HighLight News

      ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်ရှိ ဆေးဆိုင်များသို့ မြို့နယ်တာဝန်ခံ ဦးမိုးမင်းသန်းနှင့် ဝန်ထမ်းတို့သည် စည်ပင်သာယာရေးဦးစီးဌာန၊ မီးသတ်ဦးစီးဌာန၊ ကျန်းမာရေးဦးစီးဌာန၊ မြို့နယ်စီမံခန့်ခွဲရေးနှင့် အုပ်ချုပ်ရေးဦးစီးဌာန၊ ရပ်ကွက်အုပ်ချုပ်ရေးမှူးတို့ ပါဝင်သော ပူးပေါင်းအဖွဲ့ဖြင့် (၂၆.၁၁.၂၀၂၅) ရက်နေ့၊ နံနက် (၀၉:၃၀) နာရီအချိန်တွင် ကွင်းဆင်းစိစစ်ခဲ့ကြပါသည်။

      ထိုသို့ ကွင်းဆင်းစိစစ်ရာတွင် ဈေးကွက်အတွင်း ဆေးဝါးများ၏ ဈေးနှုန်းအတက်/အကျ ဖြစ်ပေါ်နေမှုအခြေအနေ၊ ဆေးဝါးပစ္စည်း လက်ကျန် အခြေအနေပေါ်မူတည်၍ ဆက်လက်ရောင်းချနိုင်မည့် အခြေအနေ၊ ဆေးဝါးပြတ်လပ်မှုမရှိစေရေး၊ ဆောင်ရွက်ထားရှိမှု အခြေအနေတို့အား ကွင်းဆင်းစိစစ်ခဲ့ကြောင်း သတင်းရရှိပါသည်။

DOCA(ဧရာဝတီ)

         နေ့စဥ်လူနေမှုဘဝတွင် လူအများသည် စားသောက်ခြင်း၊ သုံးစွဲခြင်း၊ အသုံးပြုခြင်း၊ တစ်နေ့တာ ကုန်စည်များကို ထိတွေ့မှု ကင်းရှင်းသူများမရှိကြပါ။ ကုန်စည်ဆိုသည်မှာ စားသုံးသူ ကိုယ်တိုင်အတွက်သော်လည်းကောင်း၊ အခြားသူများအတွက်သော်လည်းကောင်း ရည်ရွယ်၍ ဝယ်ယူခြင်း၊ အသုံးပြုခြင်း သို့မဟုတ် စားသုံးခြင်းပြုသော အရာဝတ္ထုကို ဆိုသည်။ ယင်းစကားရပ်တွင် ငွေရေးကြေးရေးဆိုင်ရာ လွှဲပြောင်းနိုင်သောစာချုပ်စာတမ်း၊ အစုရှယ်ယာ၊ ငွေချေးလက်မှတ်၊ ငွေကြေးစသည့် ကိစ္စရပ်များလည်းပါဝင်ပြီး လူအများနှင့် ထိတွေ့မှု အများဆုံးဖြစ်၍ ကုန်စည်များကို ပြည်သူများက တန်ဖိုးနှင့်အညီပေးချေ၍ စားသုံးခြင်း၊ အသုံးပြုခြင်း၊ ဝယ်ယူခြင်းများရှိသည့်အတွက် စားသုံးသူအခွင့်အရေး မနစ်နာစေရန် ဥပဒေများဖြင့် အပြည့်အဝကာကွယ် ဆောင်ရွက်ပေးလျက်ရှိသည်။

