HighLight News

        စားသုံးသူရေးရာဦးစီးဌာန၊ ရန်ကုန်အနောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိ(၂) ဦး နှင့် ဝန်ထမ်း(၂) ဦးတို့သည်  မရမ်းကုန်းမြို့နယ် အတွင်းရှိ ဒေါ်ရီရီထွေး (ဆီဆိုင်) နှင့် ဦးကျော်မင်း (ဆီဆိုင်) တို့အား ဈေးတာဝန်ခံတို့နှင့် ပူးပေါင်းပြီး ဆီရောင်းချမှု အခြေအနေများအား ကွင်းဆင်းစစ်ဆေးအသိပညာပေးမှုအား ၃.၁၂.၂၀၂၅ ရက်နေ့တွင်သွားရောက်၍ ကွင်းဆင်းအသိပညာပေးမှု များအားဆောင်ရွက်ခဲ့ကြောင်း သိရှိရပါသည်။

         ထိုသို့ ကွင်းဆင်းအသိပညာပေးရာတွင် ဆီဆိုင်များမှရောင်းချနေသောဆီများသည် သတ်မှတ်ထားသော ရည်ညွှန်းဈေးနှုန်းများအတိုင်း ရောင်းချခြင်း ရှိ/မရှိနှင့် ဆီဈေးနှုန်းကြီးမြင့်မှု မဖြစ်ပေါ်စေရန် စစ်ဆေးခဲ့ကြပြီး ရောင်းချနေသော ဆီကိုယ်စားလှယ်များအား ဈေးတင်ရောင်းချပါက အရေးယူခံရမည်ဖြစ်ကြောင်း အသိပညာပေးဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

         (၃.၁၂.၂၀၂၅) ရက်နေ့၊ နေ့လယ်(၁၅:၀၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးပါ (၅)ဦး၊ အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး ဦးအောင်ဘော်ပါ(၂)ဦး၊ ဆီလုပ်ငန်းရှင်များအသင်းမှ ဦးဇော်ကိုကို၊ ဆီကိုယ်စားလှယ် ဦးအောင်အောင်တို့ပူးပေါင်းပါဝင်လျက် လှိုင်သာယာ(အရှေ့ပိုင်း)မြို့နယ်ရှိ (၁၄)ရပ်ကွက်မှ စားသုံးသူပြည်သူများထံသို့ စားအုန်းဆီလက်ဝယ်ရရှိမှုအားမေးမြန်း၍ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

        ထိုသို့ဆောင်ရွက်ခဲ့ရာတွင် လက်ကားကိုယ်စားလှယ်ဦးညီညီထွေးမှ (၁၄)ရပ်ကွက်အတွင်း ဖြန့်ဝေရောင်းချပေးသော စားသုံးသူပြည်သူ ဦးမောင်မြင့် အမှတ်(၁၈၆၆/ခ)၊ မန္တလေးလမ်းသို့ ရောက်ရှိခဲ့ရာ ကိုယ်စားလှယ်ထံတွင်  (၁)ပတ်ကို (၅၀)ကျပ်သားနှုန်းဖြင့် တစ်လကို (၂.၅၀)ကျပ်သား ရရှိပါကြောင်း၊ ကိုယ်စားလှယ်မှလည်း လာရောက်ထုတ်ယူရမည့်ရက်ကို စာအုပ်တွင် ယခင်အပတ်မှ ရေးသွင်းပေးထားပါကြောင်း၊ ထုတ်ရက်ကျော်လျှင်လည်း နောက်နေ့တွင် ပြန်လည်ထုတ်ပေးပါကြောင်း၊ ထုတ်ယူရာတွင်လည်း အဆင်ပြေပါကြောင်း၊ ဈေးနှုန်းကိုလည်း တိကျစွာစာအုပ်တွင် ရေးသားပေးကြောင်း မိမိဌာနမှလည်း အဆင်မပြေမှုများရှိလျှင် တိုင်ကြားနိုင်ပါကြောင်း ဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)

       စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးမင်းမင်းစိုး (ဌာနခွဲစာရေး)နှင့်  ဝန်ထမ်းများသည် ဒဂုံမြို့သစ်ခရိုင်၊ ဒဂုံဆိပ်ကမ်းမြို့နယ်၊ မြို့နယ်စည်ပင်သာယာရေးကော်မတီမှ တာဝန်ရှိသူများနှင့်ပူးပေါင်းပြီး ဆန်ရောင်းချမှုအခြေအနေများကို ကွင်းဆင်းအသိ ပညာပေးမှုများဆောင်ရွက်လျက်ရှိရာ (၃.၁၂.၂၀၂၅)ရက်နေ့၊ နေ့လယ်(၁၂:၃၀)နာရီအချိန်တွင် သိရိကျော်တင်လမ်း၊ (၁၆၈)ရပ်ကွက်၊ ဒဂုံဆိပ်ကမ်းမြို့နယ် ပြည့်လျံ ဆန်ရောင်းဝယ်ရေး အရောင်းဆိုင်သို့သွားရောက်၍ ကွင်းဆင်းအသိပညာပေးမှုများ ဆောင်ရွက်ခဲ့ကြကြောင်း သိရှိရပါ သည်။

