တောင်ငူမြို့နယ် ငါးဖယ်အင်းကျေးရွာအုပ်စု မင်းလမ်းကျေးရွာ စီပီဝက်မွေးမြူရေးလုပ်ငန်းမှ အသားတိုးဝက်နှင့် မျိုးစပ်ဝက်ပေါက်များကို ဝယ်ယူရရှိနိုင်ပါသည်။ ၄၅ ရက်သား အသားတိုးဝက်ပေါက် တစ်ကောင်လျှင် ယခင်က ၁၅၀၀၀၀ ကျပ်ရှိသော်လည်း ယခုအခါ ၁၂၀၀၀၀ ကျပ်ဖြင့် ဈေးကျပါသည်။ ဝယ်ယူပြီးရက် ၆၀ အကြာတွင် ရောင်းတန်းဝင် ဝက်ကြီးတစ်ကောင်အဖြစ် ရောင်းချနိုင်ပါသည်။
စီပီအသားတိုးဝက်များသည် အသားများခြင်းကြောင့် လူကြိုက်များကြောင်း၊ တရုတ်နိုင်ငံသို့ တင်ပို့ရောင်းချရကြောင်း သိရှိရပါသည်။ ယခင်က ဝက်ကြီးတစ်ကောင်လျှင် အကောင်လိုက်ဈေး တစ်ပိဿာ ၁၁၀၀၀ ကျပ်ဖြင့် ရောင်းချရသော်လည်း ယခုအခါတွင် တစ်ပိဿာ ၇၀၀၀ ကျပ်ဖြင့်သာ ရောင်းချရပါသည်။
အစာဈေးမြင့်ပြီး အသားဈေးကျဆင်းခြင်းကြောင့် ယခင်ကကဲ့သို့ တွက်ချေမကိုက်တော့ကြောင်း သိရပါသည်။
DOCA(ပဲခူး)