HighLight News

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ အရေးကြီးကုန်စည်နှင့် ဝန်ဆောင်မှုဥပဒေအရ Online Sale ရောင်းဝယ်မှုများအား အရေးကြီးဝန်ဆောင်မှုအဖြစ်သတ်မှတ်ထားသဖြင့် ကုန် သွယ်ရေးဦးစီးဌာနသို့ မှတ်ပုံတင်လျောက်ထားလာသည့် Online လုပ်ငန်းများကို စားသုံးသူရေးရာ ဦးစီးဌာနမှ မြေပြင်ကွင်းဆင်းစစ်ဆေးမှုများ ဆောင်ရွက်လျက်ရှိရာ ကြံခင်းမြို့၊ ရွာသစ်ရပ်ကွက်၊ ဝတိံသာလမ်း၊ အမှတ်(၁၄၄)ရှိ "Hsu Online Shop " ဖန်စီပစ္စည်းများ၊ အလှကုန်ပစ္စည်းများ၊ ဖက်ရှင်အသုံးအဆောင်ပစ္စည်းများ၊ လူသုံးကုန်ပစ္စည်းများ၊ အထည်အလိပ်၊ အဝတ်အထည်နှင့် ဆက်စပ်ပစ္စည်းများ အရောင်းဆိုင်သို့ အွန်လိုင်းမှတ်ပုံတင်စဉ်ကရောင်းချရန် တင်ပြထားသော ကုန်စည်(သို့) ဝန်ဆောင်မှုအမျိုးအစားစာရင်းအတိုင်း မြေပြင်အခြေအနေနှင့် ကိုက်ညီမှု ရှိ/ မရှိ ကွင်းဆင်းစစ်ဆေးခြင်းကို (၇.၇.၂၀၂၆) ရက်နေ့ နေ့လယ် (၁၃:၃၀) နာရီအချိန်တွင် ကြံခင်းမြို့နယ်တာဝန်ခံ ဦးကျော်နိုင်ဝင်းက မြေပြင်ကွင်းဆင်းစစ်ဆေးခြင်းကို ဆောင်ရွက်ခဲ့ကြောင်း သိရပါသည်။

     ထိုသို့ မြေပြင်ကွင်းဆင်းစစ်ဆေးမှုများ ဆောင်ရွက်ရာတွင် "Hsu Online Shop " ဖန်စီပစ္စည်းများ၊ အလှကုန်ပစ္စည်းများ၊ ဖက်ရှင်အသုံးအဆောင်ပစ္စည်းများ၊ လူသုံးကုန်ပစ္စည်းများ၊ အထည်အလိပ်၊ အဝတ်အထည်နှင့် ဆက်စပ်ပစ္စည်းများ အရောင်းဆိုင်သည် လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တစ်ကယ်တည်ရှိခြင်း၊ မှတ်ပုံတင်လက်မှတ်လျှောက်ထားစဉ်က ရောင်းချရန်တင်ပြထားသောကုန်စည်(သို့) ဝန်ဆောင်မှု အမျိုးအစားစာရင်းအတိုင်း မြေပြင်တွင် အမှန်တစ်ကယ် ရောင်းချလျက်ရှိကြောင်း၊ စာရင်းကိုက်ညီမှုရှိခြင်း စသည်တို့ကို တွေ့ရှိရကြောင်း သတင်းရရှိပါသည်။

DOCA (ဧရာဝတီ)

       ၂၀၀၂၆ ခုနှစ်၊ ဇူလိုင်လ (၆) ရက်နေ့တွင် ဓနုဖြူမြို့နယ်စားသုံးသူရေးရာဦးစီးဌာနမှ ဝန်ထမ်းများသည် မြို့နယ်အတွင်းရှိ ဆန်လက်လီ/လက်ကားအရောင်းဆိုင်များသို့ ကွင်းဆင်း၍ ဆန်ဈေးနှုန်းတည်ငြိမ်မှုရှိ/မရှိ၊ ရည်ညွှန်းဈေးနှုန်းများနှင့်အညီ ရောင်းချလျက်ရှိမရှိ၊ ဆန်လက်ကျန် အခြေအနေနှင့် ရောင်းဝယ်ဖြန့်ဖြူးမှုအခြေအနေများကို စစ်ဆေးခဲ့ကြောင်း သိရသည်။

     စစ်ဆေးရာတွင် ဓနုဖြူမြို့နယ် စားသုံးသူရေးရာဦးစီးဌာနမှ ဦးခိုင်လွမ်းမိုးက ဒေသတွင်း ရောင်းချနေသော ဆန်အမျိုးအစားအလိုက် ရောင်းချလျက်ရှိသောဈေးနှုန်းများ၊ ဈေးနှုန်းစာရင်းများကို ထင်ရှားစွာဖော်ပြထားခြင်းရှိ/မရှိ၊ ဈေးနှုန်းမတန်တဆမြှင့်တင်ရောင်းချခြင်း၊ ကုန်ပစ္စည်းသိုလှောင်၍ ဈေးကစားခြင်းများ မပြုလုပ်ကြရန် ဆိုင်ရှင်များအား အသိပညာပေးဆွေးနွေးခဲ့ကြောင်း သိရသည်။

