HighLight News

      ရန်ကုန်တိုင်းဒေသကြီး၊ တွံတေးခရိုင်၊ တွံတးမြို့နယ်တွင် ဆောင်းသီးနှံ၊ နွေစပါးစိုက်ပျိုးဖြစ်ထွန်းအောင်မြင်စွာစိုက်ပျိုးပြီးစီးမှုအခြေအနေအား ၂၀၂၄ခုနှစ်၊ မတ်လ(၂၃)ရက်နေ့၊ နံနက် (၁၁:၀၀) နာရီအချိန်တွင် တွံတေး-ဒလကားလမ်းမကြီး၏ ဘေးဝဲယာနှင့် လှိုင်သာယာ-တွံတေး ကားလမ်းမကြီး ဘေးဝဲယာရှိကျေးရွာများမှ နွေစပါးစိုက်ပျိုးလျက်ရှိသော  တောင်သူများစိုက်ပျိုးဖြစ်ထွန်းမှုအခြေအနေနှင့် စတင်ရိတ်သိမ်းခြွေလှေ့နိုင်မည့် အခြေအနေအား ကွင်းဆင်းစစ်ဆေးခဲ့ကြောင်းသိရှိရပါသည်။

     ထိုသို့ ဆောင်းသီးနှံ၊ နွေစပါးစိုက်ပျိုးပြီးစီးမှုနှင့် စတင်ရိတ်သိမ်းခြွေလှေ့နိုင်မည့်အခြေအနေတို့ကို ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာနမှ မြို့နယ်တာဝန်ခံသည် နွေစပါးစိုက်ပျိုးရာကျေးရွာအုပ်စု၊ တိုက်နယ်များဖြစ်သော ခတ္တိယ၊ တက်သစ်၊ ခလောက်ချိုက်၊ တမံကြီး၊ သဝန်းတော၊ မြို့မ၊ ပြသတိုက်၊ ဘုရားကြီး၊ ရန်ကုန်ပေါက် စသည့်ကျေးရွာများတွင် တိုက်ရိုက်မျိုးစေ့ချကိရိယာ (Seeder) အသုံးပြုစိုက်ပျိုးဖြစ်ထွန်းအောင်မြင်လျက်ရှိသော လယ်ယာမြေများ၊ မိရိုးဖလာမျိုးစပါးကြဲပက်စိုက်ပျိုးခြင်း၊ ရိုးရိုးမျိုးထောင်စိုက်ပျိုးအောင်မြင် ဖြစ်ထွန်းနေမှုအခြေအနေတို့အား ကွင်းဆင်းစစ်ဆေးခဲ့ပြီး တွံတေးမြို့နယ်၏ ဆောင်းသီးနှံ နွေစပါးစိုက်ဧကစုစုပေါင်း(၄၀၂၆၅)ဧကဖြစ်ထွန်းအောင်မြင်စွာစိုက်ပျိုးနိုင်ခဲ့ကြောင်း လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနမှသိရှိခဲ့ရပြီး ယခုလာမည့် မတ်လ နောက်ဆုံးပတ်တွင် စတင်ရိတ်သိမ်းမည်ဖြစ်ကြောင်းသိရှိရပါသည်။

DOCA(ရန်ကုန်)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဝါးခယ်မမြို့နယ်တာဝန်ခံ ဦးအောင်မိုးသည် (၂၀-၃-၂၀၂၄)ရက်နေ့ ၊ နေ့လယ်(၁၃:၃၀)နာရီအချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့နှင့်ပူးပေါင်းကာ စားသုံးသူပြည်သူများအား ဝါးခယ်မမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမ၌ စားသုံးသူ အသိပညာပေး  Talk  Show  ပြုလုပ်ခဲ့ပါသည်။

      ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးက  စားသုံးသူအသိပညာပေး Talk Show ပြုလုပ်ရခြင်း၏ရည်ရွယ်ချက်အား ရှင်းလင်းပြောကြားခဲ့ပြီး၊ စားသုံးသူရေးရာဦးစီးဌာန၊ မြို့နယ်တာဝန်ခံက ဌာန၏မျှော်မှန်းချက်၊ ရည်မှန်းချက်များအား ရှင်းလင်းပြောကြားခဲ့ပြီးနောက် စားသုံးသူကာကွယ်ရေးဥပဒေ အခန်း(၉)ပါ စားသုံးသူ၏အခွင့်အရေး(၈)ချက်နှင့် စားသုံးသူ၏တာဝန်(၄)ချက်နှင့် ဥပဒေအခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ-၄၁ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ ရေးသားဖော်ပြရမည်ဖြစ်ပြီး၊ ကုန်စည်အမျိုးအစားအလိုက် သတ်မှတ်ထားသည့် ဥပဒေများနှင့်အညီ လိုက်နာဆောင်ရွက်ကြရန်နှင့် ဥပဒေတားမြစ်ချက်များကို လိုက်နာဆောင်ရွက်မှုမရှိပါက ပြစ်မှုပြစ်ဒဏ်များအတိုင်း ဆောင်ရွက်သွားမည်ဖြစ်ကြောင်း၊ စီးပွားရေးလုပ်ငန်းရှင်များအနေဖြင့် ဥပဒေပါအချက်အလက်များကိုသိရှိလိုပါက မြို့နယ်စားသုံးသူတာဝန်ခံရုံးတွင်လည်းကောင်း၊ စားသုံးသူရေးရာဦးစီးဌာနရုံးချုပ်၏ www. doca. gov. mm Website တွင် ဝင်ရောက်လေ့လာနိုင်ကြောင်း၊ စားသုံးသူများနစ်နာမှုရှိလာပါက စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ CICC သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ကြောင်း အသိပညာပေးဆွေးနွေးခဲ့မှုကိုသိရှိရပါသည်။

