HighLight News

          ၂၆.၁၁.၂၀၂၅ရက်နေ့၊ နံနက်(၀၉:၃၀)နာရီအချိန်တွင် ဒေးဒရဲမြို့နယ် "သစ်ဆန်းညွှန့်" ဆေးနှင့်စတိုးဆိုင်အား ဒေးဒရဲမြို့နယ် စားသုံးသူရေးရာဦးစီးဌာနနှင့် ဆက်စပ်ဌာနများပါ၀င်သော ပူးပေါင်းအဖွဲ့သည်ကွင်းဆင်းစစ်ဆေးခြင်းကို ဆောင်ရွက်ခဲ့ပါသည်။
        အဆိုပါကွင်းဆင်းမှုတွင် ဈေးကွက်အတွင်းဆေးနှင့် ဆေးပစ္စည်းများအားလက္ကားဈေးအပေါ်တွင် ဒေသပေါက်ဈေးထက် ဈေးနှုန်းပိုမိုအမြတ်တင်ပြီး လက်လီရောင်းချနေမှုအပေါ် ဈေးနှုန်းတည်ငြိမ်စေရေးအတွက် ဆေးသိုလှောင်ရုံနှင့် ဆေးဆိုင်ကြီးများအား ကွင်းဆင်းစစ်ဆေးမှုကိုပြုလုပ်ခဲ့ပြီး ဆေးဝါးများ ဈေးနှုန်းများအတက်/အကျဖြစ်ပေါ်နေမှုအခြေအနေ၊ ဆေးဝါးပစ္စည်းလက်ကျန်အနေအထားပေါ်မူတည်၍ ဆက်လက်ရောင်းချနိုင်မည့်အခြေအနေ၊ ဆေးဝါးပြတ်လပ်မှုမရှိစေရေး  ဆောင်ရွက်ထားရှိမှုအခြေအ‌နေတို့ကို ကွင်းဆင်းစစ်ဆေးခဲ့ကြောင်း သတင်းရရှိပါသည်။ 

DOCA(ဧရာဝတီ)

          စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူးရုံးမှ မြို့နယ်ဦးစီးမှူးနှင့် ဝန်ထမ်းများသည် ဓနုဖြူမြို့နယ်ရှိ စက်မှုလုပ်ငန်းဖြင့် လုပ်ကိုင်နေသော မုန့်လုပ်ငန်းလုပ်ကိုင်သူ ၁၂ ဦးအား စားသုံးသူကာကွယ်ရေးနှင့် ထုတ်ကုန်များနှင့် စပ်လျဉ်း၍ ကုန်အညွှန်းအမှတ်အသားဖော်ပြရမည့် အချက်များအကြောင်းကို လုပ်ငန်းရှင် အသိပညာပေးဆွေးနွေးခြင်းလုပ်ငန်းကို ဓနုဖြူမြို့နယ်ဦးစီးမှူးရုံး ခန်းမတွင် ၂၃.၁၁.၂၀၂၅ ရက်နေ့က နံနက်(၁၀း၀၀)နာရီအချိန်တွင် ဆွေးနွေးခဲ့ကြောင်း သိရသည်။

