ဒီဇင်ဘာလ ဒုတိယပတ်အတွင်း မန္တလေးကုန်စည်ဒိုင်သို့ စတင်ဝင်ရောက်လာမည့်ပွက်သားအသစ်များ

     ၂၀၂၃ခုနှစ်၊ ဒီဇင်ဘာလ ဒုတိယပတ်အတွင်း အင်းရွာ၊ မြတောင်၊ တွင်းငယ်စိုက်ကွင်းများမှ ရိတ်သိမ်းမည့်ကြံမှ ကြိုချက်မည့်ပွက်သားများမှာ သကြားနှင့်သကာရည်ကုန်စည်ဒိုင်အသင်း (မန္တလေး)  သို့ စတင်ဝင်ရောက်မည်ဖြစ်ကြောင်းသိရသည်။ မန္တလေးကုန်စည်ဒိုင်စျေးကွက်အတွင်းသို့  ၂၀၂၄ခုနှစ်၊ ဇန်နဝါရီလ ဒုတိယပတ်အတွင်း  ငါးအိုး၊   မိုးဒါး၊  ရွှေကူစိုက်ကွင်းများမှရိတ်သိမ်းထွက်ရှိသော ကြံမှကြိုချက်မည့် ပွက်သားအသစ်များလှိုင်လှိုင်ဝင်ရောက်မည်ဖြစ်ကြောင်းသိရသည်။ ကုန်စည်ဒိုင်အတွင်း ၂၀၂၃ခုနှစ်၊ အောက်တိုဘာလ နောက်ဆုံးပတ်တွင် လက်ကျန်ပွက်သား (၈၅ ပိဿာဝင်) ပိုင်း ၃၀၀၀ခန့်သာကျန်ရှိသောကြောင့် လက်ကျန်နည်းပါးမှုအပေါ် ပွက်သားစျေးအနည်းငယ်ပြောင်းလဲကြောင်း ကုန်စည်ဒိုင်အသင်းဥက္ကဋ္ဌ ဦးမွန်နား၏ပြောပြချက်အရသိရသည်။ ကုန်စည်ဒိုင်သို့  ပွက်သားဝင်ရောက်မှုမှာ စျေးကွက်လိုအပ်ချက်နည်းပါးခြင်း၊ အလုပ်သမားရရှိမှုနှင့် ရာသီဥတုအခြေအနေအပေါ် မူတည်၍ ယခုနှစ်ရာသီတွင် ပွက်သားရရှိမှုနည်းပါးနိုင်ကြောင်းသိရသည်။ သကြားနှင့်သကာရည်ကုန်စည်ဒိုင်အသင်း (မန္တလေး) တွင်  လအလိုက်ဖြစ်ပေါ်လျက်ရှိသော ပွက်သားပေါက်စျေးများကို  ဇယားနှင့်တကွတင်ပြလိုက်ရပါသည်။                    

                                                                                                          (ရေတွက်ပုံ - ပိဿာ)

  DOCA(မန္တလေး)