၂၀၂၃ခုနှစ်၊ အောက်တိုဘာလ (၁၇)ရက်နေ့တွင် ပျဉ်းမနားမြို့နယ်၊ ပျဥ်းမနား အမှတ်(၁) မြို့မဈေးရှိ စားသုံးဆီရောင်းချသည့်ဆိုင်များအား စားသုံးသူရေးရာဦးစီးဌာန၊ မြို့နယ်အထွေထွေ အုပ်ချုပ်ရေးဦးစီးဌာန၊ စည်ပင်သာယာရေးကော်မတီ(ဈေးများဌာန)၊ ကျန်းမာရေးဝန်ကြီးဌာန၊ မြန်မာ နိုင်ငံရဲတပ်ဖွဲ့တို့ပူးပေါင်း၍ နေပြည်တော်အတွင်း စားသုံးဆီအတု သိုလှောင်ဖြန့်ဖြူးရောင်းချမှုနှင့် စားအုန်းဆီများကို မြေပဲဆီ အနံ့ရရှိစေရန် ရောစပ်သော ဓာတုကုန်ကြမ်းပစ္စည်း ရောင်းချဖြန့်ဖြူး နေခြင်းရှိ/မရှိကို ဈေးကွက်စောင့်ကြည့်စစ်ဆေးခဲ့ကြောင်း သိရသည်။
ထိုပူးပေါင်းအဖွဲ့သည် ပျဉ်းမနားမြို့နယ်၊ အာဟာရသုခဈေးနှင့် လယ်ဝေးမြို့နယ်၊ အေလာဈေး များသို့ ဆက်လက် စစ်ဆေးခဲ့ရာ စပ်ဆီများကို တွေ့ရှိခဲ့ပြီး ပဲစပ်ဆီ (၅၀သား)တစ်ဘူး (၅၁၀၀)ကျပ်၊ ပဲဆီ(၅၀သား)တစ်ဘူး (၇၀၀၀)ကျပ်နှင့် နှမ်းစပ်ဆီ (၅၀သား)တစ်ဘူး (၅၀၀၀)ကျပ်ဖြင့် နမူနာ ဝယ်ယူခဲ့ပြီး ရန်ကုန်တိုင်း ဒေသကြီး၊ လှည်းကူးမြို့နယ်ရှိ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစုသို့ (ဓါတုပစ္စည်းများပါ/မပါ)စစ်ဆေးရန် ပေးပို့ခဲ့ကြောင်း သတင်းရရှိပါသည်။
DOCA(နေပြည်တော်ကောင်စီ)