DOCA(ဧရာဝတီ)

စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံး၊ တိုက်ကြီးမြို့နယ်ခွဲတာဝန်ခံ ဒေါ်တင်တင်ဌေးသည် (၁၃-၃-၂၀၂၄)ရက်နေ့၊ နံနက်(၁၀:၀၀)နာရီအချိန်မှစ၍ တိုက်ကြီးမြို့နယ်၊ မြို့မဈေး အတွင်းရှိ စားသုံးဆီအမျိုးမျိုးအား ဈေးကွက်ကွင်းဆင်းစစ်ဆေးခြင်းလုပ်ငန်းဆောင်ရွက်ခဲ့ပါသည်။
ထို့သို့ကွင်းဆင်းရာတွင် တိုက်ကြီးမြို့နယ်၊ မြို့မဈေးအတွင်းရှိ ကုန်စုံဆိုင်(၅)ဆိုင်တွင် Cook၊ Meizan၊ Goody၊ Lotus၊ Yarthetpan၊ ဒီဒီ၊ လာဒ်ရွှင်၊ ရန်ကုန်၊ တော်ဝင်၊ အမေထွား၊ Sunar၊ ရွှေအုံ၊ ရွှေနန်းထိုက်၊ သီဟအောင်၊ ရွှေတောင်၊ City Selectionနှင့် ရှယ်အမှတ်တံဆိပ် စားသုံးဆီများတွင် စားသုံးသူကာကွယ်ရေးဥပဒေပါ အခန်း(၁၈)တွင်ဖော်ပြထားသော ကုန်အညွှန်းအမှတ်အသားတွင်ဖော်ပြရမည့် ကုန်စည်၏အမှတ်တံဆိပ်၊ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ကုန်စည်တွင်ပါဝင်သော ကုန်ကြမ်းပစ္စည်းအမျိုးအမည်များနှင့် ပစ္စည်းများ၏ပမာဏပါဝင်မှုအချိုးအစားနှင့် သက်ဆိုင်ရာအစိုးရဌာနများ၏ ဖော်ပြရန်သတ်မှတ်ထားသော အချက်အလက်များပြည့်စုံစွာပါရှိသည်ကိုစစ်ဆေးတွေ့ရှိခဲ့ပါသည်။
DOCA(ရန်ကုန်)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ခရိုင်ဦးစီးမှူး၏ လမ်းညွှန်မှုတို့ဖြင့် ပခုက္ကူခရိုင်ဦးစီးမှူးရုံးမှ ဒုတိယခရိုင်ဦးစီးမှူးနှင့် ဝန်ထမ်းများသည် (၂၀-၃-၂၀၂၄) ရက်နေ့၊ နံနက်(၀၉:၃၀)နာရီအချိန်တွင် ဒေသတွင်းထုတ်လုပ်လျက်ရှိသော မန်ကျည်းပြားနှင့် ပဲကြီးလှော်လုပ်ငန်းရှင်တို့ဆီသို့သွားရောက်၍ စားသုံးသူကာကွယ်ရေးဥပဒေပါ ပြဋ္ဌာန်းချက်များအား လိုက်နာဆောင်ရွက်ခြင်းဖြင့် စားသုံးသူများဘေးအန္တရာယ်ကင်းရှင်းပြီး မိမိတို့လုပ်ငန်းများ၌ ထုတ်ကုန်လုံခြုံစိတ်ချရမှုရှိကာ အကျိုးစီးပွားအောင်မြင်ဖြစ်ထွန်းစေရန်ရည်ရွယ်၍ အသိပညာပေးဆွေးနွေးခဲ့ပါသည်။

