ပြည်ခရိုင်၊ ပေါက်ခေါင်းမြို့နယ်တွင် ယခုနှစ် ၂၀၂၃ ခုနှစ်တွင် မိုးငရုတ်စို စိုက်ဧကမှာ ၁၈၀ ကျော်ရှိပြီး စိုက်ပျိုးသည့်မျိုးများမှာ ကျောက်စိမ်းငရုတ်သီး၊ အာမိုငရုတ်သီးနှင့် ကရင်မ(ခေါ်) တောင်ပေါ်ငရုတ်သီးမျိုးတို့ကို စိုက်ပျိုးကြောင်း သိရပါသည်။ ငရုတ်သီးစိမ်းကို မိုးရာသီတွင် စိုက်ပျိုးကြသလို ဆောင်းရာသီတွင်လည်း စိုက်ပျိုးကြပါသည်။ ပေါက်ခေါင်းမြို့နယ်အနေဖြင့် ငရုတ်စိုကို အများဆုံးစိုက်ပျိုးကြပြီး ထွက်ရှိလာသောငရုတ်သီးစိမ်းများကို နယ်စုံသို့ တင်ပို့ရောင်းချကြသလို ပြည်မြို့သို့လည်းတင်ပို့ရောင်းချပြီး ထိုမှတစ်ဆင့်ရန်ကုန်မြို့သို့လည်း တင်ပို့ရောင်းချကြောင်း သိရပါသည်။ ငရုတ်သီးစိမ်းပေါ်ခါစတွင် ရောင်းချသောဈေးနှုန်းများမှာ အာမိုတစ်ပိဿာလျှင် ၁၂၀၀ ကျပ်၊ ကျောက်စိမ်းသီးတစ်ပိဿာလျှင် ၁၅၀၀ကျပ်၊ တောင်ပေါ်ကရင်မ ငရုတ်သီး တစ်ပိဿာလျှင် ၄၅၀၀ကျပ်ဖြင့် ရောင်းချကြပါသည်။ ယခုအောက်တိုဘာလကုန်ပတ်တွင် အာမို တစ်ပိဿာလျှင် ၂၀၀၀ကျပ်၊ ကျောက်စိမ်းတစ်ပိဿာလျှင် ၂၃၀၀ကျပ်နှင့် တောင်ပေါ်ငရုတ် တစ်ပိဿာလျှင် ၅၀၀၀ကျပ်အထိ ဈေးမြင့်တက်သွားကြောင်း သိရပါသည်။
DOCA(ပဲခူး)