HighLight News

             စားအုန်းဆီဈေးကွက်ဖြန့်ဖြူးရေးနှင့်ပတ်သက်၍ ကုမ္ပဏီများမှတစ်ဆင့်ခံ လက်လီ/ လက်ကား ကိုယ်စားလှယ်များသို့ ရောင်းဝယ်ဖောက်ကားရမည့် လက်ကားရည်ညွှန်းဈေးနှုန်း ထုတ်ပြန်ချက်အရ (၂%) အမြတ်ထက်မပိုသောဈေးနှုန်းဖြင့် ဈေးကွက်အတွင်း ဖြန့်ဖြူးရောင်းချရန်နှင့် ဈေးကွက်အတွင်း ဈေးနှုန်းမြှင့်တင်ရောင်းချခြင်း ဈေးကစားရန်ရည်ရွယ်ချက်ဖြင့် သိုလှောင်မှုများပြုလုပ်ပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဟု အသိပေးထုတ်ပြန်ထားပြီးဖြစ်ကြောင်း သိရသည်။

            ယခုအခါ မြို့နယ်များတွင် စာအုပ်စနစ်ဖြင့်ရောင်းချပေးနေပြီး စာအုပ်တစ်အုပ်လျှင် တစ်ပတ် ၅၀ ကျပ်သားနှုန်း၊ ၁ ပိဿာနှုန်းတို့ဖြင့် (၁၀) ရက်လျှင်တစ်ကြိမ်ရောင်းချပေးနေ ကြောင်း၊ တန်းစီတိုးဝယ်ယူရသည့်စနစ်ပပျောက်ပြီး စာအုပ်စနစ်ဖြင့်သာ ကြိုက်နှစ်သက်သည့်အချိန် အဆင်ပြေသည့်အချိန် သတ်မှတ်ထားသည့်အချိန်တွင် လာရောက်ဝယ်ယူနေ ကြောင်း တွေ့ရှိခဲ့ရပါသည်။ 

           အနောက်ပိုင်းခရိုင်ဦးစီးမှူးရုံးအနေဖြင့်လည်း မြို့နယ်များတွင် စားအုန်းဆီရောင်းချလျှက်ရှိသည့်ဆိုင်များအား အပတ်စဉ်၊ လစဉ် ကွင်းဆင်းဆောင်ရွက်လျက်ရှိကြောင်းသိရှိရပါ သည်။

DOCA(ရန်ကုန်)

         ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌စားအုန်းဆီဈေးကွက်တွင် မှောင်ခိုရောင်းချနေခြင်းများဖြစ်ပေါ်နေမှုအခြေအနေအား နိုဝင်ဘာလ(၃၀)ရက်နေ့၊ နေ့လယ် (၁၀:၃၀)နာရီအချိန်တွင် စည်ပင်သာယာမြို့မဈေးအတွင်း/ အပြင်နှင့် ရပ်ကွက်များရှိ ကုန်ခြောက်ဆိုင်များသို့ မြေပြင်ကွင်းဆင်းစစ်ဆေးခဲ့ကြောင်း သိရသည်။

           ထိုသို့မြေပြင်ကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်နှင့်စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းတို့သည် စည်ပင်သာယာမြို့မဈေးအတွင်း/ အပြင်ရှိ ကုန်ခြောက်ဆိုင်များ၊ အမှတ်(၂၂၆) ဗိုလ်ချုပ်လမ်းမြို့မရပ်ကွက်ရှိ စားအုန်းဆီကိုယ်စားလှယ်ဦးကိုလေး၊ ကုန်ခြေက်ဆိုင်ပိုင်ရှင်၊ စီးပွားရေးလုပ်ငန်းရှင်များအား စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ညွှန်ကြားချက်နှင့်အညီ ရန်ကုန်တွင်စားအုန်းဆီမှောင်ခိုဈေးကွက် ကြီးထွားလာခြင်းနှင့်စပ်လျဉ်း၍ ကော့မှူးမြို့နယ်အတွင်းရှိ စားသုံးသူပြည်သူများအနေဖြင့် မိမိတို့၏ဈေးဆိုင်များတွင် ဝယ်ယူမှုအခြေအနေနှင့်ဝယ်ယူသည့်စားအုန်းဆီများအား မှောင်ခိုဈေးကွက်ဖြင့် ပြန်လည်ရောင်းချမှုမရှိစေရေးတို့အတွက် စာအုပ်စနစ်ဖြင့် အိမ်ထောင်စုတစ်စုလျှင်(၅၀)ကျပ်သားနှုန်းဖြင့် အမှန်တကယ်ပြန်လည်ဖြန့်ဖြူးရောင်းချပေးကြရန် မှောင်ခိုဈေးကွက်မဖြစ်ပေါ်စေရေး အသိပညာပေးဟောကြားခဲ့ပြီး မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

