HighLight News

            စားသုံးသူရေးရာဦးစီးဌာန၊ မန္တလေးတိုင်းဒေသကြီး၊မိတ္ထီလာခရိုင်၊ ခရိုင်ဦးစီးမှူး၏ လမ်းညွှန်မှုဖြင့် မိတ္ထီလာမြို့နယ်တာဝန်ခံနှင့် ဝန်ထမ်းများသည် ၂၀၂၅ ခုနှစ်၊ ဇူလိုင်လ ၁၇ ရက်နေ့တွင် အထွေထွေအုပ်ချုပ်ရေးဦးစီးဌာန၊မြို့နယ်စိုက်ပျိုးရေးဦးစီးဌာန၊ နယ်စည်ပင်သာယာရေးအဖွဲ့ပါဝင်သော ပူးပေါင်းအဖွဲ့ဖြင့် မိတ္ထီလာမြို့မဈေးကြီးအတွင်းရှိ စိုက်ပျိုးရေးပစ္စည်းအရောင်းဆိုင်များ၌  ကွင်းဆင်း စစ်ဆေးခဲ့ပါသည်။

             ထိုသို့ ကွင်းဆင်းစစ်ဆေးခဲ့ရာတွင်  စိုက်ပျိုးရေးအရောင်းဆိုင်များ၌  တရားမဝင်ပိုးသတ်ဆေးနှင့် ပေါင်းသတ်ဆေးများရှိ/ မရှိ၊ CPA သတ်တမ်းလွန်နေခြင်းရှိ/ မရှိ၊ ရောင်းချခွင့်လိုင်စင်များရှိ/ မရှိ၊ စိုက်ပျိုးရေးဆေးရောင်းချသူများသည် စိုက်ပျိုးရေးမှဖွင့်လှစ်သော သင်တန်းများ တက်ရောက်ထားခြင်းရှိ/ မရှိစစ်ဆေးခဲ့ကြောင်း၊ စိုက်ပျိုးရေးအရောင်းဆိုင်များမှ စိုက်ပျိုးရေးသုံးပစ္စည်းများ ရောင်းချရာတွင် လက်အိတ်၊ mask များတပ်ဆင်၍ ရောင်းချရေး၊ ဆေးကြောရန် ရေဘေစင်များထားရှိရေး၊ ရောင်းချသည့် အရောင်းဆိုင်များ၏ လေဝင်၊ လေထွက် ကောင်းမွန်စေရန်၊ ဆေးရောင်းချသည့် ဆိုင်များအတွင်း ကလေးသူငယ်များနှင့် အစားသောက်များ မထားရှိရေး၊သက်ဆိုင်ရာ ဥပဒေလုပ်ထုံးလုပ်နည်း စည်းကမ်းချက်များနှင့် အညီ လိုက်နာဆောင်ရွက်နိုင်ရေး အသိပေးပြောကြားခဲ့ကြောင်း သတင်းရရှိပါသည်။

DOCA(မန္တလေး)

          စားသုံးသူရေးရာဦးစီးဌဦန၊ မိတ္ထီလာခရိုင်ဦးစီးမှူးရုံးတွင် ခရိုင်ဦးစီးမှူးဦးဆောင်၍ ၂၀၂၅ ခုနှစ် ဇူလိုင်လ (၂၂) ရက်နေ့၌ မိတ္ထီလာခရိုင်နှင့် ရမည်းသင်းခရိုင်ရှိ ကုန်သည်လုပ်ငန်းရှင်များအား ခရိုင်ဦးစီးမှူးရုံးတွင် Online Shopping ရောင်းချခြင်းနှင့် စပ်လျဉ်း၍ ရှင်းလင်းဆွေးနွေးပွဲ ကျင်းပခဲ့ကြောင်း သိရသည်။

