HighLight News

              ပဲခူးတိုင်းဒေသကြီး ၊ညောင်လေးပင်ခရိုင်၊ ဒိုက်ဦးမြို့နယ်၊ အမှတ်(၃)ရပ်ကွက်၊ (ပြည်ကျော်) မုန့်မျိုးစုံလုပ်ငန်း လုပ်ကိုင်ဆောင်ရွက်လျက်ရှိသော လုပ်ငန်းရှင်နှင့် (၂၆.၁၁.၂၀၂၄)ရက်နေ့တွင် သွားရောက်တွေ့ဆုံဆွေးနွေးခဲ့ကြောင်းသိရသည်။

            ထိုသို့စားသောက်ကုန်လုပ်ငန်းရှင်နှင့် စားသုံးသူရေးရာဦးစီးဌာန၊ ညောင်လေးပင်ခရိုင်ဦးစီးမှူးတို့ တွေ့ဆုံဆွေးနွေးရာတွင် မိမိတို့လုပ်ငန်းမှထုတ်လုပ်သော အစားအသောက်များအား ကောင်းမွန်သောထုတ်လုပ်မှုကျင့်စဉ်၊ FDAထောက် ခံချက်ရရှိအောင်ဆောင်ရွက်နိုင်ရန်နှင့် အသေးစား၊ အလတ်စား၊ စက်မှုလက်မှုလုပ်ငန်းလိုင်စင်ရရှိရေးဆောင်ရွက်ရန် မိမိတို့လုပ်ငန်းတွင် အသုံးပြုရန်လျှောက်ထားသော စက်မှုလုပ်ငန်းသုံးစားအုန်းဆီများကို စားသောက်ကုန်လုပ်ငန်းတွင် အမှန်တကယ်သုံးစွဲမှုရှိ/ မရှိ စစ်ဆေးခြင်းနှင့် သက်ဆိုင်ရာဌာနများ၏ ထောက်ခံချက်များရရှိရေး တွေ့ဆုံဆွေးနွေးခဲ့ပါကြောင်း သိရှိရပါသည်။

DOCA(ပဲခူး)

            (၂၁.၁၁.၂၀၂၄) ရက်နေ့ နံနက် (၁၀း၀၀) နာရီအချိန်တွင်၊ မုံရွာမြို့၊ စစ်ကိုင်းတိုင်းဒေသကြီးအစိုးရအဖွဲ့ရုံးရှိ DICA အစည်းအဝေးခန်းမတွင် စားသုံးသူကော်မတီ(၄/၂၀၂၄)ကြိမ်မြောက်အစည်းအဝေးကို ကျင်းပဆောင်ရွက်ရာ စားသုံးသူရေးရာကော်မတီဥက္ကဌ စီးပွားရေးရာဝန်ကြီးဒေါ်ရီရီသန်းက အဖွင့်အမှာစကားပြောကြားပြီး ကော်မတီအဖွဲ့ဝင်များနှင့် စားသုံးသူဝန်ထမ်း(၁၇)ဦး တက်ရောက်ကြောင်း သတင်းရရှိပါသည်။

