![](http://www.doca.gov.mm/sites/default/files/styles/consumer_inner_image__847x424_/public/835_2.jpg?itok=7deGQMon)
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်တွင် ဆီထွက်သီးနှံဖြစ်သော မြေပဲနှင့်နှမ်းကို အဓိကစိုက်ပျိုးကြပါသည်။ ယခုအခါတွင် သုံးလမြေပဲများဖြိုင်ဖြိုင်ပေါ်နေပြီး မြေပဲဆံဈေးမှာလည်း အနည်းငယ်ကျဆင်းကြောင်းသိရှိရပါသည်။ ပခုက္ကူခရိုင်အတွင်းသို့ မြိုင်မြို့နယ်ရှိကျေးရွာများ၊ ရေတောင်ဘက်ရှိကျေးရွာများ၊ ပခုက္ကူမြို့အနောက်ဘက်ရှိကျေးရွာများမှ သုံးလမြေပဲများမှာ အရောင်းအဝယ်ဖြစ်နေပါသည်။ ၂၀၂၃ခုနှစ်၊ အောက်တိုဘာလ(စတုတ္ထပတ်)တွင် သုံးလမြေပဲ၏ အခွံပါ အတောင့်ဈေးနှုန်းမှာ တစ်ပိဿာလျှင် ကျပ်(၂၆၀၀-၃၁၀၀-၃၂၀၀)၊ မြေပဲအဆံလက်ကားဈေး မှာ မြေပဲဆံ(ပဲလေး)အလုံးအသေး/အကြီးပေါ်မှုတည်၍ တစ်ပိဿာလျှင် ကျပ် (၅၇၀၀-၅၈၀၀ )မှစ၍ ကျပ်(၆၀၀၀ -၆၁၀၀)၊ မြေပဲဆံ(ပဲကြီး)တစ်ပိဿာလျှင် ကျပ် (၅၉၀၀-၆၀၀-၆၁၀၀)၊ မြေပဲဆံပြန့်ရှယ် တစ်ပိဿာလျှင် ကျပ်(၅၇၀၀-၅၈၀၀-၆၀၀၀) ၊ မြေပဲဆံရွေးကျ(ခွဲခြမ်း)တစ်ပိဿာလျှင် ကျပ်(၃၅၀၀-၃၈၀၀)ဖြင့် အရောင်းအဝယ်ဖြစ်နေပါသည်။
မြေပဲဆံ(၃)လပဲများဖြိုင်ဖြိုင်ပေါ်သည့်အလျောက် မြေပဲဆုံဆီလုပ်ငန်များလည်း တွင်ကျယ်စွာလည်ပတ်လျက်ရှိပါသည်။ ပခုက္ကူမြိုနယ်တွင် ဆုံဆီလုပ်ငန်းများကို ယခင်ထက် တွင်ကျယ်စွာလုပ်ကိုင်လာကြပါသည်။ မြေပဲဆုံဆီကြိတ်ရာတွင် မြေပဲဆံများကို ပြာတီးသန့်စင်ကြောင်း၊ မြေပဲအပုပ်စေ့များကိုရွေးထုတ်ပြီးမှာသာ မြေပဲဆံကြိတ်ရကြောင်း၊ မြေပဲဆံပဲလေးတစ်ပိဿာကြိတ်လျှင် ဆီ(၄၀-၄၂)ကျပ်သားထွက်ရှိကြောင်း၊ မြေပဲတစ်စုံကြိတ်လျှင်(၅)ပိဿာကြိတ်ရပြီး ဆီထွက်ရှိမှုမှာ (၂)ပိဿာ (၁၀)ကျပ်သားထွက်ရှိကြောင်း၊ မြေပဲဆုံကြိတ်ခမှာ တစ်စုံလျှင် ကျပ်(၇၀၀)ဖြစ်ပြီး မြေပဲစုံ (၇)စုံရှိကြောင်း မြေပဲစုံကြိတ်သူထံမှသိရှိရပါသည်။ မြေပဲဆုံဆီတစ်ပိဿာလျှင် ကျပ်(၁၃၀၀၀)မှ ကျပ် (၁၃၅၀၀)အထိ၊ စက်ပဲဆီသန့်တစ်ပိဿာလျှင် ကျပ်(၁၁၀၀၀-၁၂၀၀၀)ဖြစ်ပြီး ဆုံပဲခွေဖတ်တစ်ပိဿာလျှင် ကျပ်(၂၃၀၀)ဖြင့်ရောင်းချနေကြောင်းနှင့် ဈေးကွက်အနေဖြင့် ရန်ကုန်နှင့် မန္တလေးတိုင်းဒေသကြီးသို့တင်ပို့နေကြောင်း ပခုက္ကူမြို့နယ်ဆုံဆီလုပ်ငန်းရှင်ထံမှသိရှိရပါသည်။
DOCA(မကွေး)