            ရန်ကုန်တိုင်းဒေသကြီး၊ သန်လျင်ခရိုင်၊  သုံးခွမြို့နယ်၌စားသုံးသူပြည်သူများ၏ အခြေခံစားသောက်ကုန်များဖြစ်သည့် ကြက်ဥများအားသက်သာသောဈေးနှုန်းဖြင့် နိုဝင်ဘာလ(၂၈) ရက်နေ့၊ နေ့လယ်(၁၄:၀၀)နာရီအချိန်တွင် သုံးခွမြို့နယ်ရပ်ကွက်များသို့ လှည့်လည်ဖြန့်ဖြူးရောင်းချပေးခဲ့ကြောင်း သိရသည်။

            ထိုသို့ဖြန့်ဖြူးရောင်းချခဲ့ရာတွင် မြို့နယ်စီမံအုပ်ချုပ်ရေးအဖွဲ့၊ မြို့နယ်အထွေထွေအုပ်ချုပ်ရေးမှူးဦးစီးဌာန၊ မြန်မာနိုင်ငံရဲတပ်ဖွဲ့၊  မြို့နယ်စည်ပင်သာယာရေးအဖွဲ့၊ မြို့နယ်စားသုံးသူ ရေးရာဦးစီးဌာနတို့ပူးပေါင်း၍ စားသုံးသူပြည်သူများသက်သာသောဈေးနှုန်းများဖြင့် ဝယ်ယူရရှိနိုင်ရေးအတွက် သက်ဆိုင်တာဝန်ရှိသူများ၏ ပေါင်းစပ်ညှိနှိုင်းဆောင်ရွက်ပေးမှုအရ  သုံးခွမြို့နယ်ရှိ ရပ်ကွက်များသို့သွားရောက်၍ ကြက်ဥတစ်လုံးလျှင်ငွေကျပ်(၃၈၀)ကျပ်နှုန်း (၁၀)လုံး(၃၈၀၀) ကျပ်တို့ဖြင့် ပြည်သူများမည်သူမဆိုလွတ်လပ်စွာဝယ်ယူနိုင်ရေး ရောင်းချပေးခဲ့ကြောင်းနှင့် နောက်ရက်များတွင်လည်း ဆက်လက်ရောင်းချပေးသွားရန် စီစဉ်ထားကြောင်းသိရှိရပါသည်။

DOCA(ရန်ကုန်)

            စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန ကန့်ဘလူမြို့နယ်တာဝန်ခံရုံးသည် တိုင်းဒေသကြီးဦးစီးမှူး၏လမ်းညွှန်မှုအရ၊ ခရိုင်ဦးစီးမှူး၏ကြီးကြပ်မှုတို့ဖြင့် စားသုံးသူကာကွယ်ရေးအကြောင်း ကျယ်ကျယ်ပြန့်ပြန့်သိရှိစေရန်ရည်ရွယ်၍ စားသုံးသူအသိပညာပေးဟောပြောပွဲကို ၂၀၂၄ ခုနှစ်၊ ဒီဇင်ဘာလ ၃ ရက် နံနက် (၀၉:၀၀) နာရီအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဒေါ်အိမွန်ကျော်တို့သည် ကန့်ဘလူမြို့၊ အ.ထ.က(၂)ကျောင်းရှိ ဆရာ/ ဆရာမနှင့် ကျောင်းသား/ ကျောင်းသူ(၂၄၂)ဦးတို့အား စားသုံးသူကာကွယ်ရေးအသိပညာပေးဟောပြောပွဲ ပြုလုပ်ခဲ့ကြောင်း သိရသည်။  