      ထိုသို့တွေ့ဆုံဆွေးနွေးရာတွင် ဒုတိယခရိုင်ဦးစီးမှူး ဦးဇော်ထွန်းဦးက စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြချက်များအကြောင်း၊ စီးပွားရေးလုပ်ငန်းရှင်၏ တာဝန်များ၊ မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသောညွှန်ကြားချက်ပါ ကုန်စည်အုပ်စုအလိုက် မြန်မာဘာသာဖြင့် ထည့်သွင်းဖော်ပြရမည့်အချက်အလက်များ၊ လုပ်ငန်းရှင်များကလည်း မိမိတို့ထုတ်လုပ်သော ကုန်စည်အမျိုးအစားအလိုက် စားသုံးသူကာကွယ်ရေးဥပဒေ(၂၀၁၉) အခန်း (၁၈)ပါ ကုန်အညွှန်းအမှတ်အသားဖော်ပြချက်များနှင့်ကိုက်ညီသည့် ကုန်စည်များကို စားသုံးသူရေးရာဦးစီးဌာန၏ စိစစ်ခွင့်ပြုချက်ရရှိရန် လျှောက်ထားနိုင်ကြောင်း အသိပညာပေးဆွေးနွေးခဲ့ပါသည်။

      ဆက်လက်၍ စားသုံးသူရေးရာဌာနခွဲတာဝန်ခံ ဒေါ်နွယ်နွယ်အေးက လုပ်ငန်းရှင်များသိရှိစေရန်အတွက် ကုန်အညွှန်းအမှတ်အသားပြည့်စုံစွာဖော်ပြမှုမှာ အရေးကြီးသောအခန်းကဏ္ဍတွင်ရှိကြောင်း၊ အသိပညာဗဟုသုတများရရှိလာပြီဖြစ်၍ ပြည့်စုံစွာထည့်သွင်းခြင်းဖြင့် အကျိုးစီးပွားများအောင်မြင်ဖြစ်ထွန်းလာမည်ဖြစ်ကြောင်း၊ ကုန်အညွှန်းအမှတ်အသားပြည့်စုံမှုမရှိသော ထုတ်ကုန်များကို စားသုံးသူကာကွယ်ရေးဥပဒေအရ ဈေးကွက်အတွင်းမှ လျော့နည်းပပျောက်သွားစေရန် စောင့်ကြည့်စစ်ဆေးအရေးယူသွားမည်ဖြစ်သောကြောင့် တိကျစွာလိုက်နာဆောင်ရွက်ရန်လိုအပ်ကြောင်းဆွေးနွေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသော ညွှန်ကြားချက်(၂/၂၀၁၉) ပါ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(မကွေး)         

     ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေး အထူးအဖွဲ့ဝင်များအနေဖြင့် တရားမဝင်ကုန်သွယ်မှုတိုက်ဖျက်ရေးလုပ်ငန်းများဆောင်ရွက်ရာတွင် တရားမဝင်ကုန်သွယ်မှုများကို အထက်ဌာန၏ ချပြသတင်းများအရသော်လည်းကောင်း၊ ရှောင်တခင်စစ်ဆေးခြင်းလုပ်ငန်းများအရသော်လည်းကောင်း၊ တရားမဝင်ကုန်သွယ်မှုဖြစ်ပေါ်နိုင်သည့် ရေလမ်း၊ ကုန်းလမ်းဆုံရာနေရာများ၊ မြို့နယ်များရှိ ကုန်ပစ္စည်းသိုလှောင်ရုံများကို လစဉ်ဖွဲ့စည်းထားသည့် တရားမဝင်ကုန်သွယ်မှုတိုက်ဖျက်ရေးအထူးအဖွဲ့ဝင်များဖြင့် ပူးပေါင်း‌ဆောင်ရွက်လျက်ရှိသည်။

      (၂၂-၃-၂၀၂၄) ရက်နေ့တွင် သာကေတမြို့နယ်၊ ယုဇနဆိပ်ကမ်းရှိ ရန်ကုန်မှ ကော့သောင်းသို့ထွက်ခွာမည့် MV စန္ဒီသင်္ဘောအား သာကေတမြို့နယ်၊ အထွေထွေအုပ်ချုပ်ရေးဦးစီးဌာန၊ အကောက်ခွန်ဦးစီးဌာန၊ စားသုံးသူရေးရာဦးစီးဌာန၊ မြန်မာနိုင်ငံရဲတပ်ဖွဲ့နှင့် မြန်မာ့ဆိပ်ကမ်းအာဏာပိုင်မှ တာဝန်ရှိသူများဖြင့် တရားမဝင်ကန့်သတ်ကုန်ပစ္စည်းများ၊ မူးယစ်ဆေးဝါးနှင့် လက်နက်ခဲယမ်းများ သိုဝှက်သယ်ဆောင်မှုမရှိစေရေး စစ်ဆေးခဲ့ကြရာ စားသောက်ကုန်၊ လူသုံးကုန်ပစ္စည်းများ တင်ဆောင်ထားခြင်းဖြစ်ကြောင်း စိစစ်တွေ့ရှိရပြီး အဆိုပါပစ္စည်းများအား ရန်ကုန်သာကေတယုဇနဆိပ်ကမ်းမှ ကော့သောင်းမြို့သို့ သယ်ဆောင်မည်ဖြစ်ကြောင်းသိရှိရပါသည်။

DOCA(ရန်ကုန်)