         ထို့ပြင် စီးပွားရေးလုပ်ငန်းရှင်များအား သက်ဆိုင်ရာဌာနများမှ သတ်မှတ်ထုတ်ပြန်ထားသော ရည်ညွှန်းဈေးနှုန်းများနှင့် အညီ ရောင်းချရန်၊ စားသုံးသူများ အလွယ်တကူသိရှိနိုင်စေရန် ဈေးနှုန်းများကို ထင်ရှားစွာဖော်ပြထားရန်နှင့် ဈေးကွက်တည်ငြိမ်ရေးအတွက် ပူးပေါင်း ဆောင်ရွက်ကြရန် အသိပညာပေးခဲ့ကြောင်း သိရသည်။

        ယင်းသို့ ကွင်းဆင်းစစ်ဆေးခြင်းသည် ဈေးကွက်အတွင်း ဆန်ဈေးနှုန်းတည်ငြိမ်စေရန်၊ စားသုံးသူများ မျှတသောဈေးနှုန်းဖြင့် ဝယ်ယူနိုင်စေရန်နှင့် ဈေးကစားခြင်း၊ မတရားဈေးနှုန်းမြှင့် တင်ရောင်းချခြင်းများ မဖြစ်ပေါ်စေရန် ရည်ရွယ်၍ ဆောင်ရွက်ခြင်းဖြစ်ကြောင်း သိရှိရပါသည်။

DOCA(ဧရာဝတီ)

       စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးသို့ ပန်းတနော်မြို့နယ် ဆန်စက်လုပ်ငန်းရှင်များမှ ခရိုင်ဦးစီးမှူး ဦးအောင်လွင်နှင့် ၂၀၂၆ခုနှစ် ဇူလိုင်လ ၆ရက်နေ့က လာရောက်တွေ့ဆုံ၍  ပြည်တွင်းကုန်သွယ်မှုဖွံ့ဖြိုးရေး၊ ဆန်စပါးကြိတ်ခွဲမှုနှင့်စပ်လျဉ်း၍ဆွေးနွေးခြင်းကို ဆောင်ရွက်ခဲ့ပါသည်

        ထိုသို့တွေ့ဆုံ ဆွေးနွေးရာတွင် ခရိုင်ဦးစီးမှူးမှ ဈေးကွက်အတွင်း ကုန်စည်များ စပါးဆန်များ ပြတ်လပ်မှုမရှိစေရေး၊ သင့်တင့်မျှတသော ဈေးကွက်ဈေးနှုန်းဖြင့် ဆန်များဖြန့်ဖြူး ရောင်းချနိုင်ရေးကိုဌာနမှ လမ်းညွှန်ကြော်ငြာချက်ပါ ဆန်ဈေးနှုန်းများနှင့် အညီ ရောင်းချရန်၊ ဈေးနှုန်းမြှင့် တင်‌ရောင်းချခြင်း၊ အရည်အသွေး မမှန်မကန် ရောင်းချခြင်းများ မပြုလုပ်ရန် ဆွေးနွေးပါသည်။ ထို့အပြင် စီးပွားရေးလုပ်ငန်းရှင်များအနေဖြင့် ဆန်ဈေးကွက်ရှိရာ မြို့နယ်အတွင်း/ မြို့နယ်ပြင်ပများသို့ ချိတ်ဆက်တင်ပို့ရောင်းချခြင်း၊ တိုင်းပြင်ပများသို့ ဆန်များတင်ပို့ရောင်းချရာတွင် ကုန်တင်လွှာစနစ်ဖြင့် တင်ပို့ရောင်းချခြင်းများအား ပူးပေါင်းဆောင်ရွက်ရန် လိုအပ်ကြောင်း၊ သက်ဆိုင်ရာဌာနများ၏ ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊ ဆန်စပါးကဏ္ဍဖွံ့ဖြိုးတိုးတက်စေရေး ပူးပေါင်းဆောင်ရွက်သွားရန်နှင့် စပါးဝယ်ယူရရှိမှုအခြေအနေ၊ ကြိတ်ခွဲမှုပုံစံ၊ အခြောက်ခံမှု၊ လုပ်သားအင်အား၊ ဖြန့်ဖြူးမှုအခြေအနေ၊ ရင်းနှီးမြုပ်နှံမှု၊ အကျိုးအမြတ်တို့ကို ဆွေးနွေးခဲ့ပြီး၊ ဆန်စပါးသိုလှောင်ရုံမှတ်ပုံတင်လုပ်ငန်းစဉ်များ ဆောင်ရွက်ထားမှု ရှိ/ မရှိ၊ လုပ်ငန်းရှင်ဘက်မှလည်း လုပ်သားရှားပါးမှုနှင့် စပါးဈေးနှုန်း အနိမ့်အမြင့်အပေါ် ကြိတ်ခွဲထုတ်လုပ်လျက်ရှိကြောင်း သိရှိလိုသည်များကို မေးမြန်း၍ ခရိုင်ဦးစီးမှူးမှ ပြန်လည်ဖြေကြား ဆွေးနွေးပေးခဲ့ကြောင်း သိရှိရပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်တွင် Rice Export Zone အစီအစဉ်ဖြင့် ဆောင်ရွက်သည့် ၂၀၂၆-၂၀၂၇ ခုနှစ် မိုးစပါးစိုက်ပျိုးသည့် တောင်သူများအား စိုက်ပျိုးစရိတ်နှင့် သွင်းအားစု ပေးအပ်ပွဲအခမ်းအနားကို ၂၀၂၆ခုနှစ် ဇူလိုင်လ ၆ ရက်နေ့ က မြို့နယ်အထွေထွေအုပ်ချုပ်ရေး အစည်းအဝေးခန်းမတွင်  ဆုံဆည်းမြိုင်လုပ်ငန်းစု ကုမ္ပဏီလီမိတက်မှ တောင်သူများအားစိုက်ပျိုးစရိတ်ပေးအပ်ပွဲ အခမ်းအနားကျင်းပခဲ့ကြောင်း သိရသည်။