            အဆိုပါဟောပြောပွဲတွင် ကျောင်းအုပ်ဆရာမကြီးမှ အဖွင့်အမှာစကားပြောကြားခဲ့ကြောင်း၊ ဒေါ်အိမွန်ကျော် အကြီးတန်းစာရေးမှ ကုန်အညွှန်းအမှတ်အသားအကြောင်း ဟောပြောဆွေးနွေးခဲ့ကြောင်း၊ ဆက်လက်၍ မြို့နယ်တာဝန်ခံ ဦးမျိုးဝင်းသန်းက တက်ရောက်လာသည့် ဆရာ/ ဆရာမ များနှင့်ကျောင်းသား/ ကျောင်းသူများကို စားသုံးသူအသိပညာပေးဟောပြောပွဲဆောင်ရွက်ရခြင်း၏ ရည်ရွယ်ချက်ကိုလည်းကောင်း၊ စားသုံးသူ၏အဓိပ္ပာယ်၊ စီးပွားရေးလုပ်ငန်းရှင်၏အဓိပ္ပာယ်တို့အား ဟောပြောခဲ့ကြောင်း၊ စားသုံးသူအခွင့်အရေး(၈)ချက်နှင့် လိုက်နာရမည့်တာဝန်များအကြောင်း၊ စားသုံးသူများသည်ကုန်စည်(သို့မဟုတ်)ဝန်ဆောင်မှုများကို ဝယ်ယူအသုံးပြုရာတွင် စားသုံးသူအခွင့်အရေးများနစ်နာဆုံးရှုံးမှုရှိခဲ့လျှင် သက်ဆိုင်ရာပြည်နယ်နှင့် တိုင်းဒေသကြီးအပါအဝင် ခရိုင်ဦးစီးမှူးရုံးများရှိ CICC များသို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ကြောင်း၊ DOCA Myanmar Mobile Application မှတဆင့်လည်းကောင်း၊ DOCA Facebook Page နှင့် Consumer Call Center 1535 သို့လည်း ဆက်သွယ်တိုင်ကြားနိုင်ကြောင်းနှင့် မည်သူမဆို ကုန်စည်များကို အွန်လိုင်းစနစ်ဖြင့် ရောင်းချမည်ဆိုပါက မှတ်ပုံတင်လက်မှတ်လျှောက်ထားရရှိပြီးမှသာ ရောင်းချခွင့်ရှိမည်ဖြစ်ကြောင်းဟောပြောခဲ့ပြီး ကျောင်းသား/ ကျောင်းသူများကို အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(စစ်ကိုင်း)

          ၂၀၂၄ခုနှစ်၊ နိုဝင်ဘာလ ၂၈ရက်နေ့၊ နေ့လယ်(၁၅း၄၀)နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်း‌ဒေသကြီးဦးစီးမှူးရုံးမှ  ဦးစီးအရာရှိနှင့်ဝန်ထမ်းများသည် ပြည်တွင်းဆန်စျေးနှုန်းများ သင့်တင့်မျှတစွာ တည်ငြိမ်မှန်ကန်စေရေးအတွက် ထားဝယ်မြို့၊ အိုးလုပ်ပြင်ရပ်ရှိ ဆန်ဂိုဒေါင်များနှင့် ဆန်အရောင်းဆိုင်ကြီးများအား စစ်ဆေးဆောင်ရွက်ခဲ့ပါသည်။

         ထိုသို့ ပူးပေါင်းအဖွဲ့ဖြင့်စစ်ဆေးရာတွင် ပြည်တွင်းစားဆန်စျေးနှုန်းများ သင့်တင့်မျှတစွာ တည်ငြိမ်မှန်ကန်စေရေးအတွက် ဆန်စျေးနှုန်းများ စျေးနှုန်းမြှင့်တင်ရောင်းချမှုများရှိ/မရှိ၊ အလေးချိန်မှန်ကန်စွာ ချိန်တွယ်ရောင်းချမှုများရှိ/မရှိနှင့် ဝိသမလောဘဖြင့် သိုလှောင်မှုများရှိ/မရှိ  စစ်ဆေးခြင်းများဆောင်ရွက်ခဲ့ကြောင်းသိရှိရပါသည်။

DOCA(တနင်္သာရီ)