        စားသုံးသူအခွင့်အ‌ရေးများ ထိခိုက်နစ်နာမှုမရှိစေရန် ပြည်သူများက မိမိအခွင့်အရေးများကို သိရှိနားလည်နိုင်ရန် စားသုံးသူရေးရာဦးစီးဌာနမှ အသိပညာပေးခြင်းလုပ်ငန်းများကို ကျယ်ကျယ်ပြန့်ပြန့် သိရှိနိုင်စေရန် ဆောင်ရွက်လျက်ရှိရာ မအူပင်ခရိုင်၊ ညောင်တုန်းမြို့နယ်ဦးစီးမှူးရုံးမှ ဒေါ်ချိုမီဇင်နှင့် ဝန်ထမ်းများသည် ၂၆.၁၁.၂၀၂၅ ရက်နေ့ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးခန်းမတွင် ပြည်သူ ၁၀ ဦးအား စားသုံးသူရေးရာဦးစီးဌာန၏ consumer call center 1535ဖွင့်လှစ်ဆောင်ရွက်ထားရှိမှု ကို အကျယ်တဝင်ရှင်းလင်း အသိပညာပေးပြီး စားသုံးသူအခွင့်အရေး ထိခိုက်နစ်နာမှူ ရှိလာပါက တိုင်ကြားနိုင်သည့်အကြောင်းနှင့် စားသုံးသူပြည်သူတွေနဲ့ လုပ်ငန်းရှင်များအနေဖြင့် သိလိုသည့်အရာများ မေးမြန်းနိုင်ဖို့ စားသုံးသူတွေ နစ်နာမှုတွေ ဖြေရှင်းပေးနိုင်ဖို့ ပြည်တွင်းကုန်သွယ်မှု သတင်းတွေကိုဖြေကြားနိုင်ဖို့ consumer call center 1535 ဝန်ဆောင်မှုကို ဖွင့်လှစ်ဆောင်ရွက်ပေးလျက်ရှိကြောင်း Consumer Call Center (၁၅၃၅)ကို ရုံးဖွင့်ရက်များမှာ ရုံးချိန်အတွင်း ဖုန်းခေါ်ဆို မေးမြန်းနိုင်ကြောင်း၊ Consumer Call Center ကို မည်သည့် Sim Card User အလွယ်တကူ ခေါ်ဆိုနိုင်ကြောင်းနှင့် တက်ရောက်လာသူ ပြည်သူတစ်ဦးမှ သိရှိလို၍ Consumer Call Center ခေါ်ဆိုမှု လုပ်ငန်းစဉ်ကို မေးမြန်းခဲ့ပြီး ခေါ်ဆိုမှုဆောင်ရွ်ကနိုင်ရန် ခေါ်ဆိုသည်အခါ ပြည်သူများမှ Consumer Call Center မှ တာဝန်ရှိသူနှင့် ရင်းနှီးဖော်ရွေစွာ ဆက်သွယ်ဆောင်ရွက်နိုင်ရန် အသိပညာပေးပြသခဲ့ပြီး Consumer Call Centerအသိပညာပေး လက်ကမ်းစာစောင်များဖြန့်ဈေပေးခဲ့ကြောင်း သိရှိရပါသည်။

DOCA(ဧရာဝတီ)

    ၂၆.၁၁.၂၀၂၅ရက်နေ့ နေ့လယ် (၁၂:၃၀)နာရီအချိန်တွင် မအူပင်ခရိုင်၊ ညောင်တုန်းမြို့ပေါ်ရှိ ဆေးဆိုင်(၁၃)ဆိုင်အား ကုန်ဈေးနှုန်းတည်ငြိမ်ကျဆင်းရေးအဖွဲ့စုံ ပူးပေါင်း၍ ဈေးနှုန်းမြှင့်တင်ရောင်းချမှုရှိ၊ မရှိနှင့် ဆေးဝါးများ ရောင်းချနေမှုအခြေအနေအားကွင်းဆင်းဆောင်ရွက်ခဲ့ကြောင်း သိရသည်။

        ကွင်းဆင်းစစ်ဆေးဆောင်ရွက်ရာတွင် မအူပင်ခရိုင်၊ စားသုံးသူရေးရာဦးစီးဌာန ညောင်တုန်းမြို့နယ် ဦးစီးမှူးရုံးမှ ဒေါ်ချိုမီဇင် ဒုဦးစီးမှူးက ဆေးဆိုင်များအား စစ်ဆေးဆောင်ရွက်ရာတွင်ဆေးဆိုင်များမှ ဆေးဝယ်ယူရောင်းချမှု အခြေအနေများကို မေးမြန်းခြင်း၊ ဈေးနှုန်းဈေးကွက်အခြေအနေများကို မေးမြန်းခြင်း၊ ဆေးသိုလှောင်ထားရှိမှု ရှိ/မရှိနှင့် ဆေးဝါးပြတ်လပ်မှု ရှိ/မရှိတို့ကို မေးမြန်းခဲ့ပြီး ဈေးကွက်အတွင်း စံမညီဆေးဝါးရောင်းချမှု ရှိ/မရှိကို စစ်ဆေးခြင်း၊ ထောက်ခံချက်မရှိသောဆေးများ၊ သက်တမ်းလွန်ဆေးများရောနှောရောင်းချမှု ရှိ/မရှိ ကုန်အညွှန်းအမှတ်အသားပြည်စုံစွာဖော်ပြချက်နှင့် ကိုက်ညီမှုရှိ/မရှိတို့ကို စစ်ဆေးခဲ့ကြသည်။ ဆေးဆိုင်များမှ တင်ပြလာရာဆေးများကိုရန်ကုန် မင်္ဂလာဈေးမှ မှာယူရောင်းချရပြီး ကုမ္ပဏီ တိုက်ရိုက်ဝယ်ယူခြင်း မရှိသောကြောင့် ဆေးဈေးအနည်းငယ်မြင့်တက်ခြင်းဖြစ်ပြီး အရေးပြားလိမ်းဆေး၊ဆီချိုဆေးများ၊ အိမ်သုံးဖျာနာ ကိုက်ခဲပျောက်ဆေးများကို မှာယူရခွဲတမ်းနည်းပြီး ဆေးဝါးပြတ်တောက်မှုမရှိကြောင်း စစ်ဆေးတွေ့ရှိရပြီး လုပ်ငန်းရှင်များကို ဆေးဝါးရောင်းချရာတွင် သိုလှောင်ထားခြင်း၊ ဈေးမြင့်တင်ရောင်းချခြင်းများ စစ်ဆေးတွေ့ရှိရပါက အရေးကြီးကုန်စည်ဝန်ဆောင်မှု ဥပဒေအရ အရေးယူသွားမည်ဖြစ်ကြောင်း အသိပေးမှာကြားခဲ့ကြောင်း သိရှိရပါသည်။

