တောင်ငူမြို့သို့ စစ်ကိုင်းတိုင်းဒေသကြီး၊ မုံရွာဒေသမှထွက်သော ဖရဲသီးများလာရောက် ရောင်းချကြပြီးကားတစ်စီးလျှင် ဖရဲသီးအလုံး ၃၅၀၀ တင်ဆောင်လာပါသည်။
၎င်းဖရဲသီးများကို ညောင်ပင်ဈေးတွင် အထိုင်ရောင်းချသကဲ့သို့ မော်တော်ယာဉ်ငယ်ဖြင့် လည်း လူစည်ကားရာနေရာများသို့ လှည့်လည်ရောင်းချရာ ယခင်အပတ်က ဖရဲသီး အကြီး တစ်လုံး လျှင် ၂၀၀၀ ကျပ်မှ ၂၅၀၀ ကျပ်အထိရှိရာမှ ယခုအပတ်တွင် ဖရဲသီးအကြီး တစ်လုံး လျှင် ၁၈၀၀ ကျပ်မှ ၂၀၀၀ ကျပ်အထိ ဈေးနှုန်းအနည်းငယ်ကျဆင်းပါသည်။
ဖရဲသီး အလုံးလတ် အလတ်တစ်လုံးလျှင် ၁၀၀၀ ကျပ်မှ ၁၅၀၀ ကျပ်နှင့် အလုံးသေး တစ်လုံးလျှင် ၅၀၀ ကျပ်မှ ၈၀၀ ကျပ်အထိဖြစ်ရာ ယခင်အပတ်ကအတိုင်း ဈေးနှုန်း တည်ငြိမ်ကြောင်း နှင့် မုံရွာဖရဲသီးမှာ ဒေသထွက်ဖရဲသီးထက် အရသာကောင်းမွန်သဖြင့် လူကြိုက်များပြီး ရောင်းအား ကောင်းကြောင်း သိရှိရပါသည်။
DOCA(ပဲခူး)