စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးအနေဖြင့် စားသုံးသူကာကွယ်ရေးဥပဒေအရ ကုန်စည်အမျိုးအစားအလိုက် ကုန်အညွှန်းအမှတ်အသားဖော်ပြခြင်း ပြုလုပ်ပေးလျက်ရှိရာ ၂၀၂၃ခုနှစ်၊ ဩဂုတ်လအတွင်း “Khit Oo” ခေတ်ဦးသောက်ရေသန့်၊ “အေးကျော်”အမှတ်တံဆိပ် စားသောက်ကုန်လုပ်ငန်း၊ ”လာက်ပြည့်လျှံ”အမှတ်တံဆိပ်စားသောက်ကုန်လုပ်ငန်း၊ “မေမေကြီး”မြန်မာ့ငါးပိထောင်းလုပ်ငန်း နှင့် “KLT” ဇီဝကမ္မထိန်းညှိဆေးလုပ်ငန်းတို့ဖြစ်သည်။
မွန်ပြည်နယ် စားသုံးသူရေးရာဦးစီးဌာနမှ ကုန်အညွှန်းအမှတ်အသားဖော်ပြခြင်း လျောက် ထားတင်ပြမှုအပေါ် စိစစ်ဆောင်ရွက်ပေးနိုင်မှုမှာ ၂၀၁၉-၂၀၂၀ ဘဏ္ဍာနှစ်တွင် (၉၀)ခု၊ ၂၀၂၀-၂၀၂၁ ဘဏ္ဍာနှစ်တွင် (၁၆)ခု၊ ၂၀၂၁-၂၀၂၂ ဘဏ္ဍာနှစ်တွင် (၆)ခု ၊ ၂၀၂၂-၂၀၂၃ ဘဏ္ဍာနှစ်တွင် (၃)ခု ၊ ၂၀၂၃-၂၀၂၄ ဘဏ္ဍာနှစ်တွင် ဩဂုတ်လအထိ(၅)ခု၊ စုစုပေါင်းအရေအတွက်(၁၂၀)ခု ပြုလုပ်ထားပြီးဖြစ်ပါသည်။ ထိုသို့ မြန်မာဘာသာဖြင့် ကုန်အညွှန်းအမှတ်အသားဖော်ပြချက်မှာ စားသောက်ကုန်ပစ္စည်းများ၊ လူသုံးကုန်ပစ္စည်းများ၊ တိုင်းရင်းဆေးများဖြစ်ကြောင်းနှင့် မွန်ပြည်နယ်အတွင်းရှိ စီးပွားရေးလုပ်ငန်းရှင်များသည် မြန်မာဘာသာဖြင့် ကုန်အညွှန်းအမှတ်အသားဖော်ပြချက် ကို တိကျလိုက်နာခြင်း၊ စားသုံးသူကာကွယ်ရေးဥပဒေနှင့်အညီ စီးပွားရေးကျင့်ဝတ်များလိုက်နာ ဆောင်ရွက်မှုရှိကြောင်း သိရှိရပါသည်။
DOCA(မွန်)