မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့ ပတ္တမြားဈေးကြီးအတွင်းတွင် သီးနှံမျိုးစုံအ များဆုံးစိုက်ပျိုးထွက်ရှိသော ရေလယ်ကျွန်း၊ သံဇလုံ၊ ချင်တောင်၊ ချောင်းမကြီး၊ မယ်ဇလီကွေ့၊ တူရွန်းမျော၊ ဂွေးပင်ကျေးရွာများမှ အများဆုံးဝင်ရောက် ရောင်းချလျက်ရှိသည့်အပြင် ချောက်၊ ဆင်ဖြူကျွန်း၊ စလင်း၊ ပွင့်ဖြူ၊ ကျောက်ပန်းတောင်း၊ ပုပ္ပါး၊ ရှမ်းပြည်နယ် အင်းလေးဒေသထွက် ဟင်းသီးဟင်းရွက်သစ်သီးဝလံများ ဝင်ရောက်လျက်ရှိပြီး ဒေသခံပြည်သူများ ရောင်းဝယ်ဖောက်ကားရာဈေးဖြစ်ပါသည်။
ဆိပ်ဖြူမြို့၊ ပတ္တမြားဈေးအတွင်း၌ ၂၀၂၃ခုနှစ်၊ နိုဝင်ဘာလ(၁)ရက်မှ(၃)ရက်နေ့အထိ အရောင်းအဝယ်ဖြစ်လျက်ရှိသော အခြေခံစားကုန်ဈေးနှုန်းများမှာ ခရမ်းချဉ်သီး တစ်ပိဿာလျှင် ကျပ် (၁၅၀၀ မှ ၂၀၀၀)၊ ခရမ်းသီး တစ်ပိဿာလျှင် ကျပ်(၂၅၀၀)၊ အာလူးတစ်ပိဿာလျှင် ကျပ်(၂၅၀၀ မှ ၃၅၀၀)၊ ကြက်သွန်နီတစ်ပိဿာလျှင် ကျပ်(၂၅၀၀ မှ ၃၅၀၀)၊ ကြက်သွန်ဖြူ တစ်ပိဿာလျှင် ကျပ် (၁၁၀၀၀ မှ ၁၂၀၀၀)၊ ကုလားပဲဆံ တစ်ပြည်လျှင် ကျပ်(၇၇၀၀)၊ မြေပဲဆံ(လုံးဆံ)တစ်ပြည်လျှင် ကျပ်(၇၀၀၀)၊ မြေပဲဆံ(ဆီဆံ)တစ်ပြည်လျှင် ကျပ်(၅၆၀၀)၊ ချင်းတက် တစ်ပိဿာလျှင် ကျပ် (၅၆၀၀)၊ ချင်း(ဂျင်း)ပေါက် တစ်ပိဿာလျှင် ကျပ်(၆၀၀၀)၊ ငရုတ်သီးစိမ်း(အစပ်သီး)တစ်ပိဿာလျှင် ကျပ်(၆၀၀၀)၊ ငရုတ်သီးခြောက်အတောင့် တစ်ပိဿာလျှင် ကျပ်(၁၅၀၀၀ မှ ၂၀၀၀၀)၊ ငရုတ်သီးမှုန့် တစ်ပိဿာလျှင် ကျပ်(၁၈၀၀၀ မှ ၂၀၀၀၀)၊ ဂေါ်ဖီ တစ်ထုပ်လျှင် ကျပ်(၅၀၀ မှ ၁၀၀၀)၊ မျှစ်ပေါက် တစ်ပိဿာ ကျပ်(၂၅၀၀)၊ ခါကြက်ဥ တစ်ပိဿာလျှင် ကျပ်(၅၀၀၀)၊ ပဲသီး တစ်ပိဿာလျှင် ကျပ် (၂၅၀၀)၊ ရေကန်စွန်းရွက်သုံးစီးလျှင် ကျပ်(၁၀၀)၊ မုန်လာပွင့် တစ်ပွင့်လျှင် ကျပ်(၈၀၀ မှ ၁၀၀၀) ဈေးဖြင့် အရောင်းအဝယ်ဖြစ်လျက်ရှိသည်။
ဆိပ်ဖြူမြို့ အသားငါးဈေးနှုန်းများမှာ မွေးမြူရေးကြက်သား(CP) တစ်ပိဿာလျှင် ကျပ် (၁၁၀၀၀ မှ ၁၂၀၀၀)၊ ကြက်သား(ဗမာ) တစ်ပိဿာလျှင် ကျပ်(၁၆၀၀၀)၊ ဝက်သား တစ်ပိဿာလျှင် ကျပ်(၁၆၀၀၀ မှ ၁၈၀၀၀)၊ ဆိတ်သား တစ်ပိဿာလျှင် ကျပ်(၁၈၀၀၀ မှ ၂၀၀၀၀)၊ အမဲသား တစ်ပိဿာလျှင် ကျပ်(၁၄၀၀၀ မှ ၁၆၀၀၀)၊ ငါးကြင်း တစ်ပိဿာလျှင် ကျပ်(၈၀၀)၊ ပဲဆုံဆီ တစ်ပိဿာလျှင် ကျပ်(၁၆၀၀၀)၊ ပဲစက်ဆီ တစ်ပိဿာလျှင် ကျပ်(၁၃၀၀၀ မှ ၁၄၀၀၀)၊ ပဲရောဆီ တစ်ပိဿာလျှင် ကျပ်(၉၅၀၀ မှ ၁၂၀၀၀)၊ နှမ်းစက်ဆီ တစ်ပိဿာလျှင် ကျပ်(၁၄၀၀၀)၊ နှမ်းရောဆီ တစ်ပိဿာလျှင် ကျပ်(၈၅၀၀ မှ ၁၂၀၀၀)၊ သိင်္ဂီပေါ်ဆန်း(၂၄)ပြည် တစ်အိတ်လျှင် ကျပ်(၁၆၀၀၀၀)၊ ဖျာပုံပေါ်ဆန်း(၂၄)ပြည် တစ်အိတ်လျှင် ကျပ်(၁၃၀၀၀၀)၊ ဧရာပဒေသာဆင်ဖြူကျွန်း(၂၄)ပြည် တစ်အိတ်လျှင် ကျပ်(၁၄၅၀၀၀)၊ ဧရာပဒေသာ(အောက်)(၂၄)ပြည် တစ်အိတ်လျှင် ကျပ်(၁၁၅၀၀၀)၊ မနောသုခဆန်(အောက်)(၂၄)ပြည် တစ်အိတ်လျှင် ကျပ်(၉၂၀၀၀)၊ ရတနာတိုးဆင်ဖြူကျွန်း (၂၄)ပြည် တစ်အိတ်လျှင် ကျပ်(၇၄၀၀၀) ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။
DOCA(မကွေး)