![](http://www.doca.gov.mm/sites/default/files/styles/consumer_inner_image__847x424_/public/ပိန်းဉ 2.jpg?itok=O9924VmI)
ပဲခူးတိုင်းဒေသကြီး၊ နတ်တလင်းမြို့နယ်အတွင်းရှိ သဲကုန်းကျေးရွာ၊ မြို့ခြံကျေးရွာ၊ သရက်တစ်ပင် ကျေးရွာများတွင် အောက်တိုဘာလမှစ၍ ပိန်းဥများလှိုင်လှိုင်ထွက်ရှိနေပြီဖြစ်ပြီး ပိန်းဥ (အလုံးကြီး) တစ်ပိဿာ လက်လီ (၂၅၀၀)ကျပ်၊ လက်ကား(၂၀၀၀)ကျပ်၊ ပိန်းဥသားတက် တစ်ပိဿာ လက်လီ (၃၀၀၀)ကျပ်၊ လက်ကား (၂၅၀၀)ကျပ်နှုန်းဖြင့် ရောင်းဝယ်လျက်ရှိပါသည်။
ပိန်းဥကို ဇူလိုင်လဒုတိယပတ်တွင် စတင်စိုက်ပျိုးပြီး အောက်တိုဘာလ ပထမပတ်တွင် စတင်တူးဖော်ကြပါသည်။ ပိန်းဥများစိုက်ပျိုးရန်အတွက် မျိုးကိုယခင်နှစ်က တူးဖော်ထားရှိသော သားတက်များအား မျိုးအဖြစ်ပြန်လည်အသုံးပြုပါကြောင်း၊ ပိန်းဥတစ်ကျိုးစိုက်ပျိုးရာတွင် (မျိုး၊ မြေပြုပြင်ခ၊ စိုက်ခ ၊ ပေါင်းမြက်ရှင်းခ၊ ဓာတ်မြေဩဇာဘိုး၊ တူးဖော်ခ၊ နွှာခ) စုစုပေါင်းကုန်ကျစရိတ် (၃၄၀၀၀၀) ကျပ်ခန့်ကုန်ကျပါကြောင်း၊ တစ်ကျိုးလျှင် ပိန်းဥ အကြီးပိဿာ (၃၀၀)ခန့်နှင့် သားတက် ပိဿာ (၃၀)ခန့် ထွက်ရှိပါကြောင်း ၊ ထွက်ရှိလာသောပိန်းဥများကို ဒေသတွင်း မြို့နယ်များတွင် ရောင်းချရန်နှင့် ရန်ကုန်မြို့သို့ တင်ပို့ရောင်းချရန် ကုန်သည်များမှ အိမ်အရောက်ဝယ်ယူမှုများ ရှိကြောင်း သိရှိရပါသည်။
DOCA(ပဲခူး)