         ပန်းတနော်မြို့နယ် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ခရိုင်အဆင့် R.E.Z လုပ်ငန်းကြီးကြပ်မှု ကော်မတီဥက္ကဋ္ဌ တို့က အဖွင့်အမှာစကားပြောကြားခဲ့ပြီး ပန်းတနော်မြို့နယ် စိုက်ပျိုးရေးဦးစီးဌာနမှ ခရိုင်ဦးစီးမှူးက မြို့နယ်အတွင်း Rice Export Zone လုပ်ငန်းစဉ်များနှင့်ပတ်သက်၍ ရှင်းလင်းပြောကြားခဲ့သည်။ ထို့နောက် Rice Exporter Zone ကုမ္မဏီများမှ တာဝန်ရှိသူများက မြို့နယ်အတွင်း တောင်သူများနှင့် ဆက်စပ်လုပ်ကိုင်လျက်ရှိသည့် လုပ်ငန်းစဉ်များကို အသီးသီးရှင်းလင်းတင်ပြခဲ့သည်။ ထို့နောက် ခရိုင်ဥက္ကဋ္ဌနှင့် တာဝန်ရှိသူများမှ စိုက်ပျိုးစရိတ်နှင့် သွင်းအားစု ဓါတ်မြေဩဇာများကို တောင်သူများထံ အသီးသီးပေးအပ်ခဲ့ကြကြောင်း သိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ ညောင်တုန်းမြို့ပေါ်ရှိ အခြေခံပညာကျောင်းများတွင် ရောင်းချနေသော ကျောင်းမုန့်ဈေးဆိုင်များတွင် ဘေးအန္တရာယ်ရှိသော အစားအသောက်များ ရောင်းချမှုရှိမရှိ ရှောင်တခင်ဝင်ရာက် စစ်ဆေးခြင်းကို မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာနမှ ဦးဆောင်၍ ဇူလိုင်လ ၆ ရက် နံနက်ပိုင်းက ဆောင်ရွက်ခဲ့ကြောင်း သိရသည်။

  ကျောင်းမုန့်ဈေးဆိုင်များမှ ဝယ်ယူစားသောက်နေသော ကျောင်းသား/ကျောင်းသူများအား အစားအသောက်များမှတဆင့် ဘေးအန္တရာယ်မဖြစ်ပွားစေရေးအတွက် ရက်လွန်မုန့်များ ရောင်းချမှုရှိ/မရှိ၊ မုန့်ထုတ်များတွင် ပါဝင်ပစ္စည်းများကို မြန်မာစာဖြင့် ဖော်ပြထားခြင်းရှိမရှိ၊ အခြားအစားအသောက်များကို ယင်နားစာများမဖြစ်အောင် လုံခြုံစွာဖုန်းအုပ်ထားရန်နှင့် ဈေးရောင်းချသူများက နှာခေါင်းစည်းများ၊ လက်အိတ်များဖြင့် သန့်ရှင်းသပ်ရပ်စွာ ရောင်းချခြင်းရှိ မရှိတို့ကို တာဝန်ရှိသူများက စစ်ဆေးဆောင်ရွက်ခဲ့ပြီး အသိပညာပေး ဆွေးနွေးမှာကြားခဲ့ကြောင်း သတ်မှတ်ချက်များကို လိုက်နာဆောင်ရွက်ခြင်းမရှိပါက သက်ဆိုင်ရာဥပဒေများ၊ စားသုံးသူရေးရာဦးစီးဌာန၏ စီမံခန့်ခွဲရေး နည်းလမ်းများအရ အရေး ယူဆောင်ရွက်သွားမည်ဖြစ်ကြောင်းကို မုန့်ဈေးတန်းဆိုင်ရှင်များကို မှာကြားခဲ့ကြောင်း သိရှိရပါသည်။

DOCA(ဧရာဝတီ)