           ထိုသို့ ကွင်းဆင်းအသိပညာပေးရာတွင် ဆန်ဆိုင်များရှိ ရောင်းချနေသောဆန်များသည်      ရက်(၉၀)၊‌ ဆင်းသွယ်၊ ရွှေဘိုပေါ်ဆန်း၊ ဖျားပုံကြာပျံ၊ ပုသိမ်ပေါ်ဆန်း၊ ပေါ်ဆန်း(ခွန်နီ) ၊တောင်ပျံစသည့်ဆန်များရောင်းချလျက်ရှိပြီး၊ သတ်မှတ်ရည်ညွှန်းဈေးအတိုင်းရောင်းချနေခြင်း ရှိ/မရှိတို့ကိုစစ်ဆေးခဲ့ပြီး ဆန်များကို ဈေးနှုန်း အဆမတန်ရောင်းချမှုမရှိစေရေးနှင့် ရောင်းချခြင်း ကိုစိစစ်တွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမှာဖြစ်ကြောင်း အသိပေးပြောကြားခဲ့ကြောင်း သတင်းရရှိပါသည်။

DOCA(ရန်ကုန်)

          (၃.၁၂.၂၀၂၅) ရက်နေ့၊ နံနက် (၁၁း၅၀)နာရီအချိန်ခန့်တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ အရှေ့ပိုင်းခရိုင်ဦးစီးမှူး ဦးဇော်မင်းလတ်နှင့်ဝန်ထမ်းများက ဦးဆောင်လျက် ဆီလုပ်ငန်းရှင်များအသင်းမှ တာဝန်ရှိသူများနှင့် သက်ဆိုင်ရာမြို့နယ်အုပ်ချုပ်ရေးမှုးများ၊ စားအုန်းဆီဝယ်ယူဖြန့်ဖြူးရောင်းချသည့်ကုမ္မဏီမှ တာဝန်ရှိသူများ လက်ကားကိုယ်စားလှယ်များ၊ လက်လီကိုယ်စားလှယ်များနှင့် ရက်ကွက်အုပ်ချုပ်ရေးမှူးများပူးပေါင်း၍ စားအုန်းဆီဖြန့်ဖြူးသည့် အိမ်ထောင်စုများသို့ ကွင်းဆင်းစစ်ဆေးဆောင်ရွက်ခဲ့ကြောင်း သိရှိရပါသည်။

          ထိုသို့စစ်ဆေးရာတွင် ဦးဇော်မင်းလတ် (ခရိုင်ဦးစီးမှူး)က  ဒဂုံဆိပ်ကမ်းမြို့နယ်အတွင်း စားအုန်းဆီအရောင်းဆိုင်များ၊ သတ်မှတ်ဈေးနှုန်းများဖြင့်ရောင်းချမှုရှိ/ မရှိ၊ သတ်မှတ်ချိန်အတွင်းရောင်းချရန်၊ ပြည်သူများလစဉ်သတ်မှတ်ဆီပိဿာရရှိမှုရှိ/ မရှိ၊ စားအုန်းဆီဈေးကစားမှုများ မရှိ‌စေရန် သွားရောက်စစ်ဆေးကြပ်မတ်ခဲ့ပြီး ဒဂုံဆိပ်ကမ်းမြို့နယ်၊ အမှတ် (၁၆၈)ရပ်ကွက်ရှိ အိမ်ထောင်စုများအား မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

          စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှစစ်ဆေးရေးအရာရှိဒေါ်မိုးမိုးကြည်နှင့် ဝန်ထမ်းများသည် (၃.၁၂.၂၀၂၅) ရက်နေ့၊ နေ့လယ် (၁၃:၀၀)နာရီအချိန်တွင် ZK3 Online Shopမှ အဝတ်အထည်၊ အထည်အလိပ်နှင့် ဆက်စပ်ပစ္စည်းများအား အမှတ်(၆၆)၊ မြဝတ်ရည် လမ်း၊ (ဆ/ခ)ရပ်ကွက်၊  သင်္ဃန်းကျွန်းမြို့နယ်သို့ သွားရောက် ၍ Online Sale မှတ်ပုံတင်မြေပြင် စစ်ဆေးခြင်းဆိုင်ရာ အချက်အလက်များ ကိုက်ညီမှုရှိ/ မရှိကို စစ်ဆေးခဲ့ကြောင်း သိရှိရပါသည်။

      ကွင်းဆင်းစစ်ဆေးရာတွင် စစ်ဆေးရေးအရာရှိက အွန်လိုင်းစနစ်နဲ့ ရောင်းချခြင်းလုပ်ငန်းနှင့် ပတ်သက်၍ မြေပြင်စစ်ဆေးရမည့် အချက်(၁၈) ချက်နှင့် ကိုက်ညီမှု ရှိ/မရှိ စစ်ဆေးခြင်းနှင့် အွန်လိုင်းစနစ်နှင့် ရောင်းချခြင်းလုပ်ငန်းလုပ်ကိုင်ခြင်းကို အရေးကြီးကုန်စည်ဝန်ဆောင်မှုဥပဒေအဖြစ် သတ်မှတ်ထားခြင်းဖြစ်ကြောင်းနှင့် စီးပွားရေးလုပ်ငန်းရှင်အား စားသုံးသူကာကွယ်ရေးဥပ‌ဒေပါ စီးပွားရေးလုပ်ငန်းရှင်၏ တာဝန်များအတိုင်း လိုက်နာဆောင်ရွက်စေလိုကြောင်း အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)