         ဆွေးနွေးရာတွင် ဓနုဖြူမြို့နယ်ဦးစီးမှူး ဦးဝင်းမင်းစိုးက ဒေသတွင်းတပိုင်တနိုင် မုန့်လုပ်ငန်းအမျိုးမျိုး ထုတ်လုပ်ရောင်းချသူများဖြစ်သော အဆွေတော် နှမ်းလုံးမုန့်လုပ်ငန်း၊ ကောင်းစံမရွှေးလုပ်ငန်း၊ အားမီမရွေးလုပ်ငန်း၊ တက်နေဝန်း ပဲမုန့်၊ ဇကာကြီးသူ မုန့်ဟင်းခါးအမှစ်လုပ်ငန်း၊ အခြားသော ပေါင်မုန့်၊ ကိတ်မှန်လုပ်ငန်းအမျိုးမျိုးမှ လုပ်ငန်းရှင်များနှင့် တွေ့ဆုံ၍ စားသုံးသူကာကွယ်ရေးလုပ်ငန်းစဉ်များအကြောင်းကိုရှင်းလင်းဆွေးနွေးပြီး ဈေးကွက်မရောက်မှီကုန်စည်များ ဘေးအန္တရာယ်ကင်းရှင်းစွာ ထုတ်လုပ်ရောင်းချနိုင်ရန်အတွက် စားသုံးသူကာကွယ်ရေး ဥပဒေပါ အခန်း(၁၈)ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ရှင်းလင်းဆွေးနွေးခြင်း၊ ကုန်စည်လုံခြုံ စိတ်ချရမှုရှိစေရန် ကုန်အညွှန်းအမှတ်အသား ထုတ်ကုန်ပစ္စည်းများတွင် ကုန်အညွှန်းအမှတ်အသား ပြည့်စုံစွာဖော်ပြပေးခြင်းကြောင့် စားသုံးသူများအနေဖြင့် ထုတ်ကုန်များအပေါ် ယုံကြည်စိတ်ချစွာဖြင့် ဝယ်ယူအသုံးပြုနိုင်မည်ဖြစ်ကြောင်း၊ မုန်ထုတ်လုပ်သူ လုပ်ငန်းရှင်များအနေဖြင့် မိမိတို့မုန့်ထုတ်လုပ်မှုလုပ်ငန်း၏ ကုန်ကျစရိတ်နှင့် ထွက်ရှိမှုအကျိုးအမြတ်၊ ရောင်းချမှုဈေးနှုန်းများကို ပန်းဖလက်များပြုလုပ်၍ ထားရန်လိုအပ်ကြောင်း၊  စားသုံးသူကာကွယ်ရေးဥပဒေ ပုဒ်မ ၄၁ အရ စီးပွားရေးလုပ်ငန်းရှင်သည် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ရှင်းလင်းဆွေးနွေးပြီး လိုက်နာဆောင်ရွက်နိုင်စေရန် အသိပေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

       ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်တွင် စားသုံးသူရေးရာဦးစီးဌာနနှင့် မြို့နယ်စည်ပင်သာယာရေးအဖွဲ့တို့ပူးပေါင်း၍ မြို့နယ်အတွင်းရောင်းချလျက်ရှိသော အိမ်ဆောက်ပစ္စည်း အရောင်းဆိုင်များတွင် ရောင်းချလျက်ရှိသော ဆောက်လုပ်ရေးလုပ်ငန်းသုံးပစ္စည်းများ အရည်အသွေးပြည်ဝပြီး စျေးနှုန်းမှန်ကန်စေရေး လိုက်လံစစ်ဆေးခြင်းကို (၂၄-၁၁-၂၀၂၅) ရက်နေ့ နေ့လယ် (၁၄၀း၀)နာရီအချိန်က မြို့နယ်အတွင်းလိုက်လံစစ်ဆေးကြသည်။

