက် ဖြန့်ဖြူးရောင်းချနေမှုများကို လေ့လာခဲ့ပြီး လုပ်ငန်းလိုအပ်ချက်များ၊ ကြုံတွေ့နေရသော အခက်အခဲများနှင့် လုပ်ငန်းဖွံ့ဖြိုးတိုး တက်စေရေးအတွက် ဆောင်ရွက်သင့်သည့် အချက်များကို ညှိနှိုင်းဆွေးနွေးခဲ့ပြီး ဆန်စက်မှ သတ်တမ်းတိုးပြည့်မီပါက  မဖြစ်မနေသက်တမ်းတိုးခြင်းလုပ်ငန်းကိုဆောင်ရွက်ရန်၊ ဆန်စက်မှ စပါး/ဆန် ကြိတ်ခွဲသို လှောင်မှု၏ ကုန်ရ၊ ကုန်ထုတ်၊ လက်ကျန်စာရင်းများကို သတ်မှတ်ရက်များတွင် ဖြည့်သွင်းဆောင်ရွက်ရန်တို့ကို မှာကြားခဲ့ကြောင်းနှင့် ထို့ပြင် ဆန်စက်လုပ်ငန်းများ ရေရှည်ဖွံ့ဖြိုးတိုးတက်စေရေး၊ အရည်အသွေးမြင့် ဆန်ထုတ်လုပ်နိုင်ရေး၊ စားသုံးသူများထံ အရည်အသွေးပြည့်မီသော ဆန်များဖြန့်ဖြူးရောင်းချနိုင်ရေးနှင့် သက်ဆိုင်ရာ ဥပဒေ၊ စည်းမျဉ်းစည်းကမ်းများကို လိုက်နာဆောင်ရွက်ရေးတို့ကို အသိပညာပေးဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

       ဧရာဝတီတိုင်းဒေသကြီး၊ ဓနုဖြူမြို့နယ်တွင် ရပ်ကွက်နေပြည်သူများအနေဖြင့် ကုန်ပစ္စည်းနှင့် ဝန်ဆောင်မှုများကို အသုံးပြုရာ၌ စားသုံးသူအခွင့်အရေးများကို သိရှိနားလည်ပြီး မိမိတို့၏ အခွင့်အရေးများကို အပြည့်အဝ တောင်းဆိုအသုံးချနိုင်စေရေးအတွက် မြို့နယ်စားသုံးသူရေးရာ ဦးစီးဌာနမှ အသိပညာပေးဟောပြောခြင်းကို ၂၀၂၆ခုနှစ် ဇူလိုင်လ (၈)ရက်နေ့က မြို့နယ်စာကြည့်တိုက်ခန်းမတွက် ဆောင်ရွက်ခဲ့ကြောင်း သိရသည်။

        အသိပညာပေးဆောင်ရွက်ရာတွင် ဓနုဖြူမြို့နယ် စားသုံးသူရေးရာဦးစီးဌာနမှ ဦးခိုင်လွမ်းမိုးက ဝန်ဆောင်နှင့် စပ်လျဉ်း၍ စားသုံးသူများတွင် အခွင့်အရေးအပြည့်အဝရှိကြောင်း၊ စားသုံးသူသည် ဝန်ဆောင်မှုရယူရာ၌ စားသုံးသူများရရှိသင့်သည့် အရည်အသွေးပြည့်မီသော ဝန်ဆောင်မှု၊ မှန်ကန်တိကျသော သတင်းအချက်အလက် ရရှိပိုင်ခွင့်၊ လုံခြုံစိတ်ချရသော ဝန်ဆောင်မှုရရှိပိုင်ခွင့်၊ နစ်နာဆုံးရှုံးမှုများ ဖြစ်ပေါ်ပါက တိုင်ကြားခွင့်နှင့် နစ်နာကြေးတောင်း ဆိုပိုင်ခွင့်တို့ကို ရှင်းလင်းဆွေးနွေးခဲ့ကြောင်း သိရသည်။

        ထို့အပြင် ဝန်ဆောင်မှုနှင့်ပတ်သက်၍ စားသုံးသူအခွင့်အရေး ချိုးဖောက်ခံရပါက သက်ဆိုင်ရာ စားသုံးသူရေးရာဦးစီးဌာနသို့ဖြစ်စေ၊ Consumer Call Center (1535) သို့ဖြစ်စေ ဆက်သွယ်တိုင်ကြားနိုင်ကြောင်း၊ တိုင်ကြားရာတွင် အထောက်အထားများကို စနစ်တကျ ထိန်းသိမ်းထားရန် လိုအပ်ကြောင်းလည်း အသိပညာပေး ဟောပြောပွဲသို့ ရပ်ကွက်နေပြည်သူ ၈၅ဦးတက်ရောက်ခဲ့ပြီး ဝန်ဆောင်မှုနှင့် စပ်လျဉ်း၍ သိရှိလိုသည်များမေးမြန်းကာ တာဝန်ရှိသူမှ ပြန်လည်ဖြေကြားဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)