           ရှင်းလင်းဆွေးနွေးရာ၌ ခရိုင်းဦးစီးမှူးမှ အွန်လိုင်းစနစ်ဖြင့် ကုန်စည်/ဝန်ဆောင်မှု ရောင်းချခြင်းများနှင့်စပ်လျဉ်း၍ လုပ်ငန်းလုပ်ကိုင်သူများအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီး ဌာန၏ www.ecomreg.com.mm တွင် မှတ်ပုံတင်ခြင်း ဆောင်ရွက်ရမည်ဖြစ်ကြောင်း၊ အွန်လိုင်းစနစ်ဖြင့် ရောင်းချသူများအနေဖြင့် မှတ်ပုံတင်လျှောက်ထားရန်အတွက် ကုမ္ပဏီဖြစ်ပါက ကုမ္ပဏီမှတ်ပုံတင် လက်မှတ် SMEs မှတ်ပုံတင်လက်မှတ်များ တင်ပြရန်လိုအပ်ပြီး တစ်ဦးချင်းဖြစ်ပါက တင်ပြရန်မလိုအပ်ပါကြောင်း၊ ရောင်းချမည့်ဆိုင်လိပ်စာမှန်ကန်ကြောင်း ရပ်ကွက်ထောက်ခံစာနှင့် ရဲစခန်းထောက်ခံစာ၊ လိုင်စင်ဓါတ်ပုံ၊ Online Sale Owner ၏ မှတ်ပုံတင်၊ နေထိုင်ကြောင်း လိပ်စာမှန်ကန်ကြောင်း၊ ရပ်ကွက်ထောက်ခံစာ၊ ရဲစခန်းထောက်ခံစာ၊ Online Sale Lago များ ပြင်ဆင်ထားရန်လိုအပ်ကြောင်း Online Sale လျှောက်ထားရာတွင် email သို့မဟုတ် Mobile Phone Number ဖြင့် Sing Up (Register) ပြုလုပ်၍ ဆောင်ရွက်ရမည်ဖြစ်ကြောင်း၊ Online Shopping မှတ်ပုံတင်လျှောက် ထားခြင်းမရှိပဲ Online မှ ‌ရောင်းဝယ်မှုများပြုလုပ်ခြင်းများတွေ့ရှိပါက အရေးကြီးကုန်စည်နှင့် ဝန်ဆောင်မှုဥပဒေအရ၊ ပုဒ်မ (၅) အရ အရေးယူခံရမည်ဖြစ်ကြောင်းနှင့် မှတ်ပုံတင်ခြင်း ဆောင်ရွက်ရာတွင် အမှန်တကယ်ဆောင်ရွက်မှုရှိ/ မရှိကို စားသုံးသူရေးရာဦးစီးဌာနမှ မြေပြင်ကွင်းဆင်းဆောင်ရွက်လျက်ရှိကြောင်း၊ ရှင်းလင်းဆွေးနွေးပွဲသို့ တက်ရောက်လာသူများအနေဖြင့် အွန်လိုင်းစနစ်ကို ကိုယ်တိုင်လုပ်ကိုင်ခြင်းမရှိပါကလည်း မိမိတို့ပတ်ဝန်းကျင်၌ လုပ်ကိုင်ဆောင်ရွက်သူများရှိပါက အသိပေးပြောကြားပေးရန်ဖြစ်ကြောင်း၊ ယခုအခါ အွန်လိုင်းစနစ်ဖြင့် ရောင်းချနေသော စားသောက်ကုန်၊ လူသုံးကုန်၊ ဝန်ဆောင်မှုစသည်တို့မှာ များစွာရှိကြောင်း၊ အွန်လိုင်းစနစ်ကို မှတ်ပုံတင်ခြင်းအားဖြင့် လုပ်ငန်းလုပ်ကိုင်သူနှင့် ဝယ်ယူစားသုံးသူနှစ်ဦးနှစ်ဖက် လုံခြုံစိတ်ချရမှုရှိမည်ဖြစ်ကြောင်း ပြောကြားခဲ့ကြောင်း သိရှိရပါသည်။

DOCA(မန္တလေး)

