ဓနုဖြူမြို့နယ်ရှိ ဆန်ဆိုင်သိုလှောင်ရုံများတွင် ဆန်ပြတ်လပ်မှုရှိ/ မရှိနှင့် ကုန်ဈေးနှုန်းအခြေအနေများအား ကွင်းဆင်းစစ်ဆေး
ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ် ဆန်ဆိုင်များနှင့် ဆန်သိုလှောင်ရုံများတွင် ဆန်သိုလှောင်ထားရှိမှု၊ ဆန်ရောင်းချမှုဈေးနှုန်းအခြေအနေများတည်ငြိမ်မှုရှိစေရေးနှင့် မြို့နယ်တွင် ဆန်ပြတ်လပ်မှုရှိ/ မရှိတို့ကို အဖွဲ့စုံဖြင့် (၄-၁၁-၂၀၂၄) ရက်နေ့၊ နံနက်(၀၉း၀၀)နာရီအချိန်တွင် ကွင်းဆင်းစစ်ဆေးခဲ့ကြောင်းသိရသည်။
ထိုသို့ကွင်းဆင်းစစ်ဆေးရာတွင် ဓနုဖြူမြို့နယ်တာဝန်ခံက မြို့နယ်မိတ်ဖက်ဌာနဆိုင်ရာအဖွဲ့စုံနှင့်အတူ ဆန်ဆိုင်နှင့် ဆန်သိုလှောင်ရုံများ၌ ဆန်အိတ်လက်ကျန်နှင့်၊ တစ်နေ့ဆန်ရောင်းချမှုဈေးကွက်ဈေးနှုန်းအခြေအနေများကိုစစ်ဆေးခြင်း၊ စပါးပေါပြီးဖြစ်၍ ဆန်ဝယ်ယူမှုဆန်ပြတ်လပ်မှုမရှိစေရေးနှင့် ဆန်ဈေးနှုန်းများကို MRFမှထုတ်ပြန်သော သင့်တင့်မျှတသောဈေးနှုန်းများဖြင့် ရောင်းချနိုင်ရန်နှင့် ဈေးနှုန်းများကို အများပြည်သူမြင်သာသောနေရာတွင် မြင်သာသည့်အရွယ်အစားနှင့် ရေးသားဖော်ပြ၍ရောင်းချရန်၊ အလေးချိန် တင်း၊ ပြည်၊ အရေအတွက်ပြည့်ဝမှန်ကန်စွာရောင်းချခြင်းပြုလုပ်ကြရန်၊ မြန်မာဆန်စပါးအွန်လိုင်း (Myanmar Rice Online) (MyRo) တွင် မှတ်ပုံတင်ထားခြင်းရှိ/ မရှိနှင့် ဆန်အိပ်အရေအတွက် (၁၀၀၀)နှင့်အထက် သိုလှောင်ထားရှိပါက မှတ်ပုံတင်ထားရန်ကိုလည်းကောင်း၊ မှတ်ပုံတင်ထားခြင်းမရှိပါက သက်ဆိုင်ရာမြို့နယ်အလိုက် စားသုံးသူရေးရာဦးစီးဌာနရုံးများနှင့်ချိတ်ဆက်၍ မှတ်ပုံတင်ခြင်းဆောင်ရွက်နိုင်ရေးတို့ကို ဆန်ဆိုင်လုပ်ငန်းရှင် များကို အသိပညာပေးခဲ့ကြောင်း သိရပါသည်။
DOCA(ဧရာဝတီ)