DOCA(ဧရာဝတီ)

        စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် (၂၅.၁၁.၂၀၂၅)ရက်နေ့ နံနက် (၁၀:၀၀) နာရီအချိန်တွင် ဟင်္သာတမြို့နယ် ဓမ္မာရုံလမ်း၊ ညောင်ပင်ရပ်ကွက်ရှိ “ဂုတ်ဂွပ်” မြန်မာဟင်းချက် အနှစ်လုပ်ငန်းအား ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်ဆေးခြင်းကို  ဆောင်ရွက်ခဲ့ပါသည်။

          ထိုသို့ဆွေးနွေးရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစွာအသုံးပြုနိုင်စေရန်၊  ထုတ်ကုန်များ လုံခြုံစိတ်ချရမှုရှိစေရန်၊ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁) ပုဒ်မခွဲ(ခ) နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့မဟုတ်)တစ်ခုထက်ပို၍ တွဲလျက်ဖြစ်စေ ရေးသားဖော်ပြမှုရှိ/ မရှိ စစ်ဆေးခဲ့ပြီး၊ ကုန်စည်များ သန့်ရှင်းသပ်ရပ်စွာထုတ်လုပ်နိုင်ရေး၊ လုပ်ငန်းလုပ်ကိုင်ရာတွင် တစ်ကိုယ်ရည်သန့်ရှင်းရေးနှင့် ပတ်ဝန်းကျင်သန့်ရှင်းစေရေးတို့ကို အလေးထားဆောင်ရွက်ပေးစေလိုကြောင်း၊ ဈေးကွက်မရောက်မီ ကုန်စည်များ သိုလှောင်ထားရှိမှု၊ ကုန်စည်၏ ထုတ်လုပ်ပုံနည်းစနစ်၊ ဈေးနှုန်းဈေးကွက်အခြေအနေ၊ ရင်းနှီးမြှပ်နှံမှုနှင့် အကျိုးအမြတ်ရရှိမှု၊ သက်ဆိုင်ရာဌာနများ၏ ထောက်ခံချက်၊ သတ်မှတ်ထားသော စံချိန်စံညွှန်း ပြည့်မီအောင်ထုတ်လုပ်နိုင်ရေး စိစစ်ခဲ့ကြောင်း သိရှိရပါသည်။

DOCA (ဧရာဝတီ)

     စားသုံးသူရေးရာဦးစီးဌာန၊ မြန်အောင်ခရိုင်၊ မြန်အောင်မြို့နယ်ဦးစီးမှူးသည်  ၂၀၂၅ ခုနှစ်၊ နိုဝင်ဘာလ (၂၅) ရက်၊ နံနက်(၁၀:၀၀) နာရီအချိန်တွင် မြန်အောင်မြို့နယ်ရှိ  ဆန်စပါးကုန်သည်အသင်း ဥက္ကဌနှင့်တွေ့ဆုံ၍ ပြည်တွင်းကုန်သွယ်မှု ဖွံ့ဖြိုးတိုးတက်စေရေး တွေ့ဆုံဆွေးနွေးခြင်းကို ဆောင်ရွက်ခဲ့ပါသည်။

        ထိုသို့ဆွေးနွေးရာတွင် ဆန်စပါးကုန်သည်အသင်းဥက္ကဌ ဦးအောင်ဇော်လတ်က မြန်အောင်မြို့နယ် ဆန်စပါးကုန်သည်အသင်းအနေဖြင့် ဆန်စပါးအရည်အသွေးကောင်းမွန်ရေး၊ သယ်ယူပို့ဆောင်ရာတွင် လွယ်ကူချောမွေ့စေရေး၊ ဈေးနှုန်းများတည်ငြိမ်ရေးတို့အတွက် ထိန်းညှိဆောင်ရွက်လျက်ရှိကြောင်း၊ တောင်သူများထံမှ အရည်အသွေးပြည့်ဝသော ဆန်စပါးများအား နိုင်ငံတော်မှ သတ်မှတ်ထားသော ဆန်စပါးရည်ညွှန်းဈေးများအတိုင်း ရောင်းဝယ်ဖောက်ကားနိုင်ရေး အသင်းအနေဖြင့် ထိန်းညှိဆောင်ရွက် သွားမည်ဖြစ်ကြောင်း၊ စပါး/ဆန်များသယ်ယူရာတွင်လည်း လွယ်ကူချောမွေ့စေရန်အတွက် ဆန်စပါးကုန်သည်အချင်းချင်း ပူးပေါင်းဆောင်ရွက်သွားကြရန်လိုအပ်ကြောင်း စသည်တို့ကို  ဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)