        အဆိုပါ ဆောက်လုပ်ရေးလုပ်ငန်းသုံးပစ္စည်းများရောင်းချသော ပန်းစံအရောင်းဆိုင်၊ သမာဓိအရောင်းဆိုင်မှရောင်းချသော အိမ်ဆောင်ပစ္စည်းများ အရည်အသွေးပြည်ဝပြီး စျေးနှုန်းမှန်ကန်စေရေး လိုက်လံစစ်ဆေးရာတွင် ပန်းတနော်စားသုံးသူရေးရာဦးစီးဌာန မြို့နယ်တာဝန်ခံ ဦးအောင်ကျော်သက်နှင့် ဝန်ထမ်းများ၊ မြို့နယ်စည်ပင်သာ ယာရေးအဖွဲ့မှ အင်ဂျင်နီယာများနှင့်တာဝန်ရှိသူများသည် မြို့နယ်အတွင်း ရောင်းချလျက်ရှိကြသော အိမ်ဆောက်ပစ္စည်း အရောင်းဆိုင်များတွင် ရောင်းချလျက်ရှိကြသော ဆောက်လုပ်ရေးလုပ်ငန်းသုံး ပစ္စည်းသံချောင်းလုံးများဖြစ်သော HRB-500၊ HRB - 400 အမျိုးအစားများနှင့် လုပ်ငန်းသုံးသံမဏိများဖြစ်သည့် H -Beam၊ l- Beam နှင့် Hollow အမျိုးအစားများအား၊ ဒေသတွင်း ကျောက်၊ သဲရောင်းချမှု ဈေးနှုန်းအခြေအနေများ၊ ဘိလပ်မြေမှာယူရောင်းချမှုနှင့် အခက်အခဲ ရှိ/မရှိ၊ ဈေးကွက်အတွင် ပစ္စည်း ပြတ်လပ်မှုရှိ/မရှိ ဆိုင်အတွင်း ဘိလပ်မြေလက်ကျန်အခြေအနေများကို ကြည်ရှုမေးမြန်းပြီး ၊ ဘိလပ်မြေအမျိုးအစား ဈေးနှုန်း လက်ကားဝယ်ယူနေမှု လက်လီရောင်းချမှု အခြေအနေများကို မေးမြန်းစစ်ဆေးပြီး စျေးကွက်အတွင်း အရည်အသွေးပြည့်ဝပြီး စျေးနှုန်းမှန်ကန်စေရေး လိုက်လံစစ်ဆေးခြင်းကို ဆောင်ရွက်ခဲ့ကြကြောင်း သိရှိရပါသည်။

DOCA(ဧရာဝတီ)

         ပြည်တွင်းဈေးကွက်၌ ဆန်ဈေးနှုန်းတည်ငြိမ်မှုရှိစေရေး၊ ပြည်ပသို့ဆန်တင်ပို့မှုကို စနစ်တကျဆောင်ရွက်နိုင်ရေး၊ ဒေသထွက် လယ်ယာထွက်ကုန်များကို ပြည်ပတင်ပို့နိုင်ရန် တန်ဖိုးမြင့်ထုတ်ကုန် ထုတ်လုပ်နိုင်ရေး၊ လစ် ပို့ကုန်နှစ်ဆ တင်ပို့သည့်လုပ်ငန်းစဉ်အခြေအနေများကို ဆွေးနွေးခြင်း၊ ဆန်စပါးသိုလှောင်မှုများ စနစ်ကျနမှုရှိစေရေးအတွက် ညောင်တုန်းမြို့နယ်ရှိ Aung Naing Thitsar Co.,Ltd Myanmar Broken Rice B 1,2 (Sortexed) 2080MT ကို ၂၆ .၁၁.၂၀၂၅ရက်နေ့ နံနက် (၁၀း၀၀ )နာရီအချိန်တွင် ကွင်းဆင်းစစ်ဆေးခဲ့ကြသည်။

      ကွင်းဆင်းစစ်ဆေးဆောင်ရွက်ရာတွင် မြို့နယ်စားသုံးသူရေးရာဦးစီးဌာနနှင့် MITSအဖွဲ့ တို့ပူးပေါင်း၍  ပါဝင်ဆောင်ရွက်ခဲ့ကြပြီး ဦးအောင်လွင်မြို့နယ်ဦးစီးမှူးက သိူလှောင်ရုံတာဝန်ခံနှင့် တွေ့ဆုံ၍ သိုလှောင်ရုံ စပါး/ဆန် သိုလှောင်ထားရှိမှုကို ကြည့်ရှုစစ်ဆေးဆောင်ရွက်ခဲ့ပြီး သိုလှောင်ရုံများ၊ ပြည်ပတင်ပို့သည့်ကုမ္ပဏီများ၊ ဆန်စက်လုပ်ငန်းများ၊ ဆန်လက်လီ/လက်ကားအရောင်းဆိုင်များက မှတ်ပုံတင်ခြင်းကို ကဏ္ဍအလိုက်ရှင်းလင်းပြီး ဆန်၊ စပါးသိုလှောင်မှု ရ၊ထုတ်၊ကျန် စာရင်းများကို ပုံမှန်စာရင်းဖြ်သွင်းမှုအခြေအနေများကို စစ်‌ဆေးဆောင်ခဲ့ပြီး သိုလှောင်ရုံမှဆန်များ ပြည်ပသို့ အရည်အသွေးမှီတင်ပို့နိုင်ရေး ကိစ္စရပ်များကို ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

      စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ်တာဝန်ခံရုံးမှ ဒေါ်ချိုမီဇင်သည် (၂၅.၁၁၂၀၂၅) ရက်နေ့ နေ့လယ်ပိုင်းက ညောင်တုန်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ ကျင်းပပြုလုပ်သည့် စာဖတ်ရှိန်မြင့်မားရေးနှင့် လူငယ်အသိပညာပေးပွဲသို့ တက်ရောက်လာသော ကျောင်းသားကျောင်းသူများအား စားသုံးသူကာကွယ်ရေးဆိုင်ရာများကို အသိပညာပေး ဟောပြောခဲ့ပါသည်။

      ဟောပြောပွဲတွင် မြို့နယ်တာဝန်ခံရုံးမှ ဒေါ်ချိုမီဇင်က စားသုံးသူရေးရာဦးစီးဌာန ဖြစ်ပေါ်လာပုံသမိုင်းကြောင်းကိုလည်းကောင်း၊  စားသုံးသူရေးရာဦးစီးဌာနက ဆောင်ရွက်လျက်ရှိသည့် စားသုံးသူကာကွယ် ရေးလုပ်ငန်းစဉ်များ၊ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်တာဝန်များ၊ ကုန်အညွှန်အမှတ်အသားဖော်ပြခြင်းနှင့်စပ်လျဉ်း၍ ရှင်းလင်းခြင်း၊ စားသုံးသူနစ်နာဆုံးရှုံးမှုများဖြစ်ပေါ်ပါက တိုင်ကြားနိုင်ခြင်းများကို ဟောပြောခဲ့ပြီး တိုင်ကြားလိုရသည့် နည်းလမ်း၇မျိုးအကြောင်းကိုအကျယ်တဝင့်ရှင်လင်း ဟောပြောခဲ့သည်။ စားသုံးသူရေးရာဦးစီးဌာနနှင့်ပတ်သက်သော သတင်းအချက်အလက်များကို အလွယ်တကူ မေးမြန်းစုံစမ်းနိုင်ရန်၊ ကုန်စည်နှင့်ဝန်ဆောင်မှုများ ဝယ်ယူသုံးစွဲရာတွင် နစ်နာဆုံးရှုံးမှုကြုံရပါက ဌာနသို့ အလွယ်တကူဆက်သွယ်တိုင်ကြားနိုင်ရန် အလွယ်တကူ စုံစမ်းနိုင်ရန်အတွက် စားသုံးသူရေးရာဦးစီးဌာနအနေဖြင့် Consumer Call Center ဝန်ဆောင်မှုကို ဆောင်ရွက်ပေးလျက်ရှိရာ Consumer Call Center နံပါတ် ၁၅၃၅ သို့ Telenor ၊ Mytel နှင့် Ooredoo User များအပြင် MPT Sim Card User များလည်း ခေါ်ဆိုနိုင်ပြီဖြစ်ပါကြောင်းကို အသိပညာပေး ဟောပြောခဲ့ကြောင်း သိရှိရပါသည်။

       ဟောပြောပွဲသို့ အခြေခံပညာအထက်တန်းကျောင်း အမှတ်-၁ မှ  ကျောင်းသားကျောင်းသူ ၂၅ ဦးတက်ရောက်ကြောင်း သိရှိရပါသည်။

DOCA(ဧရာဝတီ)