         ဝမ်းတွင်းမြို့နယ်အထွေထွေအုပ်ချုပ်ရေးမှူး၏ ဦးဆောင်မှုနှင့် စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူး၏ ပူးပေါင်းဆောင်ရွက်မှုတို့ဖြင့် ဝမ်းတွင်းမြို့နယ် ဆန်စက်လုပ်ငန်းရှင်များအသင်း၏ ၂၀၂၅-၂၀၂၈ သက်တမ်းအတွက် အလုပ်အမှုဆောင်ရွေးချယ်ဖြင်းကို ၂၀၂၅ ခုနှစ်၊ ဇူလိုင်လ (၂၄) ရက်နေ့တွင် ဝမ်းတွင်းမြို့ အထွေထွေအုပ်ချုပ်ရေးဦးစီးဌာနတွင် ကျင်းပခဲ့ပါသည်။

        ဆွေးနွေးပွဲတွင် ဝမ်းတွင်းမြို့နယ် အထွေထွေအုပ်ချူပ်ရေးမှူးက ဝမ်းတွင်းမြို့နယ်တွင် ဆန်စက်များစွာရှိပြီး လုပ်ငန်းရှင်များစုဖွဲ့မှုရှိဖို့လိုကြောင်း၊ တစ်ဦးတစ်ယောက်တည်းထက် အများစုပေါင်းဆောင်ရွက်ခြင်းမှာ အောင်မြင်မှုပိုမိုရရှိကြောင်း၊ လုပ်ငန်းရှင်များ အောင်မြင်တိုးတက်ခြင်းမှာ ဒေသဖွံ့ဖြိုးတိုးတက်မှုပင်ဖြစ်ကြောင်းပြောကြားခဲ့ပြီး၊ စားသုံးသူရေးရာဦးစီးဌာန၊ ခရိုင်ဦးစီးမှူးကလည်း ဌာနအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှု ဖွံ့ဖြိုးတိုးတက်ရေးကိုလည်း ဆောင်ရွက်နေရာ ယခုအသင်းအလုပ်မှုဆောင်ပြန်လည် ရွေးချယ်ရေးကိုလည်း မန္တလေးတိုင်းဒေသကြီး အစိုးရအဖွဲ့နှင့် စားသုံးသူရေးရာဦးစီးဌာန၊ တိုင်းဒေသကြီးဦးစီးရုံး၏ လမ်းညွှန်မှု၊ မန္တလေးတိုင်းဒေသကြီး ဆန်စက်လုပ်ငန်းရှင်များအသင်း၏ မေတ္တာရပ်ခံချက်တို့အရ ပူးပေါင်းဝိုင်းဝန်း ဆောင်ရွက်ခြင်းဖြစ်ကြောင်း၊ အလုပ်အမှုဆောင်အဖွဲ့ဝင်များမှာ အသင်းဝင်များ၏ အကျိုးကို ဆောင်ရွက်လိုသော ပရဟိတစိတ်ဖြင့် တက်ကြွစွာဆောင်ရွက်ရန်လိုကြောင်း၊ ဆန်စက်လုပ်ငန်းရှင်များမှ ဆန္ဒပြုသဘောတူရွှေးချယ်တင်မြှောက်ကြရန်ဖြစ်ကြောင်း၊ ဆန်စက်အသင်း ဆန်စက်လုပ်ငန်းများ ဖွံ့ဖြိုးတိုးတက်ရန်မှာ လုပ်ငန်းရှင်များနှင့် သက်ဆိုင်ရာဌာနများ ဝိုင်းဝန်းပူးပေါင်းဆောင်ရွက် ရန်လိုကြောင်းပြောကြားခဲ့ပြီး၊ ဝမ်းတွင်းမြို့နယ် ဆန်စက်လုပ်ငန်းရှင်များအသင်း၏ ၂၀၂၅-၂၀၂၈ သက်တမ်းအတွက် အလုပ်အမှုဆောင်အဖွဲ့ကို လုပ်ငန်းရှင် (၁၇) ဦးဖြင့် ပြန်လည်ဖွဲ့စည်းခဲ့ကြောင်း သိရှိရပါသည်။

DOCA(မန္တလေး)

           စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး ခရိုင်ဦးစီးမှူး လမ်းညွှန်မှုဖြင့် ဒု-ခရိုင်ဦးစီးမှူးနှင့်ဝန်ထမ်းများသည် ၂၀၂၅ ခုနှစ်၊ ဇူလိုင်လ ၂၈ ရက်နေ့ တွင် ဝမ်းတွင်းမြို့နယ်၊ ရွာတန်းရှည်ကျေးရွာအုပ်စု ၊ လျှော်ပင်ကျေးရွာရှိ  Wai Aung အထည်လိပ်၊ အဝတ်အထည်နှင့် ဆက်စပ်ပစ္စည်း လုပ်ငန်းသို့ မြေပြင်ကွင်းဆင်းစစ်ဆေးခဲ့ကြောင်း သိရသည်။

       အဆိုပါ ကွင်းဆင်းစစ်ဆေးရာတွင် စစ်ဆေးရေးအရာရှိမှ Online စနစ်ဖြင့်ရောင်းချခြင်းလုပ်ငန်းများနှင့် ပတ်သတ်၍ အချက်အလက်နှင့် ကိုက်ညီမှုရှိ/ မရှိ စစ်ဆေးခြင်း၊ လူသုံးကုန်ပစ္စည်းများတွင် မြန်မာဘာသာဖြင့် ကုန်အညွှန်းအမှတ်သား ပြည့်စုံစွာပါဝင်ခြင်းရှိ/ မရှိ ဈေးကွက်စောင့်ကြည့် စစ်ဆေးခြင်းနှင့် Online စနစ်ဖြင့် ရောင်းချခြင်းလုပ်ငန်းကို အရေးကြီးကုန်စည်နှင့် ဝန်ဆောင်မှုဥပဒေအဖြစ် သတ်မှတ်ထားကြောင်း၊ အခြားသိကောင်းစရာများအား အသိပညာပေးကွင်းဆင်းစစ်ဆေးခဲ့ကြောင်း သိရှိရပါသည်။

DOCA(မန္တလေး)

         စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး၏ လမ်းညွှန်မှုဖြင့် ဒု-ခရိုင်ဦးစီးမှူးနှင့်ဝန်ထမ်းများသည်  ၂၀၂၅ ခုနှစ် ဇူလိုင်လ ၂၈ ရက်နေ့တွင် ဝမ်းတွင်းမြို့နယ်၊ ဆင်ချည်တိုင်ကျေးရွာရှိ “ရွှေနန်းထိုက်” ကြက်သွန်ကြော်လုပ်ငန်းအား လုပ်ငန်းလုပ်ကိုင်ရာတွင် ကုန်အညွှန်းအမှတ်အသားများဖော်ပြခြင်းနှင့် ဈေးကွက်အတွင်းဖြန့်ဖြူးရောင်းချရာတွင် ကုန်အညွှန်းအမှတ်အသားများ ကိုက်ညီမှုရှိ/ မရှိအား ဈေးကွက်မရောက်မီကွင်းဆင်းစစ်ဆေးရာတွင် စားသုံးသူရေးရာဦးစီးဌာနမှ ဝန်ထမ်းများ၊ စစ်ဆေးရာတွင် ပူးပေါင်းပါဝင်ခဲ့သည့်ဌာနများနှင့် အတူ ကွင်းဆင်းစစ်ဆေးခဲ့ပြီး၊ စီးပွားရေးလုပ်ငန်းရှင်များအား ပစ္စည်းများ၏ ထုတ်ပိုးမှုအပြင်အဆင်ပေါ်တွင် စားသုံးသူကာကွယ်ရေး ဥပဒေပါအခန်း (၁၈) ၌ပါရှိသည့် ကုန်အညွှန်းအမှတ်အသားများ ပြည်စုံစွာပါရှိစေရန်နှင့် ထုပ်ပိုးသည့် ကုန်ပစ္စည်းများအား သန့်ရှင်းသပ်ရပ်စေရန်နှင့် ဈေးကွက်အတွင်းတင်ပို့ရောင်းချရာတွင် ကုန်အညွှန်းအမှတ်အသားများ ပြည့်စုံစွာပါရှိသည့် ပစ္စည်းများကိုရောင်းချပါရန် အသိပညာပေးဟောပြောခဲ့ကြောင်း သိရှိရပါသည်။

DOCA(မန္တလေး)