             အဆိုပါအစည်းအဝေးတွင် စားသုံးသူရေးရာကော်မတီဥက္ကဌ၊ စီးပွားရေးရာဝန်ကြီး ဒေါ်ရီရီသန်းက အဖွင်အမှာစကားပြောကြားရာ တက်ရောက်လာသောကော်မတီအဖွဲ့ဝင်  များအနေဖြင့် စားသုံးသူများဘေးကင်းလုံခြုံစိတ်ချစွာ စားသုံးမှုပြုနိုင်ရေးသည် မိမိတို့၏တာဝန်သာဖြစ်ကြောင်း၊ ကုသိုလ်လည်းရဝမ်းလည်းဝ နည်းမှန်လမ်းမှန်ဆောင်ရွက်နိုင်စေရန်အတွက် အစီအမံများချမှတ်၍ တိုင်းတွင်းလုပ်ငန်းတာဝန်များ အကောင်အထည်ဖော်ဆောင်ရွက်နိုင်ရန် ကော်မတီအဖွဲ့ဝင်များက ပူးပေါင်းအကြံပြုရမှာဖြစ်ကြောင်း၊ သုံးလမှတစ်ကြိမ်ကျင်းပရသည်ဖြစ်၍ ဆောင်ရွက်ပြီးစီးမှုအခြေအနေ၊ ရှေ့ဆက်ဆောင်ရွက်ကြမည့် လုပ်ငန်းစဉ်များဆွေနွေးပြောြကားခြင်း၊ ကော်မတီအတွင်းရေးမှူး တိုင်းဒေသကြီးစားသုံးသူရေးရာဦးစီးဌာန၊ တိုင်းဒေသကြီးဦးစီးမှူး ဦးခမ်လျန်စွမ်းက စားသုံးသူကာကွယ်ရေးလုပ်ငန်းသည်ပြည်သူအတွက် အထူးလိုအပ်ပါကြောင်း၊ စားသုံးသူပြည်သူများ နစ်နာမှုများရှိပါက တိုင်ကြားလာမှုရှိစေရေးနှင့် စားသုံးသူကာကွယ်ပေးရေးဥပဒေနှင့်အညီ ညှိနှိုင်းဖြေရှင်းဆောင်ရွက်ခြင်းများ၊ အွန်လိုင်းစနစ်သုံးစွဲမှုများ စိစစ်ကြပ်မတ်ဆောင်ရွက်ခြင်းများ ဆောင်ရွက်ရန် လိုအပ်ကြောင်း၊ ယခင်နှင့် ယခုလုပ်ငန်းဆောင်းရွက်မှုများ နှိုင်းယှဥ်ချက်များရှင်းလင်းဆွေးနွေးတင်ပြီး တက်‌ရောက်လာသော ကော်မတီအဖွဲ့ဝင်များက ဖြည့်စွက်ဆွေးနွေးခြင်းနှင့် အမှာစာတင်ပြမှုအပေါ် ရှေ့ဆက်ဆောင်ရွက်မည့် လုပ်ငန်းများအားအစည်းအဝေးဆုံးဖြတ်ချက်ချမှတ်၍ (၄/၂၀၂၄)ကြိမ်မြောက် စားသုံးသူရေးရာကော်မတီအစည်းအဝေကို အောင်မြင်စွာကျင်းပဆောင်ရွက်နိုင်ခဲ့ကြောင်းသိရှိရပါသည်။

DOCA(စစ်ကိုင်း)

            ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်ချက်အရ လှည်းကူးခရိုင် တရားမဝင်ကုန်သွယ်မှုတိုက်ဖျက်ရေး၏ စီစဉ်မှုဖြင့် တရားမဝင်ကုန်သွယ်မှုများကို ဥပဒေနှင့်အညီ ထိရောက်စွာတားဆီးနိုင်ရေးဆောင်ရွက်လျက်ရှိရာ အဖွဲ့ခေါင်းဆောင် ဒုခရိုင်ရဲတပ်ဖွဲ့မှူး ရဲမှူးစောနိုင်ဦးဆောင်၍ စားသုံးသူရေးရာဦးစီးဌာနမှ ဦးစီးအရာရှိ ဦးမျိုးအေးတို့သည် ၂၂.၁၁.၂၀၂၄ ရက်နေ့ နံနက်(၁၀:၀၀)နာရီအချိန်မှ (၁၂:၃၀)အချိန်ထိ လှည်းကူးမြို့နယ်ရှိ မင်းလွင်ကုန်း X-Ray စစ်ဆေးရေးဂိတ်တွင် ဖြတ်သန်းသွားလာနေသော မော်တော်ယာဉ်များအား တရားမဝင်ကုန်သွယ်မှုတိုက်ဖျက်ရေးလုပ်ငန်းများ ပူးပေါင်းအဖွဲ့ဖြင့် ကွင်းဆင်းစစ်ဆေးခဲ့ပါသည်။

           အဆိုပါ မင်းလွင်ကုန်း X-Ray စစ်ဆေးရေးဂိတ်တွင် ထားဝယ်၊ မန္တလေး၊ ရပ်စောက်၊ ဘားအံ၊ နေပြည်တော်၊ တောင်ငူ၊ မုဒုံ၊ ညောင်ရွှေ၊ တောင်ကြီး၊ မိတ္ထီလာ၊ ပဲခူးတို့မှ ဝင်ရောက်လာသော ကုန်တင်ယာဉ်များတွင် ဘိလပ်မြေ၊ ရာဘာထင်း၊ ပြောင်း၊ ပုလင်းခွံ၊ ကြက်စာ၊ အထည်နှင့် ကုန်မဲ့ကားများ အများဆုံးတွေ့ရှိရပြီး တရားမဝင်ကုန်စည်များ တင်ဆောင်လာခြင် မရှိကြောင်း သိရှိရပါသည်။

DOCA(ရန်ကုန်)

             ၂၁.၁၁.၂၀၂၄ ရက်နေ့ နေ့လယ် (၁၄:၄၀)နာရီအချိန်တွင် မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် အင်းစိန်ခရိုင်၊ လှိုင်သာယာ(အရှေ့ပိုင်း) မြို့နယ်သို့ ငရုတ်ဆီအမျိုးမျိုးနှင့် ပတ်သက်ပြီး ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

            ထိုသို့ ဆောင်ရွက်ခဲ့ရာတွင် အမှတ်(၂၄၆)၊ မက္ခရာမင်းသားကြီးမောင်ပျိုးလမ်းပေါ်ရှိ Ocean Supercenter မှ တာဝန်ခံ ဒေါ်လဲ့သဉ္ဇာနှင့် ဝန်ထမ်းများမှ ပူးပေါင်းပါဝင်၍ ငရုတ်ဆီအမျိုးမျိုးတွင် စားသုံးသူကာကွယ်ရေးဥပဒေအခန်း(၁၈) ပါ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ ပုဒ်မ(၄၃)အရ မည်သည့်စီးပွားရေးလုပ်ငန်းရှင်မဆို ပုဒ်မ(၄၁)၊ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာ တစ်ခု (သို့မဟုတ်) တစ်ခုထက်ပို၍တွဲလျက်ဖြစ် စရေးသားဖော်ပြထားသောကုန်စည်များကိုသာ ရွေးချယ်ရောင်းချပေးရန် အသိပညာပေးပြောကြား ခဲ့ကြောင်းသိရပါသည်။

DOCA(ရန်ကုန်)

            ကုန်ဈေးနှုန်းကောက်ယူမှုလုပ်ငန်းကြီးကြပ်ဆောင်ရွက်နိုင်ရေး လုပ်ငန်းညှိနှိုင်းအစည်းအဝေးလမ်းညွှန်ချက်များကို အကောင်အထည်ဖော် ဆောင်ရွက်နိုင်ရေးအတွက် စားသုံသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ ဒေါ်ခင်သီ(ဦးစီးအရာရှိ)၊ အရှေ့ပိုင်းခရိုင်ဦးစီးမှူးရုံးမှ ခရိုင် ဦးစီးမှူးဦးလှစိုး၊ ဒေါ်လဲ့လဲ့ဌေး(ဒုတိယဦးစီးမှူး)၊ ဒေါ်ယုယုလွင်(အငယ်တန်းစာရေး)၊ ဗဟိုစာရင်းအင်းအဖွဲ့ ရန်ကုန်တိုင်းဒေသကြီးဦးစီးမှူး ‌ဒေါ်စုစုလှိုင် (ဦးစီးအရာရှိ)နှင့် ဒေါ်ဖလောရင့်စ်(ဦးစီးအရာရှိ) တို့ပူးပေါင်း၍ ၂၆.၁၁.၂၀၂၄ ရက်နေ့၊ နံနက် (၀၈:၅၀) နာရီအချိန်တွင် ပုဇွန်တောင်ဈေးစည်ပင်သာယာရေးရုံးမှ ဈေးတာဝန်ခံနှင့် သွားရောက်တွေ့ဆုံ၍ အထက်ဌာနများသို့ တင်ပြလျက်ရှိသည့် အခြေခံစားကုန်(၂၃)မျိုး၏ ဈေးနှုန်း(လက်လီ) ရောင်းချနေသည့် ဈေးနှုန်များမှန်ကန်မှုရှိစေရေး၊ ဈေးကွက်အတွင်းကုန်စည်ဝင်ရောက်မှု အခြေအနေတို့ကိုသိရှိနိုင်ရန် ကွင်းဆင်းစိစစ်ဆောင်ရွက်မှုများ ပြုလုပ်ခဲ့ကြောင်း သိရှိရပါသည်။

           ထိုသို့ စားသုံးသူရေးရာဦးစီးဌာန၊ ဗဟိုစာရင်းအင်းအဖွဲ့၊ ဈေးစည်ပင်သာယာရေးကော်မတီတို့နှင့် ပူးပေါင်းဆောင်ရွက်ခြင်းဖြင့် မြေပြင်တွင်အမှန်တကယ်ဖြစ်ပေါ်နေသည့်   အခြေအနေများကိုသိရှိနိုင်ပြီး လိုအပ်သည်များကိုစီမံဆောင်ရွက်သွားနိုင်မည့် အကျိုးကျေးဇူးများကိုရရှိလာနိုင်မှာဖြစ်ကြောင်း သိရှိရပါသည်။

DOCA(ရန်ကုန်)